Astâdz easti colinda
Stihuri: Nicolae Suflaru
Tașcu Lala, 24.12.2024, 08:49
Astâdz easti colinda
Stihuri: di Nicolae Suflaru
Astâdz easti colinda,
Sârbâtoari di daima.
Fciori dit tut laolu
Spun: S-amintă Hristolu!
Mâni, nidatâ hâryia,
Di unâ featâ Stâ-Mâria,
Di unâ featâ nimârtatâ,
Di Dumnidză aleaptâ,
S-aibâ un hil’iu hârios,
S-bagâ numa di Hristos.
Ș-că âl’i vrem mari tiñii
Cu a lui mari vluyie.
Că el vini aoa, tru lumi,
S-nâ l’iartâ ațeali nibuni.
