Di ţi s’asparu româñilli?
Inflaţia, scădearea a nivelui di bană, corupţia şi furlăkea eara spusi di români ca protili probleme cu cari văsilia sampuliseaşti, simfunu cu unu sondaj adratu di Centrul di Sociologie Urbană şi Regională
Sorin Iordan, 25.09.2023, 18:19
Majoritatea a românilor lugursescu că lucărli tru România s’ndreaptă cama multu pi ună cali alăthusită, spunu rezultatele a unui sondaj adratu di Centrul di Sociologie Urbană şi Regională – CURS, publicate dumănică. Uidisitu cu cercetarea, proporţia a atiloru cari au aestă cădăseari easti di 69%, tu kirolu anda 22% lugursescu că lucărli acăţară calea aţea bună, iara 9% nu ştiu ică nu apăndăsiră. Tutunăoară, 41% ditu aţelli ntribaţ suntu cu minduearea că piasti un an situaţia a lor va s’hibă ma greauă, 38% că va s’hibă idyea, iara 18% că va s’hibă ma bună. Simfunu cu sondajlu, protili probleme cu cari s’ampulisescu românii suntu inflaţia – 19%, veniturile niţ şi impliţit nivelul di bană – 17% şi corupţia şi furlăkea – 16%. Probleme transfrontaliere catacum migraţia şi polimlu ditu Ucraina adună gaile maş 3% ditu apăndăsitroi, la egalitate cu aţelli cari identificară clasa politică şi infrastructura ali Românie ca nai marli problemi. Tru aţea ţi mutreaşti pistipsearea tu instituţiile naţionale, pi primul loc suntu pompierii cu 73%, deapoa armată cu 68% şi bisearică – 63%. Ti Organizația Tratatlui Atlanticului di Nord au pistusini 42% ditu românikiro tu cari 52% au niheam şi multu pţănă pistipseari tru NATO. Tutunăoaă, maş 35% ditu participanţii la sondaj au multă şi dipu multă istipseari tru Uniunea Europiană, procentul aţiloru cari au pţnă şi dipu ptănă pistipseari tru UE hiinda di 59%.
Clasa politică şi conduţirea statului suntu tu coada clasamentului ti pistipserea ţi u spunu româñilli. 13% au pistipseari tru trucredire tru Prezoidenţille şi tru Parlamentul di Bucureşti şi maş 10% tru partidili politiţi. Ambodyiurli ţi li ari România ti aderarea la Spaţiul Schengen tălleară nădia a cetăţenilor a llei. Ase, 60% ditu aţelli ntribaţ minduescu că văsilia nu va s’hibă aprukeată tru spaţiul european di liberă circulaţie şi maş 27% pistipsescu că România va s’hibă aprukeată tru aestu club tru 2023. Austria easti vidzută di 41% ditu români ca hiinda responsabilă tră niadirarea României la Schengen, tu kirolu anda 21% lu stipsescu Guvernul ali Românie şi 12 proţente Consiliul Uniunii Europine. Sondajul nica yilipseaşti că, ma s’aibă dumănica yinitoare alidzeri parlamentare, giumitate ditu români va s’voteadză aţeali dauă partidi cari ancurpilleadză tora coaliţia di guvernare – Partidul Social Dimocrat şi Partidul Naţional Liberal. Ase, 31% ditu aţelli ntribaţ au pistusini tru PSD, 19% PNL, tu kirolu anda partidile ditu opoziţie – Alianţa tră Unirea Românilor şi Uniunea Salvaţi România vrea s’adună 18 şi, respictiv 11% ditu sufragii, iara Uniunea Democrată Maghiară ditu România vrea s’amintă 5 procente. Sondajul CURS fu adratu pritu metoda “faţă-tru-faţă”, tru perioada 12-22 yismăciuni, pi un eşantion reprezentativ naţional di 1.008 respondenţă şi ari ună marja maximă di alathusu di plus-minus 3,1%
Autor: Sorin Iordan
Armãnipsearea: Taşcu Lala
