Muabeţ mutrinda energia
Premierlu Nicolae Ciucă s-andămusi cu reprezentanţălli a unei companii ghirmana cari va sdişcllidă ună favrică ţi va sadară panouri/ploaci solari tru România.
Tașcu Lala, 07.03.2023, 18:08
Compania ghirmană AE SOLAR tăxeaşti că va s’adară panouri solare tru România. Va s’hibă ună ditu nai ma mări investiții dimăndati tru añilli ditu soni, tru văsilie. Uidisitu cu Guvernulu di București, premierlu Nicolae Ciucă s-andămusi cu reprezentanţăllii a companiillei, ţi ari naeti s’inveastiască, tutu cu tutu, 1 miliardu di euro. Tru fază iniţială, aestu proiectu va s’aibă ună capacitate di 2 gigawaţ, iara la finalizarea a integrarillei complete a fluxurilor di producţie va s’agiungă la 10 gigawaţi, aţea ţi va s’reprezintă un cirecu ditu ananghea europeană. AE SOLAR, cari opereadză tru 95 di văsilii, confirmă că va s’opearaţionalizeadză prota fază a planlui românesc baş tru aestu an.
Ditu videala a Executivlui, va s’hibă analizati resursili cari pot s’hibă asiguripsiti pritu finanţări europeani ică di la bugetlu di Stat tra s’ndrupască realizarea a proiectului. Tu ţi mutreaşti aplicabilitatea investițiillei, tră aesta va s’hibă mintiţ specialiști ditu cadrul a Rețeauălllei Universitățlor di la Amarea Lae, cari va s’poată s’lucreadză deadunu pritu unu parcu științific complementar facilitățlor di producție — nica să spuni tru comunicatul Guvernului. Uidisitu cu premierlu Ciucă, investiția companiillei AE SOLAR va u aducă România tru ţentrul a producțillei europene di panouri/ ploaci solare și va s’aibă contributu cabaia mari ti independența energetică a văsiliillei, ama și la vigllearea a fisillei, pritu ufilisirea ali energie reghenerabile, kiskină, tra producţia di electriţitate.
Ti modernizari eara zborlu și tru andamasea pi cari caplu a Executivlui u avu cu reprezentanţii companiei Mass Global Energy Rom, cari ancupără, anlu tricut, Termocentrala pi cărbuni di Mintia. Aeșţă ălli prezentară al Nicolae Ciucă un plan di investiții di pisti 1 miliard di euro pritu cari vor s’alăxească termocentrala tru nai ma mari şi hăirlătică capaţitate di producţie ali energiei electrică pi gaze, nu pi cărbuni, cata cum eara până tora, ditu Uniunea Europeană: aesta ari tru planu tra s’producă nai ma puţăn 1.500 di megawaţ. Prima etapă a investiţillei va s’hibă finalizată tru 24 di meşi, a deapoa proiectul va s’agiungă la maturitate mplină tru 36 di meşi. Tru tut aestu kiro, componentele ali ţentrală va s’hibă ndreapti ta s’treacă cătă năile tehnologhii, ţi au la thimelliu hidrogen, di produţirea ali energhie.
“Gazile di la Amarea Lae, cari pot s’asiguripsească, tu aestu kiro, 10% ditu consumlu anual internu, va u alăxească, tru yinitorlli ani, România tru unu ditu nai ma mărlli producători di gaze ditu Uniunea Europeană. Centrala di la Mintia, cari va s’ufilisească gazlu ca resursă di produţiri a curentului electric, va s’hărsească acutotaalui, şi aestă turlie România va ş-asiguripsească consumlu internu, ama va s’poată și s’exportă, di va u agiută Ripublica Moldova și partenerlli ditu Uniunea Europeană” – tăxi premierlu Nicolae Ciucă.
Autoru: Roxana Vasile
Armânipsearea: Taşcu Lala
