Un nău guvernu la Chişinău
Fostu ministru di Interne şi consilier prezidenţial tră securitati, Dorin Recean u prilo căpia a Executivlui ditu Ripublica Moldova.
Bogdan Matei, 17.02.2023, 15:24
Largu tra s’hibă ună campioană a stabilitatillei politiţi, Republica Moldova agiumsi la şasprădzaţilu premier tru 32 di ani di independenţă, s’clleamă ună medie di doi ani tră un şef di guvern. Declaraţ di dreapta ică nominal di stânga, filo-ruşi ică pro-occidentali, proţlli miniştri di Chişinău nu alăsară seamni vărtoasi tru istoria ripublicăllei.
Gioi, vini arada a fostului ministru di Interne şi consilier prezidenţial tră securitate Dorin Recean s-u prilleqa căpia a Executivului, agiumtă vacantă după dimisia, săptămâna tricută, a Natalillei Gavriliţa. Aesta cumăndusea Executivlu ditu 6 august 2021, după ţi partidul prezidențial Acțiune și Solidaritate (PAS) ş-avea amintată alidzerli parlamentari anticipate, di amintă 63 ditu aţeali 101 mandate di deputat. Unăoară cu hăbaria a demisillei, Gavrilița spsui că republica intră tru ună nauă etapă, tru cari prioritară va s’hibă securitatea. Tut cu voturli PAS fu instalat şi Guvernul Recean, a curi componenţă diferă multu pţănu di pariaia Gavriliţa.
Corespondituţii Radio România la Chişinău noteadză că fu alăxită conduţirea la maş patru ministere. Va s’alăxească, vahi stilu di guvernari, di la prestaţia ţi eara ayălisită ali Nataliei Gavriliţă la ună politică energică şi di mână furteaţă, aşi cum easti dukimăsitu Recean tru spaţiul public.
Analiştilli politiţ di Chişinău scriu că, anaparti di declaraţii, ari indicii că alithili furñii ti alăxeari premierlu ţănu di lucărlu ayălistu ti reformi faptu di Gavriliţa și di tensiunile interne ditu cadrul a Putearillei.
“Programul di guvernari ari la thimelliu viziunea di dizvoltari a prezidentuluui ali Ripublică Moldova, Maia Sandu, şi a Partidlui Acţiune şi Solidaritate, cu al4xeri ti realitatea actuală. Adză nă confruntăm cu probleme catacum inflaţia analtă, polimlu ditu Ucraina viţină, creastirea a păhadzloru la energie” – spusi Recean, tru discursul adresat tră diputaţlli la nvestire.
Năulu premier nica tăxi că va u facă ma cu hăiri eficienţa şi “va s’aducă arada” tru instituţiile publiţi, va lu-simplifica acceslu a cercurilor di afaceri la resursili financiari şi cundillea ti anangh cama cu hăiri contra ali corupţie. Alti priorităţ a năului guvern suntu integrarea tru Uniunea Europeană şi dezvoltarea economică. Tru ţi mutreaşti politica externă, năulu premier ş-pripune s’aibă tru mengă tiñisearea căftărloru di Bruxellesului, niintate a Chişinăului după ţi lo anlu ţi tricu, statutlu di candidat la aderarea la Uniune.
Ună atenţie maxus, ngrăpsescu agenţiile internaţionale di hăbări, va s’da ti relaţiili cu România viţină, cari lipseaşti s’hibă “strateghiţi” şi “privilegiati”. S’cundilleadză, tutunăoară, ananghea ti ahăndusearea a ligăturloru cu Statili Unite şi cu alţă donatori occidentali, a curi andrupămintu easti vital tră unu di tu aţeali ma pauperi state ditu Europa.
Autoru: Stefan Stoica
Armânipsearia: Taşcu Lala
