Chişinăulu haristuseasti a Bucureştiului
Bucureştiul ndrupaşti niacumtinatu Republica Moldova, greu zñiipsită di uruteţli a polimlui ditu Ucraina viţină.
Bogdan Matei, 03.02.2023, 19:34
Prezidenta Republicii Molda ova, pro-occidentala Maia Sandu, haristusi, diznău, României tră ndrupămintulu niacumtinatu a Chişinăului. Declaraţia fu faptă la ună andamasi cu ambasadorul român tru statul viţn, Cristian-Leon Ţurcanu, şi reitereadză atea ţi şefa statului ui spusi constant. România easti vrută tru Republica Moldova tră agiutorul dat tru momente greali și tră ndruparea vărtoasă tru procesul de aderare la Uniunea Europeană — spunea Maia Sandu aprindu Dzuua Națională ali României, 1 di Andreu.
Ea u yilipsi România ca hiinda anumirlu pi cari băgămu besă cându nă easti zori: grădinițe, microbuze școlare, burse studențești, motorină, vaccin, agiutor umanitar, agiutoru tră modernizarea horloru, comunicarea ma lișoară cu atelli vuţ, di itia că eara scoasi tarifili di roaming, tră ndruparea adusă a culturăllei ditu Republica Moldova și construcției di apunţă cari nă leagă. Tutunăoară, easti vrută ti luñina, tru perioada tru cari rachetele rusești aduc scutidea tru regiune, ama și tră limba română, tru cari criscum ca tru ună casă părintească” – declară șefa a statlui, ea işiş cetățean român.
România ma largu va u ndrupască Republica Moldova, tra s’treacă ghini pisti crizile cu cari s’ampuliseaşti — declară, tora ma ninti, Chişinău, şi şeful diplomaţiei di Bucureşti, Bogdan Aurescu, aflat aclo la invitaţia a omologlui a lui, Nicu Popescu. Părţăli cundilleară importanţa dezvoltarillei interconectărilor di electricitate anamisa di ateali două state, a fluidizarillei traficului transfrontalier, nica şi pritu construcţia di apunţă pisti arăulu di sinuru Prut.
Să zbură şi ti implementarea acordului mutrinda asistenţa financiară nirambursabilă, tru valoari di 100 di miliuñi di euro, oferită a Ripublicăllei Moldova di România, hiinda di un kiro omologate proiecte de pisti 25 di miliuñi. Un altu subiect acăţatu tu muabeti fu operaţionalizarea platformăllei di agiutoru tră Ripublica Moldova, iniţiată di ministrul Aurescu cu omologilli a lui german şi francez. Eara tru agendă şi imnaticlu european ali Republicii Moldova şi agiutorlu concret ali Românie tră băgarea tu lucru aistu scupo, nica şi pritu dişcllidearea a negocierilor di aderari la Uniunea Europeană.
Di altă parte, ministrul Aurescu declară că nu ari informaţii că ari piriclliulu a unei invazii, pritu nordul ali Ucraină, a askeriloru arusi tru Republica Moldova, tru meşlli ţi yinu, aşi cum si speculeadză la Chişinău. Thimilliusită pi ună parte a locurloru ditu apirită românești arăkiti, tru 1940, dupu un ultimatum, di Uniunea Sovietică stalinistă, Republica Moldova ș-proclamă independența andicra di Moscova pi 27 di agustu 1991, după eșeclu a pucilui neo-bolșevic contra a aţilui ditu soni lider sovietic, reformatorlu Mihail Gorbaciov. Tru idyea dzuuă, România agiundzea s’hibă prota văsilie ditu lume cari pricunuştea statalitatea a năului a llei viţinu.
Autoru: Mihai Pelin
Armânipsearia: Taşcu Lala
