Europeañilli și criza ucraineană
Europeañilli suntu tut ma găilipsiţ di catandisea economică ditu UE şi ditu văsilia işiş, iara româñilli suntu găilipsiţ maxus di inflație și di situația economică.
Daniela Budu, 07.09.2022, 16:51
Pistipsearea a cetăţenilor tru Uniunea Europeană easti tru creaştire, pi fondul unui adrupămintu vărtosus tră apandisea a Bruxelles-ului la aputrusearea ali Ucraină di cătră Rusia şi tră politiţli energetice, spunu rezultatele a unlui sondaj Eurobarometru, date marț tru publicitati. Sondajul, adratu tru perioada cirişaru-alunaru, spuni că europeañilli suntu tut ma găilipsiţ di situaţia economică ditu UE şi ditu văsilia işiş, iara nai ma mărli găilipseri a loru suntu inflația și situația di pi păzarea ali energie. Percepția pozitivă a catandisillei economiillei europene scădzu di la ahurhita a anlui și easti tru aestu kiro la 40%.
Cama di giumitati ditu europeni lugursescu că situația economiei easti tru aestu kiro dificilă. Tru arada a lor, românii suntu găilipsiţ di inflație și di situația economică. Maş un cirecu ditu elli minduescu că tru yinitorlli 12 di meşi situația economică va s’hibă cama bună. Europeañilli suntu cama fără di nădie, a diapoa maş 16% suntu cu nădie. Tu ţi mutreaşti niscăntili zñii ţi pot si s’facă di itia a polimlui ditu Ucraina, românii spusiră că scunkerli și ună posibilă criză lă aduţi nai cama mări asparizmi, aestea avănda diapoa ună eventuală tindiare a zonăllei di polimu I nica şi un polimu nuclear. Cu tuti aestea, ahât dauă cirecuri ditu apăndăsitorlli români, ama și europeañi, suntu cu nădie tu ţi mutreaşti yinitorlu ali UE, atea ţi reprezintă ună creaștire tru comparație cu un sondaj idyealui adratu tru yinaru-şcurtu anlu aestu, ninti di aputrusearea ali Rusiei tru Ucraina.
Ma multu, cetățeañill europeni ș-lu confirmă andrupămintulu susta tră apandisea ali UE la polimlu di aputruseari. Tru atea ti mutreaşti acțiunile UE, la nivel european, agiutorlu umanitar easti naia ma aprobat (92% media UE vs 75% tru România), diapoa yini aprukearea a ucrainenilor ditu UE care fug ditu calea a polimlui (90% media UE vs 75% tru România). Tru context, 69% ditu români andrupăscu sancțiunile economice băgati di UE a guvernului rus, ntreprindirilor și persoanelor fiziţi ditu Rusia, sumu media europeană di 78%. 61% ditu români suntu tru favoarea a finanțarillei mutrinda furnizarea și livrarea di echipamente militare cătră Ucraina, media UE hiinda di 68 di procente.
Tu ţi mutreaşti energia și securitatea energetică, ahât majoritatea a cetățenilor UE, cât și a aţiloru români suntu simfuñi că Uniunea lipseaşti s’inveastească tru energia ditu izvuri regenerabile, să-și ñicureadză dipendința di izvurili di energie arusești și că stocarea a gazilor tru văsiliili comunitare lipseaşti s’hibă faptă iruşi, tra s’da izini ti aprovizionarea niacumtinată cu gaze tru kiro di iarna. Ahâtu europeañilli, cât și româñilli tru particular, lugursescu că creaștirea a eficiențăllei energheetiţi van ă facă ma pţănu dipendință di producătorlli di energie di nafoara ali UE și suntu tru favoarea achiziționarillei diadunu ali energie di către statele membre ale UE ditu alte văsilii tră s’aibă un păhă ma bunu. Ma multu, 65% ditu respondințăllii români spunu că au loată misuri tra ș-ñicureadză consumlu di energie I că au naeti s’facă aestu lucru tru yinitorul aprukeatu, iara media UE easti di 78 di proţente.
Autoru: Stefan Stoica
Armânipsearea: Taşcu Lala
