UE li diversifică izvurili di energie
Importurile di gaze ruseşti tru UE suntuu incerte, iara România easti tru catandisea favorabilă tra ş-asiguripsească necesarul ditu producţia llei işiş.
Ştefan Stoica, 19.07.2022, 13:33
Atelli cari feaţiră timbihi că pănu tru soni va s’hibă ufilisiotă arma energetică, iara aruşllii va s’llia apofasea tra s’nu mata da gaz ali Uniuni Europene după finalizarea operaţiunilor di ndridzeari a conductelor, canda avură ndriptati. Compania Gazprom, cari lu ari monopolu ti exporturli di gaze aruseşti prin conducte, diclară situaţie di forţă majoră mutrinda livrările di gaze cătră Europa tru cazlu a nai pţănu un muştiră important, uidisitu cu ună carti aleaptă di Reuters.
Tru carti să spuni că Gazprom nu putu tra ş-tiñisească obligaţiile di furnizare di itia a născăntoru circumstanţe “extraorditnare” di nafoara a controlului a lui. Invocarea a situaţiei di forţă majoră, ufilisită atumţea cându ună afacere easti zñiipsită di ţiva cari nu easti sum controlul a llei, va s’aprindă, cundilleadză Reuters, mintireaşili anamisa di Rusia şi Occidint tu ligătură cu aputrusearea arusească ditu Ucraina.
Uniunea Europeană, cari băgă sancţiuni ti Rusia, ş-pripuni s-tragă acutotalui mănă di la ufilisearea a combustibililor fosili ditu Rusia până tru 2027, ama va ca aprovizionarea să s’ducă ninti toradioară. Statele Uniunii suntu trucă dipartenica alargu tra s-aibă asiguripsiti rezervele ti la iarnă. Di altă parte, preşedituta Comisiei Europene, Ursula von dir Leyen, dimăndă, luni, un acord cu Azerbaidjanul ti dublarea tră ndoi añî a importurilor di gaze ale UE ditu aestă fostă republica sovietică ditu Caucaz.
Anlu tricut, Azerbaidjanul diadi aproapea 8 miliardi di metri cubi di gaze naturale tru Europa prin conducte cari traversează Georgia şi Turcia, iar livrările vor dipăşi 10 miliardi di metri cubi tru acest an. Pritu comparaţie, importurile di gaze ruseşti agiumsiră anlu tricut la 155 di miliardi di metri cubi, i aproapea 40% ditu necesarlu ali UE.
Tsifrili zburăscu ti dipendinţa energetică ali Europă di Moscova. Easti furñia tră cari Bruxellesul caftă s’diversifică aprovizionarea cu gaze a bloclui comunitar. Moscova ahuri s’ñîcureadză livrările cătră ma multi văsilii, iara europenii s-asparu di ună tălleari totală a gazilor aruseşti, ca reacţie la sancţiunile adoptate di UE contra ali Rusie.
Cu ună producţie a llei işiş importantă şi cu nomlu offshore neise ţi fu adoptatu, lucru ţi da izini ti exploatarea a gazelor ditu Amarea Lae, România poati tra ş-anvălească ditu izvuri interne consumul di gaze la iarnă, fără s-aibă ananghi di importuri, spuni fostul prezidintu ali Autoritati Naţionale di Reglementare tru Energie, Niculae Havrileţ. Nu easti un scenariu fantezist, spune aestu:
Sigura că aestu easti un program realizabil, easti un scenariu perfect realizabil, ama cunuştem că tru aesti dzăli, tru cari avem şi alte probleme andicra di ateali ligati di structura a gazilor, putem s’nă astiptămu şi la alte dificultăţ. Ditu aestă vidială, Ministerul Energiei promovă un plan di reacţie tru cazul tru cari avem probleme cu alimentarea cu gaze naturale.”
România, sumlinie Havrileţ, nica poati s’agiută baş alti văsilii ali Uniunii Europene ti aprovizionarea cu gaze, ama pritu compensare şi nu fără pălteari.
Autoru: Stefan Stoica
Armânipsearia: Taşcu Lala
