Combătearea-a xerillei, ună ananghi

Guvernul di București ndreadzi ună strategie tră combătearea-a xerillei

Leyla Cheamil, 18.07.2022, 16:16

Xerea di estanu easti dukită, tru agricultură, tru multe giudițe ditu România. Culturli di pe suprafeţe teasi ditu născănti zone fură asparti di ixikea a ploiurloru. Tru vestul a văsiliillei, tru zona di sinuru di la Nădlac, dimi, cama di 40% ditu aţeali 13.000 di ictări di terenuri ţi li au fermierlli suntu siminati cu misuru, ama, tru aestă oară, ună bună parte ditu culturi sunt calamitate, iara investiţiili suntu periclitate. Agricultorlli spun că, di trei dikenii ş-cama, numata ari faptă ună ahtari xeri, a diapoa di aesta itie misurlu şi gărnul nu diadiră arodu. Aeșta s’plângu că sistemele di irigaţii ditu zonă nu lucreadză, preayalea-ayalea nica ditu 1990. Xerea persistentă fuvirseaşti, ama prota ş-prota, zonili ditu sud şi sud-est. Şi cara agricultorllii ş-vedu agărli uscate, crescătorii di prăvdză spun, tu arada a loru, că nu au cu ti s-li hărnească.

Tra s’combată xerea, tru contextul alăxerloru climatice a curi efecte s’vedu tut ma multu şi tru România, Guvernul ndreadzi un program şi ună strategie pe lungu kiro. Premierul Nicolae Ciucă dimăndă că ună comisie interministerială va s’ahurhească s’lucreadză, ditu aestă săptămână, tră s’veadă zñiili şi impactul tru agricultură pi cari adară alăxerli climatice, cum easti xerea pedologică ditu aţea ditu soni perioadă. Ditu aestu comitet interministerial va s’facă parte Ministerul Agriculturăllei, aţelu a Mediului, atelu a Investiţiilor şi Proiectelor Europene, ministerul Finanţelor, aţelu al Economiei şi ministerul Antreprenoriatului. Intenţia easte aţea ta s’ufilisească păradz europeni, cum şi di la bugetul di stat, tră dizvoltarea sistemului di irigaţii şi tră susţănerea fermierilor.

Premierul Nicolae Ciucă Vermu ca, pi di ună parte, s’aflămu misurli ţi putemu s’li lomu emu ditu fonduri guvernamentale, di la bugetul di stat, emu ditu fonduri europene tră dizvoltarea sistemelor di irigaţii, tră sprijinul fermierilor cari sunt zñiipsiţi di efectele xerillei şi, dialihea, dizvoltarea capacităţilor di producţie tru industria agroalimentară, aţea turlie tra s’putemu s’dizvoltăm capacităţi di producţie cari s’asigură valoare adăugată mai mareˮ.

Tu arada a lui, ministrul Agriculturii, Petre Daea, spusi că, ditu 20 alunaru, fermierii pot s’acceseadză mpărmuturi pritu Programul “Di trei ori subvenţii”, cu unu tocu di maş 2%. 80% ditu valoarea aluştui mpărmutu easti garantat di Fondul di Garantare a creditului. “Aest mecanism oferă şi garanţia ti siminari ti di toamnă, ti nhiinţari culturile care lă asigura cantităţile di produse tră anul yinitorˮ spus ministrul Agriculturii. Dimersul fu faptu la căftarea a agricultorilor, cari suntu cabaia zñiipsiţ di xerea pedologică instalată şi căftară tra s’llia meatri tră facilitarea siminărloru pe locărli aguditi di xeri.

Autoru: Leyla Cheamil

Armânipsearia: Taşcu Lala