Comisarlu european tră Afaceri Interni, Ylva Johansson, vizită Bucuresti
Comisarlu european tră Afaceri Interne, Ylva Johansson, easti vinită adză, tru giudeţlu Suceava tră sveadă catandisea a arifugaţloru ucraineni cari yinu tru România.
Roxana Vasile, 28.02.2022, 11:35
Comisarlu european tră Afaceri Interne, Ylva Johansson, easti vinită adză, tru giudeţlu Suceava tră s’veadă catandisea-a arifugaţloru ucraineni cari yin tru România.
Bucureşti, ea easti aştiptată di prezidentulu Klaus Iohannis şi di premierlu Nicolae Ciucă şi s’andămuseaşti cu ministrul di Interne, Lucian Bode.
Dzăţ di nilli di cetăţeni ucraineni tricură tru România. Numirul aluştor criscu, ahurhinda di dumănică după-prăndzu, după ţi partea ucraineană simplifică proţedurle di tranzitare a yimbrukillei.
Di altă parti, româñilli yin tru agiutorul oamiñilor ditu Ucraina cari fură anănghisiţ ta ş-alasă casile, tra s’ascapă ditu calea a polimlui. Campanii di adunari a donaţiilor suntu andreapti tru tută văsilia, iara voluntarlli fac gaereţ tra s’agiungă agiutoarili tu locărli di sinuru.
Di altă parte, Ministerlu Apărarillei Naţionale andreapsi tuti aţeali 11 di spitale militare ditu subordini tră s’asiguripsească asistenţa şi tratamentul medical tră militarlli pliguiţ ditu Ucraina.
Tutunăoară, di dumănică, Centrul di Transfuzii Sanguini ditu curtea Spitalui Universitar di Urgenţă Militar Central di Bucureşti easti dişcllisu tră donari di sândzu tra s’agiută militarlli pliguiţ.
Autor: Roxana Vasile
Armânipsearia: Taşcu Lala
