Agenda armâneascâ – 2013.05.07
Him tru dzâle di Paşte şi faţim urarea Hristolu Nv’ie ! Secţia armneascâ di la RRI vâ oar La mulţâ an’i, vâ mulţan’iiseaşte şi vâ dzâţe s-bânaţ mulţâ an’i cu sânâtate şi harauâ. Si cade s-citim, has ca un decalog, ma sâ si poatâ aşi, a harauâl’ei ţi u aduţe Năulu Testamentu, cu dzaţe paragrafe di-tru textul al Matei, la nv’iarea a Hristolui. Shi nâ agiutăm aoa di armânipsirea faptâ di unâ turlie di “galilean”, nu di amu 2 m’il’e di an’i di-tru Galileea, ama di dzâlile a noastre, ţi bâneadzâ tru Galia, prezidentu la AFA, domnul Iancu Perifan:
Anv’iarea Hristolui adusâ pi armâneaşte di Iancu Perifan, Prezidentul di la Suţata TRA ARMANAMI — A.F.A. di Paris,
După Apostolul Matei, capitolul 28
1. După ţi tricu Sâmbâta, şi cându ahurhi s-apirâ, Dumânicâ, Maria Magdalena şi alantâ Marie s-dusirâ la groapa Hristolui.
2. Shi aclo, s-trimbură loclu, Anghelul al Dumnidză dipuse di Analtu, deade cheatra nanaparte di pi murmintu, şi şidzu pi ea.
3. Shi ascâpira Anghelul, alâxit tu albe, ca neaua,
4. Shi di frica LUI, aţel’i ţi vigl’ea murmintul, si lâhtârsirâ şi s-feaţirâ ca morţâ.
5. Shi Anghelul, dzâţe a daulor Marii: Nu vâ aspâreaţ ! Mini ştiu că-L C`FTAţ PI iisus AţEL Ţi fu încârfâsit pi cruţe.
6. EL nu easte aua. EL înv’ie, aşi cum avea dzâsâ. V’iniţ di videţ loclu iu eara îngrupat.
7. Duţiţ-vâ aghon’ea, şi spuniţ la Fraţl’I a LUI, că I1nv’ie dit morţâ ! El va vâ iasâ dinintea a voastâ. Galilea, aclo va-l videţ. Aeste aveam s-vâ dzâcu !
8. Shi fudzirâ aghon’ea di la murmintu, cu fricâ şi cu harauâ mare, al`gândalui sâ sunâ la Apostoli, marea hâbare !
9. Shi cându alâgau calea, IISUS lâ işi dininte şi lâ dzâse: Hârsiţ-vâ ! Shi eale s-apruchearâ di EL, şi câdzurâ la cicioarle a LUI !
10. IISUS lâ dzâse: Nu vâ aspâreaţ. Duţiţ-vâ şi dzâţiţ la fraţl’I a MEI, s-ducâ Galilea şi aclo va MI veadâ !
Ama, s-videm un m’ic comentariu poetic şi di-tru România.
Manuela Peanci scrie:
Chicuti ditu sândzâli a Lui – ouâ aroshi pi measa a noastâ,
Ponlu a Lui – zghiclu a njeljloru la tâljeari,
Lâcârnjlji a Lui – lilicii tsi mushutsäscu padea,
Boatsea a Lui – câmbana tsi asunâ pritu tutâ hoara,
Vrearea a Lui – lunjina sâmtâ ditu a noasti cândili.
Hârsitsvâ shi aprucheatsâ Vrearea a Lui, Armâname!
Hristolu Anyie!
Pashti cu harauâ! Sânâtati shghineatsâ savetsâ armânjlji a mei di iutsido!
Cu tinjii shi vreari,fumeljia Peanci Nelu ,Manuela shi Theya Alexandru.
Andon Hristo dzâţe şi oarâ:
Frats armanji,
Haros Pashtili, Hristolu injlia, darihina inlia !
La s-inliam sh-armanamea, anda s-lucram ti vigheari limba a nostra armaneasaca ninti la casa a nostra, la reghionul, hoarea, casibalu, sh-dapoea sh-la sistemul di nvatsament a statilui.
Andon
Stergh’iu Toza di la Suţata Fara armâneascâ, dit România, f`lcarea Timişoara dzâţe:
Duruts armanji
Hristolu anyie! Pashti cu haraua, sanatati sh tihi la tuti fumeilji.
Adza tu aesta dzua pisita ti creshtinitati, imi vini tu minti s-anchisescu una cali naua.
Dumnidzau tsana armanamea tu bana sh ti aestu lucru avem borgea s-adram ma multi ti armaname sh ti romanitatea orientala.
Pi aesta cali va dau habarea ofitsial, voi s-mut hlambura armaneasca a Faraeji, voi s-candidez ca Prezidentu al Fara Armana.
Am una abordari, strategie, viziuni naua ti amintaticul a nostru.
Voi tsan FARA diparti di interese personali sh politice.
Tuts atsei cari vor s-hina ninga mini ai ashteptu.
Haristo multu la tuts cari fura pana tora, minduescu ca mini pot s-adar ma multu ti Fara.
Cu vreari armaneaca
Steryiu Toza
Aşi cum ştiţ, inşe numirlu di primuvearâ, pi meşl’I marţu şi apriir a revistâl’ei Frăţia, ţi u scoate Suţata, cu sediul Tirana, Rămăn’il’i dit Albania. Textul nâ-l pitreaţe redactorul-şef, domnul Jani Guşo. S-lom şi noi urarea trâ sârbâtoarea di Paşte:
HÂRIOASI DZUUA DI PAŞTI!
La 5 di Mailu, easte [şi noi dzâţim tora că fu, anlu aestu] Paştele Mare, dzuuâ sâmtâ ti tuţ ortodoxi. Armâñl’I suntâ pisticiozi ortodoxi, cu mare vreari di Dumnidzeu. Dzuua di Paşti nâ spuni inyiarea al Hristo, hil’iu a Dumnidzeului. Dupâ inyierea el s-dusi la Tat-su n-ţer şi s-turnâ sâmt. Trâ tuţ criştiñi, iuţido n’lume, Paştili da harauâ mare, câţe dupâ inyearea al Hristo achicâsimâ pi noi apârarea a Lui. La Hristolu poati s-ni ncl’inâm i s-câftâm yirtari ti mârtili fapti şi s-imnâm n-tru bana tu iriñii, cu sufultu luşurat.
Criştiñl’i Paştili u sârbtorezâ cu sufi ltu şi harauâ, cu mâncâturi buni şi nvişteari nâli. Armâñi neargâ la biserci di tu sâmtâ serea şi aco aşteaptâ inyiarea al Hristolu cu ţeari apresi, avdâ liturghia. Armâñl’i a noşţ dit Curceau ar mari tihiâ ca u avdâ liturghia pi limba a noastrâ, ţi u da Papu Dhimitraq Veriga.
Dup liturghii pisticiosil’i cicuteascâ oauli rroşi cu unu alantu dzâcândalui Sostanesti!” Anda unu dzâţiHeistoluinyie! alantu al’i respundi (apandasi) Dealihea- inyie!”. Dupâ aistâ cu mari harauâ s-tornâ a casa a lor şi s-discrumâ puţin pânâ s-yin chirou s-adarâ mâncâturili di prândzu a sârbâtoril’ei. Tu aisti mâncâturi cama cu simasii (importanţâ) esti ñeu friptu tu sulâ.
Ditu inima a lor tu aist Dzuuâ currâ maşi vreari ti fraţl’i şi oamil’i alanţ. Tu aistâ cali poati ţi tu lumi s-aibâ pâci şi bunâtriţeari namsa di oaml’i, s-aibâ agiutâri ti aţel’i ţi suntâ ma oarfi ñi, ti aţel’i ţi ar langoari…
Cu arastea di Paşti, Presidentsia a Suaiatiei “Armâñl’i dit Albania”, cu centru la Tirana, i Redacia al “Fraţia”, li oarâ dit inâmâ membril’i şi cititorl’i di iuţido.
Hriosu şi la mulţ añi!
Nâ turnăm tru România, la Tulcea, iu, meslu ţi tricu fâlcarea Tulcea, avu trru dzua di 28 apriir nale alidzeri, dupa cu nâ informeadzâ Sterică Fudulea, tru un` şcurtâ hâbare cu numa:
Titlul di
Prezidentu di Tinjie
a Fãlcariei Tulcea a Farãljei Armaneascã ditu Romãnii.S-aleapsi una naua cumandaseari mashi di fciori shi feati tiniri tsi suntu tu ilichiea di 30-38 di anji cu miduearea ca armanamea ari ananghi di tinirame tsi au tu suflitu shi tu mindueari tsinearea tu bana a limbaei shi-adetsilor armaneshtsi .ARMANJI DAIMA DEADUNU CA SINGIRLU Naua Cumandaseari a Fãlcariei easti-Constantin Popescu –Prezidentu di Tinjie-Sterica Fudulea-Prezidentu-Iorgoveanu Geoga-prim-vice-prezidentu-Mergeani Dumitru-secretar Gheneral-Gaea Monica-vice-prezidenta juridic-Bizdu Stelian-vice-prezidentu economic-Mergeani Mariana- vice-prezidenta invatamant-Dumitru Enache –vice-prezidentu relatii interetnice-Puflene Theo- vice-prezidentu social-Mergeani Dina — vice-prezidentu mediul de afaceri
STERICA FUDULEA
Prezidentu a Consiliului di Cumandaseari
Falcarea Tulcea a Faraljei Armaneasca ditu Romanii
Audio–>
07.mai.2013, Hristu Stergh’iu
Hristu Steriu, 07.05.2013, 12:49
Him tru dzâle di Paşte şi faţim urarea Hristolu Nv’ie ! Secţia armneascâ di la RRI vâ oar La mulţâ an’i, vâ mulţan’iiseaşte şi vâ dzâţe s-bânaţ mulţâ an’i cu sânâtate şi harauâ. Si cade s-citim, has ca un decalog, ma sâ si poatâ aşi, a harauâl’ei ţi u aduţe Năulu Testamentu, cu dzaţe paragrafe di-tru textul al Matei, la nv’iarea a Hristolui. Shi nâ agiutăm aoa di armânipsirea faptâ di unâ turlie di “galilean”, nu di amu 2 m’il’e di an’i di-tru Galileea, ama di dzâlile a noastre, ţi bâneadzâ tru Galia, prezidentu la AFA, domnul Iancu Perifan:
Anv’iarea Hristolui adusâ pi armâneaşte di Iancu Perifan, Prezidentul di la Suţata TRA ARMANAMI — A.F.A. di Paris,
După Apostolul Matei, capitolul 28
1. După ţi tricu Sâmbâta, şi cându ahurhi s-apirâ, Dumânicâ, Maria Magdalena şi alantâ Marie s-dusirâ la groapa Hristolui.
2. Shi aclo, s-trimbură loclu, Anghelul al Dumnidză dipuse di Analtu, deade cheatra nanaparte di pi murmintu, şi şidzu pi ea.
3. Shi ascâpira Anghelul, alâxit tu albe, ca neaua,
4. Shi di frica LUI, aţel’i ţi vigl’ea murmintul, si lâhtârsirâ şi s-feaţirâ ca morţâ.
5. Shi Anghelul, dzâţe a daulor Marii: Nu vâ aspâreaţ ! Mini ştiu că-L C`FTAţ PI iisus AţEL Ţi fu încârfâsit pi cruţe.
6. EL nu easte aua. EL înv’ie, aşi cum avea dzâsâ. V’iniţ di videţ loclu iu eara îngrupat.
7. Duţiţ-vâ aghon’ea, şi spuniţ la Fraţl’I a LUI, că I1nv’ie dit morţâ ! El va vâ iasâ dinintea a voastâ. Galilea, aclo va-l videţ. Aeste aveam s-vâ dzâcu !
8. Shi fudzirâ aghon’ea di la murmintu, cu fricâ şi cu harauâ mare, al`gândalui sâ sunâ la Apostoli, marea hâbare !
9. Shi cându alâgau calea, IISUS lâ işi dininte şi lâ dzâse: Hârsiţ-vâ ! Shi eale s-apruchearâ di EL, şi câdzurâ la cicioarle a LUI !
10. IISUS lâ dzâse: Nu vâ aspâreaţ. Duţiţ-vâ şi dzâţiţ la fraţl’I a MEI, s-ducâ Galilea şi aclo va MI veadâ !
Ama, s-videm un m’ic comentariu poetic şi di-tru România.
Manuela Peanci scrie:
Chicuti ditu sândzâli a Lui – ouâ aroshi pi measa a noastâ,
Ponlu a Lui – zghiclu a njeljloru la tâljeari,
Lâcârnjlji a Lui – lilicii tsi mushutsäscu padea,
Boatsea a Lui – câmbana tsi asunâ pritu tutâ hoara,
Vrearea a Lui – lunjina sâmtâ ditu a noasti cândili.
Hârsitsvâ shi aprucheatsâ Vrearea a Lui, Armâname!
Hristolu Anyie!
Pashti cu harauâ! Sânâtati shghineatsâ savetsâ armânjlji a mei di iutsido!
Cu tinjii shi vreari,fumeljia Peanci Nelu ,Manuela shi Theya Alexandru.
Andon Hristo dzâţe şi oarâ:
Frats armanji,
Haros Pashtili, Hristolu injlia, darihina inlia !
La s-inliam sh-armanamea, anda s-lucram ti vigheari limba a nostra armaneasaca ninti la casa a nostra, la reghionul, hoarea, casibalu, sh-dapoea sh-la sistemul di nvatsament a statilui.
Andon
Stergh’iu Toza di la Suţata Fara armâneascâ, dit România, f`lcarea Timişoara dzâţe:
Duruts armanji
Hristolu anyie! Pashti cu haraua, sanatati sh tihi la tuti fumeilji.
Adza tu aesta dzua pisita ti creshtinitati, imi vini tu minti s-anchisescu una cali naua.
Dumnidzau tsana armanamea tu bana sh ti aestu lucru avem borgea s-adram ma multi ti armaname sh ti romanitatea orientala.
Pi aesta cali va dau habarea ofitsial, voi s-mut hlambura armaneasca a Faraeji, voi s-candidez ca Prezidentu al Fara Armana.
Am una abordari, strategie, viziuni naua ti amintaticul a nostru.
Voi tsan FARA diparti di interese personali sh politice.
Tuts atsei cari vor s-hina ninga mini ai ashteptu.
Haristo multu la tuts cari fura pana tora, minduescu ca mini pot s-adar ma multu ti Fara.
Cu vreari armaneaca
Steryiu Toza
Aşi cum ştiţ, inşe numirlu di primuvearâ, pi meşl’I marţu şi apriir a revistâl’ei Frăţia, ţi u scoate Suţata, cu sediul Tirana, Rămăn’il’i dit Albania. Textul nâ-l pitreaţe redactorul-şef, domnul Jani Guşo. S-lom şi noi urarea trâ sârbâtoarea di Paşte:
HÂRIOASI DZUUA DI PAŞTI!
La 5 di Mailu, easte [şi noi dzâţim tora că fu, anlu aestu] Paştele Mare, dzuuâ sâmtâ ti tuţ ortodoxi. Armâñl’I suntâ pisticiozi ortodoxi, cu mare vreari di Dumnidzeu. Dzuua di Paşti nâ spuni inyiarea al Hristo, hil’iu a Dumnidzeului. Dupâ inyierea el s-dusi la Tat-su n-ţer şi s-turnâ sâmt. Trâ tuţ criştiñi, iuţido n’lume, Paştili da harauâ mare, câţe dupâ inyearea al Hristo achicâsimâ pi noi apârarea a Lui. La Hristolu poati s-ni ncl’inâm i s-câftâm yirtari ti mârtili fapti şi s-imnâm n-tru bana tu iriñii, cu sufultu luşurat.
Criştiñl’i Paştili u sârbtorezâ cu sufi ltu şi harauâ, cu mâncâturi buni şi nvişteari nâli. Armâñi neargâ la biserci di tu sâmtâ serea şi aco aşteaptâ inyiarea al Hristolu cu ţeari apresi, avdâ liturghia. Armâñl’i a noşţ dit Curceau ar mari tihiâ ca u avdâ liturghia pi limba a noastrâ, ţi u da Papu Dhimitraq Veriga.
Dup liturghii pisticiosil’i cicuteascâ oauli rroşi cu unu alantu dzâcândalui Sostanesti!” Anda unu dzâţiHeistoluinyie! alantu al’i respundi (apandasi) Dealihea- inyie!”. Dupâ aistâ cu mari harauâ s-tornâ a casa a lor şi s-discrumâ puţin pânâ s-yin chirou s-adarâ mâncâturili di prândzu a sârbâtoril’ei. Tu aisti mâncâturi cama cu simasii (importanţâ) esti ñeu friptu tu sulâ.
Ditu inima a lor tu aist Dzuuâ currâ maşi vreari ti fraţl’i şi oamil’i alanţ. Tu aistâ cali poati ţi tu lumi s-aibâ pâci şi bunâtriţeari namsa di oaml’i, s-aibâ agiutâri ti aţel’i ţi suntâ ma oarfi ñi, ti aţel’i ţi ar langoari…
Cu arastea di Paşti, Presidentsia a Suaiatiei “Armâñl’i dit Albania”, cu centru la Tirana, i Redacia al “Fraţia”, li oarâ dit inâmâ membril’i şi cititorl’i di iuţido.
Hriosu şi la mulţ añi!
Nâ turnăm tru România, la Tulcea, iu, meslu ţi tricu fâlcarea Tulcea, avu trru dzua di 28 apriir nale alidzeri, dupa cu nâ informeadzâ Sterică Fudulea, tru un` şcurtâ hâbare cu numa:
Titlul di
Prezidentu di Tinjie
a Fãlcariei Tulcea a Farãljei Armaneascã ditu Romãnii.S-aleapsi una naua cumandaseari mashi di fciori shi feati tiniri tsi suntu tu ilichiea di 30-38 di anji cu miduearea ca armanamea ari ananghi di tinirame tsi au tu suflitu shi tu mindueari tsinearea tu bana a limbaei shi-adetsilor armaneshtsi .ARMANJI DAIMA DEADUNU CA SINGIRLU Naua Cumandaseari a Fãlcariei easti-Constantin Popescu –Prezidentu di Tinjie-Sterica Fudulea-Prezidentu-Iorgoveanu Geoga-prim-vice-prezidentu-Mergeani Dumitru-secretar Gheneral-Gaea Monica-vice-prezidenta juridic-Bizdu Stelian-vice-prezidentu economic-Mergeani Mariana- vice-prezidenta invatamant-Dumitru Enache –vice-prezidentu relatii interetnice-Puflene Theo- vice-prezidentu social-Mergeani Dina — vice-prezidentu mediul de afaceri
STERICA FUDULEA
Prezidentu a Consiliului di Cumandaseari
Falcarea Tulcea a Faraljei Armaneasca ditu Romanii
Audio–>
07.mai.2013, Hristu Stergh’iu
