Anvărtusearea a flancului estic al NATO, ună prioritate
România cundilleadză, diznou, tră anvărtuşearea a flanculu estic a Alianţăllei.
Leyla Cheamil, 16.05.2022, 13:24
Anvărtuşearea a flancului estic al NATO reprezintă, tru contextul a agresiunillei militare ruse contra ali Ucraină, ună prioritate tră membrilli a aliştei organizații. La reuniunea informală di la Berlin a miniştrilor di Externe ditu statele membre ale Alianță Nord-Atlantică, șeful a diplomațiillei di București, Bogdan Aurescu, cundille importanța procesului di anvărtuşeari, pe lungu kiro, a arăd4psearillei NATO di discurajari şi apărari pe Flancul Estic, maxusu la Amarea Lae, tru ună turlie echilibrată şi unitară.
Ministrul Aurescu spusi că apofasea adoptată di lidirllii aliaţ la Summitul ditu 24 marţu di constituire a patru năi Grupuri di Alumtă, ditu cari unu tru România, easti “ună protă jgllioată multu hăirlăticăˮ tru aestă noimă şi haristusi a aliaţlor implicaţ. Muabeţli di Berlin avură tu scupo politica NATO a uşilor dişcllisi, polimlu ditu Ucraina şi implicaţiile a lui tră securitatea euroatlantică. Bogdan Aurescu diclară că România easti tru favoarea a unui proces rapid di adirare la NATO ali Finlandă şi Suedie. El spusi că apartenenţa aluştor dauă state va u anvărtuşeadză Alianţa tru tutu truplu a llei, iara, tru ansamblu, aesta va s’hibă ma vărtoasă.
“Di ună parte, România easti un suporter susta a politicăllei uşilor dişcllisi, cari aduţi multă hăirlătică tră Alianţă, tru ansamblul a llei, iara noi ştim multu ghini, ditu a noastră experienţă di adiarare, câtu di importantă fu tră reforma ditu Româniaˮ, cundille șeful a diplomațiillei di la București. Tru idyiulu kiro, cundille ministrul Aurescu, “adirarea aluştor dauă state, ditu vidiala a Bucureştului, va u anvărtuşeadză Alianţa tru antreglu a llei şi noi pistipsimu că, maca Suedia şi Finlanda agiungu s’hibă membri a Alianţăllei, postura di discurajare va s’hibă cama cu hăiri şi apărarea ma anvărtuşităˮ.
Ună altă temă a reuniunillei di la Berlin fu ndridzearea a apofasiloru di la Summitlu di Madrid ditu 28-30 cirişaru, iara seful a diplomaţiillei române cundille, tru cadrul a sesiunillei di lucru, că, pritu apofasili anticipate, Summitul di la Madrid s’prefigureadză ca un reper di thimelliu tru evoluţia Alianţăllei. Bogdan Aurescu cundille că yinitorul concept strategic, cari va s’hibă adoptat di lidirlli NATO la bitisita a meslui cirişaru, va s’apufusească, nai ma pţănu ti yinitoarea dicadă, reperele majore di acţiune şi profilu a Alianţăllei. El scoasi tu mogdani, tru context, importanţa ca “aestu document strategic să s’raporteadză, ună turlie realist şi uidisitu, la noulu contextu di securitate cu cari s’ampuliseaşti organizația, pritu evidinţierea a prinţipalelor fuvirseri şi provocări şi asigurarea a capacitatillei di apandisi hăirlătică şi calibrat la aestea. Tutunăoară, ministrul Aurescu cundille că easti ananghi ca năulu concept strategic s’yilipsească faptul că Rusia va s’armână prinţipala fuvirseari la adresa Alianţăllei.
Autor: Leyla Cheamil
Armânipsearia: Taşcu Lala
