Pictorul Constantin Scodreanu(1853-1926)

Pictorlu Constantin Scodreanu s-amintă casabalu Schodra dit Arbinişii tu anlu 1853.Tu 1880 s-dusi tu Italie iu feati studii di farmacii si di “Belle Arte”. Tu 1900 s-dusi Bituli iu s-ansură cu armâna Elena si avu 3 ficiori: Florica, Amalia si Alexandru.

Dit anlu 1901 acată di picta ma multi icon’i ti băsearica armânească di Bituli, “Ayiu C-tin si Elena”. Tu 1904 zugrapsi marea iconi di nastânga a iconostasil’iei a basearicăl’iei “Stămăria si Hristolu” ti ciuduseasti si ază prit musuteată si măsturlachi di adrari. Avândalui urnechea a sculil’iei di pictură taristă Scodreanu u zugrapsi cu mari artă si icona di nanadreapta a iconostasil’iei “ Hristolu”. Anamea a pictorlui fu multu mari tu atel chiro si ti aestă fu căftat di adra si alti 7 iconostasi ti băserit di Bituli, Dobrogea si Bucuresti.

Tu protlu polim mondial Scodreanu (1914-1918) fu acătat prizon’ier si anclis tu lagari. Fumeal’iia a lui s-mută dapoaia Silistra. Aclo lucră pănă tu 1926 cându muri.

Silistra zugrapsi ma multi icon’i ti ma multi bâserit. Tutnăoara avu si multi lucrări di pictură laica cu hromi pastelati inspirati dit reghionlu iu bana si fapti tu una maniera clasica.

România Internațional, 28.08.2013, 11:04

Pictorlu Constantin Scodreanu s-amintă casabalu Schodra dit Arbinişii tu anlu 1853.Tu 1880 s-dusi tu Italie iu feati studii di farmacii si di “Belle Arte”. Tu 1900 s-dusi Bituli iu s-ansură cu armâna Elena si avu 3 ficiori: Florica, Amalia si Alexandru.

Dit anlu 1901 acată di picta ma multi icon’i ti băsearica armânească di Bituli, “Ayiu C-tin si Elena”. Tu 1904 zugrapsi marea iconi di nastânga a iconostasil’iei a basearicăl’iei “Stămăria si Hristolu” ti ciuduseasti si ază prit musuteată si măsturlachi di adrari. Avândalui urnechea a sculil’iei di pictură taristă Scodreanu u zugrapsi cu mari artă si icona di nanadreapta a iconostasil’iei “ Hristolu”. Anamea a pictorlui fu multu mari tu atel chiro si ti aestă fu căftat di adra si alti 7 iconostasi ti băserit di Bituli, Dobrogea si Bucuresti.

Tu protlu polim mondial Scodreanu (1914-1918) fu acătat prizon’ier si anclis tu lagari. Fumeal’iia a lui s-mută dapoaia Silistra. Aclo lucră pănă tu 1926 cându muri.

Silistra zugrapsi ma multi icon’i ti ma multi bâserit. Tutnăoara avu si multi lucrări di pictură laica cu hromi pastelati inspirati dit reghionlu iu bana si fapti tu una maniera clasica.