Câsâbǎlu Iaşi

Azâ vă invităm tru nord-estul a Româniil’ei, într-unâ călătorie urbană, tru câsâbǎlu a ţilor şapte coline, şapte dzenuri. Iaşiulu easte unâ di aţeale ma atractivile şi muşatile politii pri-tru obiectivile a l’ei istoriţe, culturale şi di agrementu. Iaşiulu înseamnă istorie, artă, ştiinţă şi inovaţie. Hibâ că zburâm di veacl’ea cultură Cucuteni, di pǎgin’ile scrise di mǎrile familii boiereşti, Iaşiul are giucatâ permanantu un rol marcantu în istoria a Româniil’ei.

Ana-Maria Cononovici, 02.04.2014, 20:59

Tru călătoria a noastră prin Iaşi him însuţâţ di Anca Zota, coordonator Chentrul di informare turistică Iaşi, şi dzâse:

La Iaşi are multe lucrei muşate. Easte capitala informală a zonâl’ei Moldova, are unâ foarte lungă tradiţie culturală, aşi cum sâ ştie, la Iaşi fu înhiinţată prima universitate din România, primulu teatru naţional din România. Teatrulu şi opera suntu amuşi la un nivel multu bun, casa, binaia fu recentu renovată, deci musafiril’i, oaspiţâl’i a câsâbǎlui pot sâ participâ cândţisibâ la un spectacol di analtă ţinută artistică, la Iaşi. Grădina botanică easte, şi ea, multu muşatâ şi tru aestă perioadă are multe lucre ţi pot sibâ vidzute.

Avem un nou muzeu la Iaşi, multu interesantu, Muzeulu a Universitatil’ei; nu easte zborulu maşi dispre istoria a universitatil’ei ieşeanâ, cǎ şi di istoria veacl’e a Iaşului, şi mi refer în special la Cultura Cucuteni, ţi are un spaţiu mare di expunere trâ videare în muzeu. Intrarea tru aestu muzeu easte gratuită, iara turiştil’i pot sâ beneficiadzâ di tururi ghidate nu maşi în română, cǎ şi tru engleză şi franceză. Tutunâoarâ obiectivile clasiţe: Bojdeuca (cǎsica) a lu Ion Creangă, Casa Pogor, Muzeul Unirii, îşi aşteaptă tute turiştil’i. Tutunâoarâ, Catedrala Mitropolitană easte vizitabilă, Mănăstirea Trei Ierarhi, Mănăstirea Cetăţuia, şi alte obiective importante.”

Aţel’i cu mirachea trâ naturâ pot sâ si hârâseascâ di oferte variate la Iaşi. În parcul Copou, vă aşteaptă til’lu poetului naţional Mihai Eminescu. Apoia, tru judeţulu Iaşi, si aflâ zona largă a Jijil’eei, unâ m’ică deltă di arâu, iu si aflâ flora şi fauna specifiţe a zonâl’ei a li Moldovâ. Poate sâ si m’eargâ, tutunâoarâ, în rezervaţia naturală Valea lui David, iu unâ alunchiuşirare di teren are faptâ posibilă apariţia a vegetaţil’ei di silvostepă, caracteristică a zonâl’ei dobrogeanâ. Lunca Prutului, valea di arâu, easte iaraşi unâ zonă care poate sibâ destinaţia, loculu di agiundzire, a oamin’ilor cu mirache trâ naturâ.

Iaşiulu poate sibâ vizitat tru iţe perioadă a anului, ama există anumite perioade tru care au loc evenimente importante, în funcţie di care easte recomandabil să vă programaţi şi sejurulu. Si toarnâ diznou la microfon Anca Zota, coordonator Chentrul di informare turistică Iaşi, ţi dzâse:

Arhiusinda cu primăveara craeşte numirulu a evenimentelor ţi si desfăşoară în Iaşi. Easte zborulu di tradiţionalul Festival di artă populară Cucuteni 5000, ţi si faţe pasa an tru ultima duminică a mesului cirişar, în parcul Copou. Tutunâoarâ, existâ şi festivaluri ma nale: un festival di ştiinţe, ţi are loc tamam la arhiusita a mesului apriliu, festivaluri di filmu, la bitisita a mesului mai are loc Festivalul internaţional a educaţil’ei, prima ediţie fu anulu trecu şi fu unâ di succes, iara anulu aestua va hibâ a daua ediţie care si doreaşte, si va, să si mutâ macarim la nivelul a ţil’ei di anulu trecut. Iara spri toamnă probabil va avem tru câsâbǎ a daua ediţie a festivalului FILIT, festivalul di traduţire şi literatură. În perioada a sărbătorilor a Iaşului, tru mesulu octombriu, si desfăşoară la Iaşi ma multe manifestări, printrǎ care Festivalul a filmului, ma multe manifestări culinare. Ama tru tut chirolu a anului, tru câsâbǎ suntu restaurante iu puteţ sâ aflaţ meniuri, mâcǎri, tradiţionale şi unâ chelche di v’in local. Vă aşteptăm la Iaşi să (pi)treaţiţ chiro deadun cu noi şi să descoperiţ arada di ieşean’i muşuteţâle a câsâbǎlui.”

Iaşiulu nu are un chentru pietonal. Există maşi unâ străduţă pietonală, ama turistulu poate sâ si chearâ pi străduţile multu romantiţe din Copou, iu suntu restaurante cu specific românescu şi internaţional icǎ pi străduţile foarte muşate di dinâpoia a Universitatil’ei di Medicină, iu are multe case vecl’i, boiereşti. Tru unile di eale suntu amenajate, idia, restaurante multu muşate, iu puteţ sâ vǎ delectaţ cu celebrul borşu moldovinescu, tochitura moldovenească ama şi cu avdzâtile cu numa pite şi plăţinte. Aestea suntu primile treie turlii di mâcare ţi pot sâ facâ un meniu tradiţional complet.

Iara trâ-a duchire m’iurizma a tel’ilor din Iaşi, easte ghine să v’iniţ tru ultima decadă a mesului mai sau arhiusita a mesului cirişar. Tute aţistea fac ca destinaţia propusă să hibâ unâ di top, di cipit, într-unulu di-a ţeale ma vecl’ile şi musaţile politii din România.