Târgovişte şi locurile di anvârliga 2013.10.31

Într-unâ zonă di dzeanâ, întră an’il’i 1396 -1714 fu aşezată Curtea Domnească a Ţarâl’ei Românescâ (provincie istorică di-tru sudulu a Româniil’ei di azâ): Curtea Domnească di la Târgovişte. Unâ călătorie în timpu pi care puteţ s-u arhiusiţ câlcânda cu ciciorulu pragulu pri-tru intrarea di sum Turnul-clopotniţă, construit la bitisita a secolului XVI.

Ana-Maria Cononovici, 30.10.2013, 21:22

Nâ spune câţe prinde vizitatoril’i să v’ină la Târgovişte, Ovidiu Cârstina, directorulu a Complexului muzeal Curtea Domenască, care dzâţe: “Complexulu muzealu Curtea Domnească din Târgovişte easte adrat cu 14 muzeie situate în Târgovişte ică tru judeţulu Dâmboviţa, muzeie ţi acoapiră unâ arie para mare a aţea ţi noi numim muzeografie. Întră aeste muzeie, ţel ma importantulu easte Curtea Domenască. Curtea Domnească fu restaurată di curundu, şi si prezentâ astăndzâ a vizitatorului cu unâ nauă faţâ. Practic aţel’i ţi va sâ v’inâ tru Târgovişte va poatâ să viziteadzâ Curtea Domnească, în interiorulu a cure, pi nângă monumentile di Ev Mediu, si aflâ, ma nou, şi Muzeulu a tiparului şi a cartil’ei veacl’e româneascâ, pi care lu avem mutatâ di-tru veacl’ea locaţie, un muzeu unic în România, aestâ şi cu agiutorulu a faptului că aoa, la Târgovişte, fu tipărită prima carte di-tru spaţiulu românescu. Tutunâoarâ, Curtea Domnească easte ahoria pri-tru monumentile care s-au păstratâ în interiorulu a ţistei. Easte zborulu dispre Bâserica mare domnească, cu unâ structură absolut remarcabilă, adratâ tru anulu 1698, tru chirolu a domniil’ei a lu Constantin Brâncoveanu şi care si păstrează în proporţie di cama di 90%. Tutunâoarâ, Turnul (pirghul) Chindiei, un simbol a câsâbălui Târgovişte şi a judeţului Dâmboviţa şi, nu tru arada di ma nâpoi, surâpâturile a Palatului, care ascundu dinclo di muri unâ serie di paramite interesante, care suntu spuse a vizitatorilor di cătră ghidzâl’i a noştri. Curtea Domnească easte ţel ma important muzeu ţi lu în incinta a Complexului.”

Alăsânda Curtea Domnească nâpoi, putem sâ faţim şi alte aleadziri culturale. Si toarnâ la microfon Ovidiu Cârstina, care dzâţe:

Ama aţist muzeu easte completat, în mod fericit, di cătră alante muzeie, şi anume: Muzeulu di artă, ţi easte aproapea di Curtea Domneascâ, muzeu dişcl’is tru anulu 2009, care apânghiseaşte unâ importantă colecţie di artă, chinesindalui di-tru Evul Mediu, până tru contemporaneitate. Avem pictori celebri care au semnatâ pândzâ apânghjisite di aţist muzeu di artă: Nicolae Grigorescu, Sava Helţia, Toniza, Gheorghe Petraşcu şi mulţâ alţâ. Nu prinde sâ si agârşeascâ că expoziţia si dişcl’ide cu artă medievală, artă brâncovenească, extrem di muşatâ şi interesantă. Tut în Târgovişte îl’i invităm pi vizitatori să veadă Muzeulu di istorie, care easte un muzeu para muşat, di aform’ia că apângheaşte piese di-tru categoria tezaur şi uniţe tru aţist spaţiu istoric. Tut aoa, vizitatoril’i pot sâ veadâ Casa atelier Gheorghe Petraşcu, loculu tru care maestrulu bână lucră. Nu tru arada di ma nâpoi va sâ aduc aminte că si dişcl’ise di curundu expoziţia cu numa Metamorfozile a unui loc a li memorie”, şi lansedzu aşi a tutulor invitaţia sâ v’inâ la Târgovişte să veadă şi fosta unitate militară tru care tru 25 andreu 1989, care este loculu aliştei expoziţie, iu cuplul Ceauşescu eara giudicaţ şi ma apoia vâtâmaţ.”

Şi di aform’ia că şi locurile di anvârliga a câsâbălui Târgovişte merită sibâ vizitate, apruchem unâ invitaţie tut di la Ovidiu Cârstina, care dzâţe:

Tru judeţulu Dâmboviţa avem unâ serie di muzeie multu muşate, cu paramite muşate dinâpoia a lor. Pot s-aduc aminte Casa atelier Gabriel Popescu, personalitate remarcabilă a gravurâl’ei româneascâ, timil’iusitorulu a şcoalâl’ei di gravură, un muzeu para muşat în zona di nordu a judeţului, artă montană, la Pietroşiţa, localitate ahoria, ţi merită şi ea sibâ vidzută. Şi nu tru arada di ma nâpoi, va sâ menţionedz tru judeţ, Palatulu Brâncovenescu di la Potlogi, palat care easte în restaurare şi care va sibâ diznău dişcl’is a publicului vizitator tru şcurtu chiro, iu oaminl’i va sâ poatâ să veadă cum eara bana într-unâ curte medievală, aşi cum eara ea cându Constantin Brâncoveanu locuia tru Palatulu di la Potlogi. Pi nângă aeste obiective avem şi un bogat patrimoniu natural, mi refer în special la zona montană a judeţului şi, nu tru arada di ma nâpoi, în varliga a câsâbălui Târgovişte, are unâ serie di mănăstiri multu muşate, pricum Mănăstirea Dealu, iu faţe arihate capulu a voievodului Mihai Viteazu. Tutunâoarâ aduc aminte Muzeulu a Arhiepiscopiil’ei di Târgovişte, care easte cama ahoria.”

Şi ninte di încl’idire, va sâ adăvgăm că tut aoa aflaţ aţea ma marea concentrare di restaurante, pub-uri şi cluburi, iu preparate tradiţionale si armonizeadză cu v’inuri di calitate.