Daeş şi Kalaş
Prota cadzu habarea, viniri dicseara, tra tuţ atel’i cari nu avdzara exploziile di la Stade de France ica aminarli di tufechi set şi far di bitiseari dit lumea haracoapa a ahurhital’ei di weekend. Ca la iti traghedie, nautăţli yin ntraoara, una pisti alanta, s-himusescu, ti l’ia pi napandica aclo iu eşti, fără tehnea ananghisita ti videari averlu pi cari varnu nu lu ştie, nica. Şi, cum ti s-hiba, averlu pari ti nipistipseari, nica si aşi, adrat dit cumaţ nsindzinati. Atel’i cari s-bagara ninti di prima explozie a atacal’ei di Paris sa sculara, sâmbătă, tru mplin peisaj suprarealistu. Apirira tru un Paris cari baneadza s-ma largu haracop şi boem aca ari un catut hiptu tru paltari. Terli nu suntu di Cărciun şi niti imaginile terifianti nu yin dit filmi di ficţiune. Easti realitatea nibunească a unei mindueari infernala, easti mentalitatea a criminalui laş cari s-lugurseasti alumtător tra una cauză.
Marius Tiţa, 20.11.2015, 17:34
Tru ahtari situaţii, atel cari yini di nafoară sa spuni ca hiindalui ma catolic di papa”, el lipseasti să-şi demonstreadza ataşamentul andicra di haită di adară lucri pi cari haita nica nu li mindui tra s-li baga tru practico. Teroriştil’i cari agudescu la el’i acasă tru numa a unei doctrina di cari, până nu di multu niti nu ştea că există, u da di padi nu masi familia, vitin’il’i şi ţara tru cari s-amintară şi cari la deadi di tuti tra una bana tin’isită, ş-u da di padi işisi specia. Parislu insindzinatu ma largu armasi idyiul Paris pi cari oamin’il’i di tuta lumea vor să-lu veadă barimu unaoară tru bană, tru una hagilachi ti scoati Luvrul, turnul Eiffel, catedrala Notre Dame şi multi alti locuri mititi dit cărţali poştali ilustrati aflati di dechenii, la loc di tin’ie, nolgica di familie. Dupu socu şi revolta vini deapoa determinarea programatică a autorităţlor şi impetuoasa nchisita a oamin’ilor tra s-faca ca Parisul s-ducă lucurlu ma largu s-hiba Paris, ca Franţa s-hibă Franţa iara oamin’il’i normali să-şi ducă bana lun’inoasă fără angoasa a minduerlor ti vatamari alargu tru len turlii di idei mări s0nica ma mari.
Organizaţia criminală ti na bagă ntrocl’i, cu zorea, hlambura a islamlui, easti numasită, tru Franţa, Daesh, atea ti, s-pari, nu para easti pi vrearea a lor. Tutunaoara, simpatica ama ahât di funesta armăta kalaşnikov easti numasită, Paris, Kalash, una priscurtari ditru atele di cari easti mplină franceza contemporană. Ase, Daesh şi Kalash intrara tru limbajlu curentu su formi cari arucă tru vimtu sobrietatea sinistră cu cari teroriştil’i li videau anvălite. Easti una alithealui exorcizare a atmosferal’ei parizieana, mplină di lun’ina a oamin’ilor yii cari yirtusescu bana. După şoc, determinare, fermitate şi soldaritate, vini un englez, rafinatlu şi subtilu John Oliver, cari, tru emisiunea a lui di la un postu american, cu valenţi di religie” universală, discl’isi un tir cathartic di zboara groasi contra a nafimatlor di autori a atacal’ei di Paris, cari lucrara deadun cu alta nafimat tra s-baga tru practică aeastă ideologie nafimată.
Cadealihea, nfimat easti atel ma frominu zbor cu cari putem s-alaximu nascanti zboara dit atele cu cari John Oliver bombarda minţale landzidi a teroriştilor. Ataca a mintimenlui showman fu lansat aclo iu ari atel ma mari efectu: nolgica di lumea civilizata, la una televiziuni cu anami şi audienţă universala. Aclo s-andamusescu miliaradile di oameni cari u vor bana şi Parislu şi vrea s-putea s-hiba aspareat di crimili a teroriştilor. Pan tru soni, John Oliver nu feati ici tiva special, spusi atea ti mulţa ditru noi u spusim, nica si grim, tru aesti dzali. Ase că, tu ligatura cu atacurli teroristi di Paris putem sa spunem tuţ: Je suis John Oliver.
Armanipsearea: Tascu Lala
