Român’i bogaţ
În prezentu, ţel ma avutlu român easte Ion Ţiriac, unâ figură leghendară a român’ilor. Tru an’il’i cându România eara încl’isă di comunişti întrǎ propriile frontiere, Ion Ţiriac triţea di eale şi si fâţea cunoscut inclusiv tru exclusivulu Occidentu pri-tru perfromanţile a lui tru tenis. Figură charismatică, Ion Ţiriac reuşi să si impună în lumea capitalistă a afacerilor, aţea ţi eara unâ performanţă trâ vârâ care vine di-tru lumea comunistă a proprietatil’ei comunâ gheneralizatâ. Di-tru primile sticuri a Româniil’ei post-comunistâ, Ion Ţiriac feaţe afaceri, agiumse un cu diadever mit trâ român’i, un model şi un posibil om providenţial trâ întreaga naţiune. La primile alidzeri libire trâ funcţia supremă în stat, după darea nanâparte şi executarea a dictatorului Nicolae Ceauşecu, tru 1990, Ion Ţiriac eara vidzut ca hiinda singurulu care să merite să-I’i conducă pi român’i spri democraţie, libirtate şi prucuchie. Si menţânu constantu ca un om di afaceri serios, cu timel’u, care nu alagâ după afaceri dubioase şi rapide, aşi-numitile tunuri (canone, furlâchi) di-tru periaodile di chiro cutulburate di după cădearea a comunismului, tru andreu 1989. Si pare că Ion Ţiriac are unâ aveare di priste un miliardu di euro, aţea ţi înseamnă şi mai multu în dolari american’i. Şi mai înseamnă că v’isulu american di agiundzire multimilionar fu depăşit, şi si tricu la faza superioară, v’isulu tra-s hibâ miliardar. Al doilea ţel mai avutulu român easte Ioan Nicolae, un produs a tranziţil’ei post-comunistâ, cu unâ imaghine aproapea niclară trâ opinia publică. Anulu tricut, Ioan Nicolae eara pi prota scarâ a podiumului, cu unâ aveare estimată la 1,7 miliarde di euro. Tora s-aibâ agiumtâ la 1,1 miliarde sau başi unulu singur, aţea ţi înseamnă că avu cheardiri di mai ghine di unâ giumitate di miliardu di euro, şi feaţe rocada (lâxirea) cu multu mai constantulu Ion Ţiriac. Unâ giumitate di miliardu di euro apăru, pi di altâ parte, tru afacerea a fraţâlor Dragoş şi Adrian Pavăl, care, cu 650 di milioane di euro, acutotalui, suntu pi loculu 3.
Marius Tiţa, 10.11.2014, 22:18
El’i suntu proprietaril’i a unui zingir di magazine cu materiale trâ construcţii şi amenajǎri interioare multu activ şi prezentu inclusiv în memoria a român’ilor. Iatu, avem pi podiumulu a român’ilor bogaţ treie formule di succes, unâ di tip occidental, dinainte di 1989 cându cădzu comunismulu, altâ aparţâne a ciudioasâl’ei tranziţie postcomuniste iar a lll-a, care v’ine multu cu silâ di dinâpoi, înseamnă oamin’i noi, tineri şi cu idei care nu mata plătescu tribut a amintirilor dinainte di 1989. La un moment dat, unâ importantă revistâ românească di afaceri şi economie lo apofase tra să publicâ clasamente anuale a ţilor mai avuţâl’i român’i. Ţi cara cǎ procedeulu şi tehnica a elaboraril’ei a ţistui clasamentu nu eara dip limbidz, ideea acâţǎ imediat, ţi cara cǎ nu eara hici ţiva nou, tru ţări în care bana democratică nu fu nchidicatâ di comunismulu postbelic, clasamentile şi başi bogăţil’ia sunt normale şi ninca legale. România avu di reaţire nu maşi unâ teribilă paranteză istorică di dictatură comunistă, impusă di calculile a mǎrilor puteri şi di tancurile sovietiţe, ama şi unâ tranziţie di stinahur di la comunismu la societatea dişcl’isă şi democratică.
Si fu că filozofil’i, minduitoril’i şi basşi politician’il’i au teoretizatâ şi ninca bâgatâ tru practichie traţirea di la capitalismu la comunismu, disigura, pri-tru revoluţie, hibâ ea tru sâmedru, bruma sau alţâ meşi a anului, treaţirea di la comunismulu propus s-hibâ eternu la democraţia di tip capitalistu nu are beneficiatâ di planuri şi propuniri programatiţe, ba niţe macarim di previziun’i serioase. Di aţea aform’ie, şi ţi urmǎ după ţi român’il’i surparâ di la puteare, cu propria a lor jertfă şi curbane, reghimulu comunistu şi dictatura Ceauşescu nu avu un plan coerentu, di anvergură şi profunzime. Bogăţil’ia dipuse rapid tru intenţiile şi dorinţile, dorulu a român’ilor, şi nu totdâna pi calea ţea ndreapta. Tru chirolu di ma nâpoi, numile mitiţe a român’ilor care ştiurâ să facă aveare rapid tru iame di chiro cutulburi, aţel’i care u dusirâ greu ama arâmasirâ tru banâ maşi el’i ştiu cum, arhiusirâ sâ apară pi lista a ţilor pitricuţ în giudicată şi başi încl’işi trâ fraude şi afaceri dubioase derulate tru aţel’i 25 di ani di postcomunismu şi libertate. Acabete, ideea di construcţie di timel’u a unei aveare acaţâ să si impună inclusiv ca model trâ tinirele bârne care îl’i ved după gratii, dupâ firidz cu pârmaţe di her pi idol’il’i a părinţâlor, aţel’i ţi avea faptâ aveare rapid şi ocultu (nu dip chischin). (Marius Tiţa)
