Ma mărli evenimenti a stămânăllei ţi tricu 06.03 – 12.03.2022
Prezidentulu României, Klaus Iohannis, prezentu la summit-lu di la Versailles
Leyla Cheamil, 14.03.2022, 10:23
România fu reprezentată di prezidentulu Klaus Iohannis la summitul European di primuveară organizat la Versailles, la cari discuțiile avură tu amprotusa polimlu ditu Ucraina, reducerea dipendinţei Europei di gazul rusesc şi apărarea comună. Văsilia-nicukiră ali andamasi, Franţa, și spusi vrearea di construcţie a unei reale suvearanitati şi autonomii a Uniunillei, inclusiv sum aspect energetic, tru contextul candilicat şi dramatic a invazillei ruse tru Ucraina. Lidirllii europeni napoi adusiră aminti că UE va s’da protecţie a tutulor arifugaţloru ucraineni și csftară ali Rusie s’tiñisească regulile umanitare internaţionale. Tru domeniul energetic, obiectivul easti ñîcurarea dipendinţăllei di gazele şi petrolul ditu Rusia până tru punctul tru cari nascanti văsilii va ds’agiungă s’nu mata ancupara hidrocarburi di la ruşi.
Prezidintulu a Româniillei, Klaus Iohannis, diclară că, ahât ahăt kiră cătu va s’ţănă polimlu, păhazlli la energie va s’crească, antrenânda şi alte scucunkiri. Ti aţea, Guvernul di la București va s’u crească ntrăoară producția di energie electrică. Tu aesta noima, Executivul apufusi s’da cali diznău, di urgență, la niscanti capacități di producție la Complexul Energetic Oltenia, ditu sudul văsiliillei. Aoa poati s’intră tru funcțiune, tru perioada yinitoare, nica una turbină cari s’producă 300 di MW. Tutunăoară, pritu finalizarea a unei investiții di la Centrala Iernut (centru), până la bitisita aluştui an va s’producă alță 210 MW.
Vizită americană la nivel analtu la Bucureşti
Viţeprezidinta Statelor Unite ale Americii, Kamala Harris, fu aştiptata, vineri, la Bucureşti, di prezidintulu Klaus Iohannis. După muabeţ tête-à-tête şi oficiale tru cadru lărdzit, aţelli doi feaţiră diclaraţii di presă comune. România fu extraordinară tru filotimia şi curajul dimonstrate tru contextul conflictului Rusia-Ucraina — diclară dna Harris, cari adăvgă că tută lumea vidzu agiutorlu pe cari românii lu-diadiră a arifugaţloru.
Tu arada a lui, şeful statului român cundille că NATO va s’acţioneadză fără s’tragă mănă ti apărarea a cathi unui stat aliat, inclusiv a Româniillei, el aprukinda asigurări mutrinda angajamentul SUA andicra di articolul 5 a Tratatului Atlanticului di Nord. Tru minduita-a Bucureştiului, prezenţa tru România a viţeprezidintului Kamala Harris reconfirmă soliditatea Parteneriatului strategic bilateral şi angajamentul niminatu al SUA andicra di securitatea României şi a aliaţilor NATO di pe Flancul Estic. Vizita yilipseaşti, tutunăoară, aprecierea administraţiei americane tră aboramaea României tru contextul a fuvirserloru actuale di securitate generate di agresiunea Rusiei tru Ucraina, cum şi tru kivernisearea fluxurilor di arifugaţ di la sinuri şi amaea di asistenţă umanitară.
România ndrupaşti arifugaţlli ucraineni
Di la ahurhita a invaziillei ruse, pisti 350.000 di arifugaţ ucraineni tricură sinurli ali României. Ditu aeşţa, aproapea două cirecuri fudziră ditu văsilie ta s’agiungă tru vestul Europăllei. Comisarul european tră agiutorul umanitar şi kivernisearea crizelor, Janez Lenarčič, haristusi, gioi, după ună vizită tru România, tră eforturile pe cari Bucureștiul le faţi tru agiutorlu a arifugaţloru. Dimnitarul european vizit4 Centrul di protecţie civilă di la Suceava şi punctul di triţeari a sinurlui Siret. “Europa s’ampuliseaşti cu nai ma mare criză umanitară di la al Doilea Polim Mondialˮ, diclară Janez Lenarčič. După una andamasi cu ministrul di Interne român, Lucian Bodi, el menţionă că Uniunea Europeană da agiutoru tră persoanele cari fugu ditu Ucraina, ama şi tră ţările viţine cari lli-apănghisescu.
Comisarul s-andamausi şi cu prim-ministrul Nicolae Ciucă, cari cundille importanţa agiutorlui european tră România şi Republica Moldova (ex-sovietică, majoritar românofonă), ti kivernisearea a dalgăllei di arifugaţ. Ti mira a arifugaţloru avură muabeti, luni, la Bucureşti, și şefii diplomaţiilor ditu România şi Canada, Bogdan Aurescu şi Mélanie Joly. Oficialu canadian haristusi a partillei române tră eforturile di viglleari tuti persoanele anănghisiti s’fugă ditu Ucraina di itia a agresiunii militare ruse, inclusiv pe aţelli 600 di cetăţeni canadieni cari tranzitaă teritoriul românesc tru siguranţă.
Luni, Guvernul di la Bucureşti aprobă năi misuri tră arifugaţ. Ase, tutţ cilimeañilli ucraineni aflaţ pe teritoriul României va s’aibă ndreptu la educaţie tru unităţile di truvăţământ ditu ţară tru idyili condiţii cu preşcolarii şi elevii români. Ei vor avea şi ndreptul la cazare gratuită tru internatele şcolare, ndrept di alocaţie di hrană, cum şi ndrept di ti s’la da rechizite, strañe, ncălţăminte şi manuale.
Misuri adoptate di executiv mutrescu şi persoanele tu ilikie i cu dizabilităţi cari agiumsiră tru România tnsuţite i niansuţăte şi cari pot s’caftă agiutoru di la serviciili sociale. Nu tru ultimul rând, cetăţenii ucraineni cari vor să muncească tru România o vor putea face. Pe di altă parte, Crucea Roşie Română a trimis, tru această săptămână, tru Ucraina, spre Cernăuţi, ajutoare constând tru alimente di bază greu perisabile, materiale sanitare, aparatură medicală, medicamente, tru sprijinul persoanelor afectate di polim. Nai ma marea problemă tru localităţile oarfani ditu Ucraina, aflate la sinuru cu România, u reprezintă ixikea a alimentelor.
România a ieșit ditu catandisea di alertă impusă di pandimia di Covid-19
Catandisea di alertă impusă tru România di itia a pandimiei di coronavirus fu curmata tru aestă săptămână, la aproapea doi ani di când fu instituită prima oara, pe 15 mai 2020. Ma ninti, kiro di doi meşi, România eara tu catandisi di ananghi. Di ñiercuri, niţi ună restricţie anti-COVID numata easti tru practico şi numata easti bagata niţi ună regulă tră prevenirea arăspândiarillei coronavirusului. Unăoară cu danasearea a catandisillei di alertă, prezentarea certificatului verdi numata easti condiţie di acces tru vără spaţiu şi niţi la intrarea tru văsilie, di itia ca numata s’baga reguli di izolare sau carantinare. Documentul easti, ama, ufilisitoru aţiloru cari călătoresc tru ţări iu aro reglementări tru aest noima, certificatele emise tru România având valabilitate până la bitisita a anului. Ministerul Sănătăţii recomandă, ma largu, purtarea prusupidallei sanitare tru spaţiile aglomearate, di itia ca nica ari transmitere comunitară a virusului. Până tora, isapea spuni aproape 2,78 milioane di cazuri di infectare cu SARS-CoV-2 tru România si pisti 64 di ñilli di dicese asociate COVID-19.
Autoru: Leyla Cheamil, Roxana Vasile
Armânipsearea: Taşcu Lala
