Ma mărli evenimenti a stămânăllei ţi tricu 13.02-19.02.2022
Trend descendentu al infectărlor cu COVID-19
Corina Cristea, 19.02.2022, 20:17
După ţi, pi 1 di şcurtu, tru România fu nregistrată kipita-a numirului di infectări cu SARS-CoV2 — puțănu pisti 40000 tru 24 di săhăţ – trendul discendentu accelerat a epidemiillei continuă, stămâna aesta, ase că autoritățile s’minduescu la relaxarea restricțiilor și curmarea-a catandisillei di alertă. Aesti apofasi va s’hibă loati, ama, maş tru simfunie cu doi indicatori importanți, spusi ministrul Sănătatillei, Alexandru Rafila: scădearea a numirului di persoane cari au ananghi ti spitalizare, ama maxusu a numirlui di internări tru secțiile ATI. Maş giumitate ditu adulţăllii ditu România s’hărsescu tu aistu kiro di protecţia vaccinurilor, procent sum aţel nregistrat tru alte state europeane, iara aestă diferenţă s’veadi tru numirlu ma mare di pacienţă internaţ şi di cazuri grave, exighisi responsabilu di la Sănătate. Cu tuti apelurli unu dupu alantu, interesul a populațillei tră imunizare armăni, ama, scădzut, iara ma multe cabinete di vaccinare fură ncllisi ică va ş’bitisească activitatea di itia a căftarillei scădzută. Tru aestu kiro, ordonanța ditu brumaru 2020, cari căftă purtarea a prusupidăllei di protecţie tru exterior fu declarată niconstituţională, di itia că nu avu avizul a Consiliului legislativ, organ consultativ a Parlamentului. Specialiştilli spun, ama, că purtarea prusupidăllei nu fu ună restricţie, că maş ună cale ti preveniri infectarea.
Previziuni economiţi
Comisia Naţională di Strategie şi Prognoză di București u revizui tru scădeare isapea mutrinda creaştirea economică a Româniillei, anticipânda un avansu di maş 4,3 la sută, tru scădeare cu 0,3 puncte procentuale comparativ cu prognoza a llei di ma ninti. Furñiili cari şedu dinăpoia a aliştei ajustari suntu ligate di creaştirea iruşi a inflațiillei, di fitrusirea a dalgăllei ţinţi a pandemiillei di coronavirusu și di continuarea a crizăllei energhetiţi. Estimarea easti adrată fără s’acaţă tu isaapi declanşarea a unui conflictu diterminat di mintireaşili gheopolitiţi di la sinurlu cu Ucraina, cundilleadză autorllii a prognozăllei di iarnă. Tutunăoară, fu faptu isapi diznău impactul a creştirillei păhadzloru la energie electrică şi gaze naturale mutrinda imnaticlu a inflaţiillei tu kirolu a aluştui anu, aţea ţi dusi la ună prognoză tru creaştire a păhadzloru di consum. Evoluţiile yinitoare aspunu ună ayăliseari a creştirillei tru meslu şcurtu di itia a băgarillei tu lucru a năiloru reglementări mutrinda nivelu a plafonării, ama şi a cotilor di consum, a deapoa şi cu ună kipită di consunu tru meslu apriliu. Creaştiri di ma ñică amploari suntu pruvidzute şi tru meslu alunaru şi tu ahurhita a meslui agustu. Inflația poati s’agiungă tu bitisita-a anlui 2022 di 9,5%. Simfunu cu datili a Institutlui Naţional di Statistică publicate marţă, economia românească criscu cu 5,6% anlu tricut.
Disfiinţarea Secţillei di Investigare a Infracţiunilor ditu Justiţie
Guvernul di Bucureşti aprobă, tu ahurhita aliştei stămâni, proiectul di nomu utrinda disfiinţarea Secţiei speţiale tră Investigarea Infracţiunilor ditu Justiţie (SIIJ) – obiectiv asumat pritu programul di guvernare şi pritu Mecanismul di Cooperare şi Verificari. Proiectul di nomu elaborat di ministerul ali Justiţie pruveadi priloarea di cătră alti structuri a dosarilor adrati di SIIJ. Cauzile aflate tru curs di soluţionare la nivelu alistei secţii va hibă pitricuti, pi cale administrativă, tru un vade di 60 di dzăli lucrătoare di la data intrarillei tru lucru a nomlui, pritu gailelu a Parchetului di pi ningă Aalta Curte di Casaţie şi Justiţie, parchetilor axizite, cari va u duca ma largu soluţionarea alustoru. Judicătorii şi procurorii di rang analtu stipsiţi că lu-calcă nomlu va s’hibă cercetaţ di Parchetul di pi ningă Analta Curte di Casaţie şi Justiţie, iara judicătorlli şi procurorlli di rang ma ñic di parchete di pi ningă alte judicătorii. Proiectul di nomu fu pitricutu a Parlamentului, tră debatu şi adoptare.
România și catandisea ditu Ucraina
România, ca stat membru NATO, s’hărseaşti di tute garanţiili di securitate şi easti acutotalui apărată tru cazul a unui conflict tru Ucraina, da asigurări ministrul di externe, Bogdan Aurescu. Şeful a diplomaţiillei române spune că autorităţle di Bucureşti suntu tru ligătură permanentă cu cetăţeañilli români ditu Ucraina cari va hibă apăraţ tru cazul a unui conflictu militar. Declaraţiile fură fapti după audierle ditu comisiile di specialitate ditu Parlamentu tru ligătură cu evoluţiile di securitate ditu zonă. Ministerul Afacerilor Externe bitisi procedura di repatriere tru România a membrilor di familie ai personalui di la Ambasada ditu Kiev, cari easti acutotalui funcţională şi di la Consulatul General di Odissa. Misiunile consulare di Solotvino şi Cernăuţi nu fură vizate di aestă misură, tră aţea că sunt tru regiuni cu grad ma mare di securitate, exighisi Bogdan Aurescu.
Andamasi di lucru a prezidentului Iohannis nafoara sinurloru
Prezidentulu Klaus Iohannis lo parti, ñiercuri, Paris, la invitaţia a omologului francez, Emmanuel Macron, la un ţină di lucru informală mutrinda catandisea di securitate ditu Sahel. Cu aestă furñie, sublinie necesitatea menţănearillei unitatillei şi coordonarillei, inclusiv cu partenerill regionali, cum şi a continuarillei eforturilor comune tru vidialaa asigurarillei iriñea şi securitatea tru regiune, tru hăirlăticlu a cetăţenilor. Șeful a statului român cudille, tutunăoară, că asigurarea securitatillei şi stabilitatillei tru vtiinătatea sudică a UE easti cu ahât ma importantă cu cât nă ampulisimum şi cu provocări acute di securitate tru viţinătatea estică, tru proximitatea Ucrainălleei şi la Marea Neagră. România va ditensionarea a crizăllei pi cale diplomatică, ama easti andreaptă tră consecinţele a unei eventuală invazii ruseşti tru Ucraina, diclară șeful a statului. Goi şi viniri, prezidintulu Iohannis lo parte la summitul UE – Uniunea Africană, organizat Bruxelles. Tru cadrul a lucrărilor, Klaus Iohannis scoasi tu vidială gaereţli constante ali Românie tru atea ţi mutreaşti băgarea tu lucru a obiectivelor comune UE-UA, axate pi iriñe, securitate şi bună guvernare, agiutarea a sectorului privat şi integrarea economică, alăxeri climatice şi tranziţia energetică, sisteme di sănătate şi producţia di vaccinuri.
Autoru: Corina Cristea
Armânipsearia: Taşcu Lala
