EVENIMENT TOP

Priorităţâle a preşedinţiilei română a Consiliului UE, prezentati la Strasbourg

Corina Cristea, 23.01.2019, 23:00

La doauă siptămâni după ţi România u lo, în premieră, şefia Consiliului a li Uniune, premierulu Viorica Dăncilă si duse la Strasbourg, iu lâ prezentă a eurodeputaţâlor priorităţâle a mandatului di şasi meşi. Brexitulu şi negocierea bugetului a li Uniune trâ perioada 2021-2027 si nuumiră printră dosarile ţeale mai complicate pi care va li aibă trâ gestionare Bucureştiul tru următoarea perioadă — aduse aminti primulu ministru. În total, 257 di dosare va hibă dizbătute în proţâl’i meşi, iar apoia va urmeadză campania trâ europarlamentarile di-tru mai. În chentrul a agendâlei românească la preşedinţil’e va să si aaflă coeziunea, ca principiu di bază, scoase tru migdane Viorica Dăncilă: Coeziune politică, ilustrată di nivol’ia di unitate întră statile membre, coeziune economică şi teritorială, în videarea a li reduţire a decalajilor di dezvoltare întră statile membre şi întră reghiuni, coeziune socială, di simeasie prin prisma a prezervarilei a ţilor patru libertăţ a pâzarilei interna a UE.” Reglementarea Uniunilei Energhetică, gestionarea coerentă a fluxurilor migratorii, prin cooperarea anamisa di statile di origine şi aţeale di tranzit, pricum şi extinderea a atribuţiilor a Parchetului European, se nuumiră întră priorităţile a Bucureştiului, adeadun cu acordarea a unei atenţie cama mare a Balcan’ilor di Vestu. În aestă siptămână, preşedinţil’ia română a Consiliului UE bitisi/ încl’ise primulu dosar, care si referă la protecţia datilor personale. Nalile reguli sancţioneadză cu amendă utilizarea abuzivă di cătră partidile politiţe a datilor cu caracter personal tra să influenţeadză comportamentul a alegătorilor.

Poziţia a Româniilei mutrinda situaţia din Marea Britanie

Guvernul di la Bucureşti îşi expriimă speranţa că Londra va v’ină cât mai aghon’ea cu soluţii concrete ahtare turlie încât retradzirea a Marilei Britanie di-tru UE să afecteadză cât mai puţân cetăţenil’i, ama şi mediul di afaceri. Bucureştiul consiideră că un acordu di retradzire va oferă un fundamentu juridic solid care va limiteadză efectile negative generate di Brexit. Pruvedzută trâ 29 marţu, ieşirea efectivă a Marilei Britanii din Uniune lipseaşte să aibă loc în timpul a preşedinţiilei a li Românie a Consiliului UE. Şefulu a statului român, Klaus Iohannis, consiideră ca easte regretabilă decizia Parlamentului britanic mutrinda acordul trâ Brexit, şi apreciadză că nu si epuizara, ninca, procedurile care pot să ducă, tru sone, la aprobarea a luştui acordu. Piste 400 di m’il’e di român’i si aaflă, în prezentu, în Regatulu Unit, şi formeadză a doaua ţea mai mare comunitate di xeni di-tru aestă ţară. După înfrândzirea suferită, marţâ, di premierulu Theresa May în Camera Comunelor, care pimse nâpoi/respinse acordul trâ Brexit negociat cu UE, Guvernul conservator di-tru Marea Britanie suprav’iuţui, m’iercuri dicseara, a unui vot di neîncreadere, iniţiat di opoziţia laburistă, iar premierulu Theresa May va prezintă luni noulu a lei plan, care va hibă dezbătu şi votat pi 29 ianuarie.

Anunţ mutrinda vizita a Papanului în România

Papa Francisc va facă ună călătorie apostolică di trei dzâle, di pi 31 mai până pi 2 cirişar, în România, la invitaţia preşedintelui Klaus Iohannis şi a Bisearicâlei Catolica di aoaţe — au anunţată surse ofiţiale concordante di la Bucureşti şi Vatican. Sub motto-ulu Să m’eardzem împreună!, Suveranulu Pontif va viziteadză Capitala, Iaşiulu (ţel mai marile câsâbă di-tru estul a ţarâlei, iu bâneadză ună importantă comunitate romano-catolică), Blajulu (chentru, capitală spirituală a greco-catoliţâlor român’i), precum şi sanctuarulu franciscan di la Şumuleu Ciuc (chentru, zonă cu populaţie majoritar maghiară). Sâmtul Părinte are încurajată dipriună/totâna respindzirea a egoismului şi acordarea a unei importanţă chentrale ghinelui comun. Papa v’ine în România tra să invită la unitate, tra să confirmă credinţa — anuunţă biroulu di presă a Sâmtului Scamnu. Amintim că, tru 1999, România devenea prima ţară majoritar ortodoxă vizitată, vrânăoară în istorie, de un Suveran Pontif.

DZuua a Culturâlei Română

Pe 15 ianuarie, tru dzuua di naştire a ţilui mai mare poet a român’ilor, Mihai Eminescu fu sărbătorită DZuua Culturâlei Naţională în România. Easte anulu noauă consecutiv cându Academia Română, Uniunea Scriitorilor şi autorităţâle locale şi chentrale au organizată numiroase evenimente în ţară şi tru capitale europeane. Ună sesiune festivă avu loc şi la Ateneulu Român, cu participarea preşedintelui Klaus Iohannis, a numeroşi academician’i, a Patriarhului a li Bâsearică Ortodoxă Română, Daniel, şi a miniştrilor a Educaţil’ei şi Culturâl’ei. Preşedintile a Academiilei Română, Ioan-Aurel Pop, spuse tru discursul a lui că exiistă îndaua caracteristiche fundamentale care aparţân a culturâlei naţională română. Aşi, cultura naţională nu poate sa si imaghineadza dicât în cadrulu a lei universal şi european. Totunaoară, are ună dimensiune istorică fără care va poată sa funcţioneadză. Şefulu a statului aduse aminte că 2019 easte anulu a sezonului cultural româno-francez, a Festivalului “George Enescu” şi a Festivalului “Europalia”, aestea hiinda oportunităţ trâ reafirmarea a Româniilei ca spaţiu a consacrarilei artistică. Pi di altă parte, Academia Română lansa aplicaţia “Mihai Eminescu, întreaga operă”, disponibilă gratuit pe dispozitivele mobile inteligente.

Autor: Corina Cristea

Armânipsire: Hristu Steriu