Eveniment Top 01.10.2016
Cercetat sum control judiciar într-un dosar di corupţie, vicepreşedintile liberal Vasile Blaga demisionă di-tru aţeastă funcţie şi di-tru aţea di coordonator a campaniilei electorală. El anunţă şi că nu mata candideadză la legislativile di-tru andreu. Uidisit a procurorilor DNA, faptile care l’i si impută s-fură comise în perioada 2009-2012, când Blaga, atumţea ministru di Interne şi ulterior şef a Senatului, s-aibă intervenită trâ darea a unor contracte di achiziţie publică în mod preferenţial. Ţrâ aestu trafic di influenţă, s-aibă aprucheată comisioane di 10%, însumânda şapte sute di m’il’e di euro – pâradz obţânuţ trâ el personal, ama şi trâ partidulu a cure secretar gheneral eara şi care atumţea si afla la guvernare. Easte zborulu di fostul Partid Democrat Liberal, care tru chirolu aestu si scindă – majoritatea membrilor a lui, cu Blaga în frâmte, optară trâ fuziunea cu naţional-liberalil’i, şi alanţâ lu urmară pi fostul preşedinte Traian Băsescu în Partidul Mişcarea Populară. Evenimentile din PNL, survenite cu ma puţân di trei meşi ninte di leghislative, sunt considerate un seismu tru daua formaţiune ca pondere în Parlamentul di la Bucureşti.
Corina Cristea, 30.09.2016, 22:21
Sitămâna aestâ, executivulu a Româniilei are aprobată stimulente şi misuri cu scupolu să ducă la crearea di locuri di lucru. Aţestea va intră în vigoare la 1 andreu şi v’in tru agiutorulu a categoriilor vulnerabile, în special a şomerilor care lipseaşte să-şi alâxească domiciliul tra să si angajeadzâ sau a ţilor care vor să si toarnă în ţară tra sălucreadză. Uidisit a premierului Dacian Cioloş, easte trâ prota oară cându fondurile europeane şi fondurile di-tru bugetulu a Româniilei sunt direcţionate coerentu tra să aibă un impactu real pi pâzare şi tru bana a oamin’ilor. Aşi, persoanile care sunt şomere şi l’ia apofasea să-şi alâxească domiciliul tra să si angajeadză va l’ia ună primă di instalare în valoare di 12.500 di lei (circa 2800 di euro). Aţel’i aflaţâl’i în şomaj şi care va aibă dor să si angajeadză la ma multu di 15 km di domiciliu va poată să beneficiadză di ună subvenţie care să lă permită să si deplaseze la locul di lucru.
Primile şase avioane di alumtă F16 cu însemnul tricolor a Forţilor Aeriane Române au agiumtă siptămăna aestâ pi aerodromulu militar di la Feteşti (sud). Aţestea fură achiziţionate di la Forţile Aeriane Portugheze, după ţi au tricută printr-un proces di modernizare, aşi încât va poată să interacţioneadză tru tut aţeleşi condiţii cu toate alante avioane multirol pi care li au statile membre NATO. Chiro di doi an’i, specialiştili portughezi antrenară nauă piloţ şi 80 di tehnician’i român’i care va să si ocupă di exploatarea a luştor aparate. Până la bitisita anului, Forţile Aeriane Române va mai l’ia ninca 3 avioane, iar ultimile 3 va asească tru agheazmaciune anulu v’initor. Specialiştil’i apreciadză că România are nivol’ie di barim 36 ahtari avioane di alumtă, iar autorităţâle caftă deja variante trâ achiziţionarea unei a daua escadrilă. F16 easte ţel ma di succes avion multirol din lume, hiinda ufilisit în mod constantu în majoritatea operaţiunilor militare ţi au loc pi glob. Tot tru aţeastă siptămână, tru CSAT si decise transformarea Brigadâlei 2 Infanterie Rovine, cu sediul la Craiova, tru sudulu a Româniilei, în Brigadă Multinaţională NATO. Aarada di România, la constituirea Brigadâlei Multinaţională îşi anunţară, până tora, participarea Bulgaria şi Polonia.
Preşedintile român, Klaus Iohannis, şi preşedintile a Senatului di la Bucureşti, Călin Popescu Tăriceanu, au participată, vineri, la funeraliile a fostului premier şi preşedinte israelian, Shimon Peres, care dânâsi di bană, m’iercuri, la Tel Aviv, la vârsta di 93 di an’i. Într-un mesaj di condoleanţe adresat a omologului a lui israelian, Reuven Rivlin, preşedintile Klaus Iohannis afiirmă că Shimon Peres fu un lider vizionar şi un alumtător nidânâsit trâ ună soluţie durabilă în procesulu di Pace di-tru Orientul di Mese. Poporulu român – spune preşedintile Iohannis — va-şi aducă aminte dipriună priiatinil’ia sinceră şi profundă a lu Shimon Peres, primulu preşedinte israelian ţi are vizitată România, tru 2010. Tru arada lui, şefulu a Guvernului di la Bucureşti, Dacian Cioloş, evocăă tru mesajulu di condoleanţe transmis a omologului israelian Benjamin Netanyahu personalitatea emblematică a lu Shimon Peres, promotor a pacil’ei, recunoscut pi plan internaţional inclusiv pri-tru apruchearea Premiului Nobel pentru Pace.
Festivalul RadiRo
RADIRO – singurulu evenimentu european di anvergură dedicat în exclusivitate a orchestrilor radio, organizat di Radio România, adusu anulu aestu la Bucureşti 6 orchestre simfoniţe din Europa şi Asia, dirijori şi solişti care ţân capulu di afiş a schenâlei muzicale internaţionale. Prezeentă trâ prima dată la aestă manifestare, Orchestra Simfonică din Shenzhen fu aleaptă tra să dişcl’idă seria di concerte, cu lucrarea Rapsodia Română di George Enescu. Orchestra din China fu urmată di aţea a radioului di-tru Norvegia, apoia di orchestrile a radiodifuziunilor din Leipzig şi Viena. Trâ încl’idirea di-tru 1 sâmedru – DZua Internaţională a li Muzică, fu programată BBC Concert Orchestra. Unâ dia ţeale mai spectaculoasile lucrări din muzica tutulor timpurilor, cantata Carmina Burana fu interpretată, pi 26 agheazmăciune, di reprezentantile a Româniilei – Orchestra Naţională Radio, Corulu Academic di cântare şi Corul di Copii di cântare sum bagheta a lu Cristian Măcelaru.
Autor: Corina Cristea
Armânipsire: Hristu Steriu
