Hăbări ditu bana românească şi internaţională
FAC – Ministrul di Externe ali Românie, Bogdan Aurescu, lia parti adză la reuniunea Consiliului Afaceri Externe (FAC) a curi nicukiru easti Bruxelles. Uidisitu cu un comunicat di presă a Ministerului di Externe, muabeţli va s’aibă tu amprotusa agresiunea ali Rusie tru Ucraina, iara ministrul di Externe ali Ucraină, Dmytro Kuleba, va s’llia parti tru format vidioconferință. Tru ţi mutreaşti invadarea ali Ucraină di cătră Rusia, ministrul Aurescu va s’reafirmă ananghea ta s’ducă ninti asistența multidimensională acordată di UE ti Ucraina, maxus tra s’treacă tru sigurlăki sezonlu araţi și tra s’da asistență militară armatăllei ucraineană pritu Facilitatea europiană ti irini. Oficialu român va s’caftă, tutunăoară, tra s’bagă năi sancțiuni contra ali Rusie și agiutoru suplimentar tră văsiliili terțe zñiipsiti di consecințili a polimlui. Uidisitu cu Ministerului di Externe, oficialii europini va sfacă analiză, tutunăoară ti ateali ditu soni evoluții ditu Iran, Muntenegru, Afganistan și Venezuela, cum și lansarea a misiunillei UE tru Armenia. UE va s’acționeadză tru harea di observator și va s’dimăndă ti evoluțiile di pi ningă sinurlu armeno-azerianu, tru licşurarea a procesului di normalizari a ligăturlor anamisa di ateali dauă stati pritu misuri di anvărtuşeari a pistipsearillei.
Newsroom, 23.01.2023, 15:28
FAC – Ministrul di Externe ali Românie, Bogdan Aurescu, lia parti adză la reuniunea Consiliului Afaceri Externe (FAC) a curi nicukiru easti Bruxelles. Uidisitu cu un comunicat di presă a Ministerului di Externe, muabeţli va s’aibă tu amprotusa agresiunea ali Rusie tru Ucraina, iara ministrul di Externe ali Ucraină, Dmytro Kuleba, va s’llia parti tru format vidioconferință. Tru ţi mutreaşti invadarea ali Ucraină di cătră Rusia, ministrul Aurescu va s’reafirmă ananghea ta s’ducă ninti asistența multidimensională acordată di UE ti Ucraina, maxus tra s’treacă tru sigurlăki sezonlu araţi și tra s’da asistență militară armatăllei ucraineană pritu Facilitatea europiană ti irini. Oficialu român va s’caftă, tutunăoară, tra s’bagă năi sancțiuni contra ali Rusie și agiutoru suplimentar tră văsiliili terțe zñiipsiti di consecințili a polimlui. Uidisitu cu Ministerului di Externe, oficialii europini va sfacă analiză, tutunăoară ti ateali ditu soni evoluții ditu Iran, Muntenegru, Afganistan și Venezuela, cum și lansarea a misiunillei UE tru Armenia. UE va s’acționeadză tru harea di observator și va s’dimăndă ti evoluțiile di pi ningă sinurlu armeno-azerianu, tru licşurarea a procesului di normalizari a ligăturlor anamisa di ateali dauă stati pritu misuri di anvărtuşeari a pistipsearillei.
CERNAUȚI – Cernăuți poati s’hibă prota regiune ali Ucraina cari implementeadză un program ţi ari scupolu s’reintegreadză persoanele strămutate năuntru, la aproapea un an di la ahurhita ali aputruseari arusească. Protili cilăstăseri cu cari s’ampulisescu arifugațllii di itia a polimlui includ accesul la serviţii suţiali, casi și locuri di lucru pi lungu kiro. Tra s’lă agiută, Kiev lansă aestu program di reintegrare, cari va s’hibă implementat prota Cernăuți, iu ministrul ucrainean tră Reintegrarea teritoriilor ocupate temporar, Irina Vereșciuk feaţi ună vizită tu bitisita a stămănăllei tricută. Oficialu ucrainean spusi că aesta va s’hibă un proces complicat, di itia că integrarea persoanilor strămutate intern nsimneadză multu ma multu andicra di furnizarea di servicii sociale. Di la ahuhrita a polimlui, pisti 100 di ñilli di ucraineni s-mutară Cernăuți, cari easti până tora goala regiune ali Ucraina cari nu fu zñiipsită di atacuri ili bombardamente. Ditu aești, majoritatea eara pi calea cata România, acă ună parti di elli aleapsiră s’arămână. Pisti 30 di fabrici ditu estul ali Ucraina ș’rialara producția aoa.
OPEN-UL AUSTRALIAN – Preacllea româno-elvețiană adrată ditu Monica Niculescu și Viktorija Golubic agioacă adză tru optimile di finală di dublu feminin di la Australian Opin cu Storm Hunter ditu Australia și Elise Mertens ditu Belgia, cap di serie a patra a compitiție. Tut tru optimile di finală, Gabriela Ruse ditu România și Marta Kostiuk ditu Ucraina va s’agioacă cu preacllea integrală cehă Miriam Kolodziejova și Marketa Vondrousova. România numata ari agoiucători tru compitiția di simplu.
Autoru: Udălu a hăbărloru
Armânipsearea: Taşcu Lala
