Prima pagină » Actualitate » Hăbărli » Hăbări ditu bana românească şi internaţională

Hăbări ditu bana românească şi internaţională

VIZITĂ. Ministrul român ali Apărari, Vasile Dăncu, faţi până viniri ună vizită ofiţială tru Israel. Uidisitu cu unu comunicatu a Ministerului Apărarillei, agenda a ministrului acaţă tru isapi muabeţ cu omologlu a lui israelian, ţeremonii oficiale la memorialu Yad Vashem”, Muzeulu a Holocaustului și Memorialu a Cilimeañiloru, cum și vizite la companii ditu industria di apărare. Aţelli doi miniștri va să zburască ti probleme di actualitate cum securitatea tru Orientul Mijlociu și Amarea Lae, cum și stadiul și perspectivele cooperării bilaterale tru domeniul ali apărari.

Newsroom, 13.09.2022, 20:55

UCRAINA. Uidisitu cu prezidintulu ucrainean Volodimir Zelenski, forțele ucrainene amintară cama di 6000 di kilometri pătrați di sumu controlu rusesc tru yismăciuni. Kievlu spune că Rusia trapsi mănă la idiea tra s’pitreacă ma multe askeri tru Ucraina, iar Zelensky faţi un apel cătră Occidint s’crească livrările di armament cătră Ucraina, kiro tru cari askerili ucrainene cilăstăsescu s’anvărtuşeadză controlul tru ună mari comată di teren priloată di la Rusia tru nord-estul. Tru ună altă evoluție, luni, șeful Agenției Internaționale ti Energie Atomică (AIEA) Rafael Grossi dimăndă că Ucraina și Rusia par s’hibă sinfirisiti di pripunerea AIEA tra s’adara ună zonă tampon anvărliga ali ţentrala nucleare ditu Zaporizhzhia, aputrusită di arusi tru marţu. Rusia și Ucraina să stipsiră ună alantă că bombardară nai ma mare ţentrală nucleară ditu Europa, care zñiipsi clădirile ditu viţinata a aţiloru 6 reactoare nucleare allei, di crescu riscul a unui fănico nuclear.

FORUM. Moldova-România: Capital Bridges, easti numa a protlui forum la nivel analtu ahădzitu ti promovarea a păzărloru di capital di pi ateali dauă melauri a Prutului, cari s’dizvărteaşti adză București. Uidisitu cu organizatorlli, evenimentul fu structurat pi trei panouri și va s’aibă anamisa di călisiţ premierlu ali Românie Nicolae Ciucă și omologlu a lui moldovenescu Natalia Gavriliță. Aţelli doi au purtată muabeţ adză tahina tru kirolu a unăllei ñică gustari di lucru. Agenda a forumului acaţă tru isapi subiecte di actualitate cata cum contextul internațional, modalităț di implementare a politiţlor favorabile ti dizvultari a climatlui di afaceri și investițional și anvărtuşearea a ligăturilor anamisa di păzărli di capital a aţiloru dauă văsilii, prota ş-prota pi fondul a statutlui ali Ripublica Moldova tu harea di candidatu UE.