Hăbări ditu bana românească şi internaţională
POLIMLU DITU UCRAINA – Incendiile de la ţentrala nucleară Zaporizhzhia ditu sudlu ali Ucraină aputrusită de forțele de invazie ruse hărnescu sparizmili ligate de un fănico nuclear babageanu. Experții internaționali nica așteaptă forțăli militare de pe teren s’lă da izini s’viziteadză uzina, kiro tru cari arușlli și ucrainenii să stipsescu unu alantu că aminară foc de artilerie cari pot s’aspargă instalațiile nucleare. Guvernatorul a regiunii Zaporizhzhia, Oleksandr Starukh, căndăsi bănătorlli s’llia hăpki di iodu tru cazul a unei curari de radiații. 10 obuze vahi plăscăniră aproapea a unei instalații cari apănghiseaşti combustibil nuclear uzat și alti 3 aproapea di ună casă ţi apănghiseaşti combustibil nuclear proaspitu. Di altă parte, nivelurli di radiații armân tru limite normale.
Newsroom, 28.08.2022, 19:29
ARIFUGAT – Inspectoratlu Genearal ali Poliție di Sinuru dimăndă că aproapea 538 de ñilli de persoane, ahât români, cât și xeni, intrară ică fudziră sâmbătă ditu România cu aproapea 142 di ñilli de vehicule de transportu. Aproapea 14 di ñilli de cetățeni ucraineni intrară sâmbătă tru România, tru creaștire cu 7,60% andicra di dzua di ma ninti. Aproapea 2,1 milioane de cetățeni ucraineni intrară tru România ahurhinda cu 10 di şcurtu, cu dauă stămâni ninti tra s’ahurhească polimlu tru aestă văsilie.
SURPARI – Ună aeronavă cădzu duminică tahina tru balta Colibița ditu nord-vestul României, ţi purta doi inşi la bord, dimăndă Inspectoratul Județean tră Situații de Urgență Bistrița-Năsăud. Una ditu victime easti tru comă. Sâmbătă, procurorllii de la Curtea de Apel București apufusiră ună anchetă tu ligătură cu accidentul aviatic de la Letca Veche, giudețlu Giurgiu, tru sudlu ali Românie, tru cari muriră doi oamiñi, un bărbat de 54 de ani care pilota un avion de ñiţ dimensiuni și un di 27 de ani moaşa, soie a lui. Trupurli fură aflai arsi de proţlli ţi feaţiră intervenţia. Bărbatul avea ună babageană experiență de pilotaj și pare că vru tra s’apridună surparea a avionului. Uidisitu cu marturlli oculari, avionlu s’pari că s’apreasi ninti tra s’cadă. Furñia a cdearillei poati s’hibă ună problemă tehnică cu motorlu ali aeronavă.
TENIS – Agiucătoarea română de tenis Simona Halep easti cap de serie pi loclu 7 tru proba de simplu feminin la US Open, iara luni va s/agioacă cu Daria Snigur ditu Ucraina (WTA 125), cari agiumsi tru tabloul principal după ţi agiucă tru tururile preliminare. Fostă nr. 1 tru lume, Halep agiumsi anlu tricutu tru optimile de finală la US Open, kiro tru cari nai ma bună performanță a llei tru aestă competiție fu semifinala ditu 2015. Irina Begu, WTA nr. 34, va s’agioacă cu Elise Mertens ditu Belgia (WTA 32) tru runda de dişcllideari. Mertens conduţi cu 3-0 cap la cap. Sorana Cîrstea, (WTA 38) va s’agioacă cu Laura Siegemund (216 WTA). Gabriela Ruse (102 WTA) va s’aibă un meci ndlicatu cu Daria Saville ditu Australia (WTA 73). Neise, Jaqueline Cristian va s’ayină diznău pi terenlu de tenis după ună lungă absență di itia a unei accidentri greauă şi vaa s’agioacă cu a daua cap de serie ali competiție, Anett Kontaveit ditu Estonia. Alte trei tenismene române, Ana Bogdan, Alexandra Cadanțu-Ignatik și Gabriela Lee fură eliminate tru preliminarii.
Autoru: Udălu a hăbărloru
Armânipsearea: Taşcu Lala
