Hăbări ditu bana românească şi internaţională

Buget. Guvernul ali Românie vulusi adză prota ajustare bugetară a anlui, cari easti pozitivă și s’ntimilleadză pi ună crișteari a Produslui Intern Brut di aproapea 30 di miliardi di lei (6 miliardi di euro) la bugetlu general anvărtuşitu. Dupu ajustarea bugetară, ministerili di Finanțe, Lucru și Proiecte europene va s’llia păradz ma mulţă. Au prioritate misurli loati di Executiv tră andruparea ali economie și a cetățenilor, tru contextul a criștearillei multu mari ali inflație. Aesti misuri pruvedu ună schemă di andrupari tră compensarea a păhadzloru la energie electrică și gaze naturale, cum și subvenții di stat tră motorina ufilisită tru agricultură și garanții tră împrumuturli contractate di fermieri.

Newsroom, 18.08.2022, 15:58

Buget. Guvernul ali Românie vulusi adză prota ajustare bugetară a anlui, cari easti pozitivă și s’ntimilleadză pi ună crișteari a Produslui Intern Brut di aproapea 30 di miliardi di lei (6 miliardi di euro) la bugetlu general anvărtuşitu. Dupu ajustarea bugetară, ministerili di Finanțe, Lucru și Proiecte europene va s’llia păradz ma mulţă. Au prioritate misurli loati di Executiv tră andruparea ali economie și a cetățenilor, tru contextul a criștearillei multu mari ali inflație. Aesti misuri pruvedu ună schemă di andrupari tră compensarea a păhadzloru la energie electrică și gaze naturale, cum și subvenții di stat tră motorina ufilisită tru agricultură și garanții tră împrumuturli contractate di fermieri.

Inflația. Rata anuală ali inflație tru zona euro fu di 8,9% tru alunaru, tru creaștire andicra di 8,6% tu meslu di ma ninti, kiro tru cari tru Uniunea Europeană criscu di la 9,6% la 9,8%, uidisitu cu datili publicate adză di Eurostat. Văsiliili membre cu nai ma mări rate ali inflație sunt Estonia, Letonia, Lituania, Cehia, Vargăria, Ungaria, Polonia și România. Tru alunaru, tru România, rata anuală ali inflației armasi la 13%, tru kirolu anda tru alunaru anlu tricut, rata anuală fu di 3,8%. Tu alantu capu văsiliili membre UE cu nai ma scădzută inflație suntu Malta și Franța (dauli cu 6,8%) și Finlanda (8%).

Vizita. Ministrul român di Externe, Bogdan Malămăescu, easti dusu adză vizită Praga, la călisearea a omologlui a lui, Jan Lipavsky, tru contextul tru cari Ripublica Cehă u ari Prezidinţillea a Consiliului Uniunillei Europene. Uidisitu cu unu comunicat di presă al Ministerului Afacerilor Externe, discuţiile au tru planu cooperarea româno-cehă tru cadrul ali Uniuni, cu accentu pe coordonarea poziţiilor a atiloru dauă state. Aţelli doi voa să zburască, tutunăoară ti implicațiile cabai multi a polimlui paranomu ali Moscovă tru Ucraina, inclusiv ditu vidiala a kivernisearillei criza alimentară, a securitatillei energetică și a jgllioatiloru ţi suntu nanghi tră ñicurarea a dipendințăllei energhetică di Rusia. Bogdan Malămăescu și Jan Lipavsky facu muabeti şi tră cooperarea anamisa di România și Cehia tru cadrul NATO, cu accentu pe anvărtuşearea și hăirlătica a posturălleii di discurajare și apărare pi Flancul ditu Apirită.

Atletismu. Sportiva română Bianca Florentina Ghelber amintă medalia di malămă la proba di arcari a cioclui, ñiercuri, la Campionatele Europene di Atletism di la Munchen. Ghelber (32 di ani), clasată pe loclu șase la Olimpiada di la Tokyo anli tricut, amintă finala di la München cu 72,72 metri, dinintea ali polonezăllei Ewa Rozanska, 72,12 m, și a italiancăllei Sara Fantini, 71,58 m. Ase, România amintă prima medalie continentală di malămă la atletismu după ună pauză di 20 ani. Tut München, România ș-asiguripsi noi medalii la Campionatele Europene individuale di tenis di measă, tru proba di dublu feminin. Patru români suntu tru semifinale, faza cari asigură medaliile di brundzu, ași că ti dialihea va s’hibă nai ma pţănu un agiucătoru tru finală. România ari amintată, pănă tora ună medalie di asimi la Campionatele Europene di tenis di masă tru proba di dublu mixt, amintată di Bernaditte Szocs și Ovidiu Ionescu.

Campion. Campionul ali României David Popovici, medaliat cu malămă la probele di 100 m și 200 m liber, fu aleptu nai ma bun sportiv din probele di anot masculin la Campionatele Europene di anot di la Roma, uidisitu cu Fedirația Română di Snotu și Pentatlon Modirn. Tru un clasament bazat pe scor, tru dupu nai ma bune performanțe din competiție, David Popovici s-clasă pi primul loc la masculin cu 1.003 puncte, kiro tru cari la feminin lituanianca Ruta Meilutyte fu prima cu 985 di puncte. La maş 17 ani, David Popovici agiumsi, sâmbătă, la Roma, dițănătorlu a recordului mondial la 100 m libir cu 46 di secundi și 86 di sutimi. Diapoa, luni, amintă și medalia di malămă la 200 m liber. Cu 1 minut 42 di secundi și 97 di sutimi, apufusi, tut la aest eveniment, un nou record mondial și european.

Autoru: Udălu a hăbărloru

Armânipsearea: Taşcu Lala