Hăbări ditu bana românească şi internaţională
Vizita. Prezidentulu ali Ripublică Moldova, Maia Sandu, agiumsi viniri tru România la călisearea a omologlui a llei Klaus Iohannis. Tru conferința di presă di după andamasea oficială, prezidentulu ali Românie spusi că muabeţli fură vărtoasi şi avură tru arada multi subiecte di sinferu bilateral, cunuscuti hiinda ligăturli pi lungu kiro și sincere anamisa di aţeali dauă văsilii. El u hiritisi pi Maia Sandu tră statutlu di candidat la adirarea Moldovei la UE, ţi fu dat la reuniunea Consiliului European din 23-24 cirişaru. Aesta easti ună realizare istorică, un reper tru istoria a văsiliillei, spusi Klaus Iohannis, cari adăvgă că România ma largu va u andrupască Moldova pritu tuti călliurli ţi li ari la dispoziție. Tutunăoară, aţelli doi prezidinţă s’akicsiră s’facă jgllioati dicisivi tru ţi mutreaşti ligareaa a şingiriloru electriţi ditu văsiliili a lor și feaţiră muabeti ti potențialu a conductăllei Iași-Ungheni-Chișinău ca element di mari simasie ti securitatea energetice ali Ripublică Moldova. Prezidintulu Republicii Moldova Maia Sandu spusi că Bucureștiul andrupă Chișinăulu pi hiotea a kirolui, a diapoa boaţea ali României s’avdză vărtosu la Bruxelles ti andruparea a statutlui di candidat ali Ripublică Moldova la UE. Maia Sandu și- spusi pistipsearea că parteneriatul moldo-român va s’agiută ti năstriţearea a dificultăților cauzate di polimlu ditu Ucraina.
Newsroom, 29.07.2022, 11:45
Arifugaţ. Protlu ţentru multicultural tră persoanele zñiipsiti di polimlu ditu Ucraina s-dişcllisi București, funie tra s’da a cilimeañiloru şi adulților aflaț tru dificultate măcari caldă, serviţii medicale și cursuri di limba română. Dişcllisu di Cruţea Aroşe Română, cu agiutorlu ali Cruţi Aroşi Sud-coreene, centrul easti dişcllisu cathi dzuuă dio la 10 la 18, accesul s’faţi pi thimelliu di programare. Uidisitu cu Agenția ONU tră Arifugaţ, tru România sunt prezenți aproximativ 88.000 di persoane strămutate ditu Ucraina.
Yipturi. Biriketea di gărnu di estaanu easti duri tra s’asiguripsească căftarea di consum ali Românie şi ună parte ditu aesta poate nica s’hibă exportată, spusi ministrul ali agricultură Petre Daea. El nu dimăndă ţifri salami, spunânda că nu va s’influențeadză păzarea, ama spusi că randamentul easti ma ñic andicra di aţelu ditu anlu trictu. El spusi că gărnul easti tru dipozit și calitatea a biriketillei easti tru general bună. România fu greu agudită di xeri tru aestă veară.
Covid19. Viniri eara raportate ma puțăne cazuri di Covid comparativ cu dzuua precedintă. Ditu ateali 8.800 di cazuri noi, 1.600 eara nregistrate tru București. 4.000 di pacienți cu Covid au tratament tru spital, inclusiv 266 la terapie intensivă. Viniri fură raportate și 28 di dicese asociate.
Autoru: Udălu a hăbărloru
Armânipsearia: Taşcu Lala
