Hăbări ditu bana românească şi internaţională
GUVERNUL Guvernul ali Românie ari tru umuti s’vulusească adză regulile ti băgari tru practico a unui ordin di ananghi mutrinda reeșalonarea ti rambursarea a mpărmuturloru bancare. Ratili pot s’hibă amanate ti maxim 9 meşi, cetatenii si companiile lipseaşti s’facă spunearea că hărgili tru mesu criscură cu nai ma ptănu 25%. Apofasea a guvernului yini după ună creaștere abruptă ali inflație și ună scădire a putearillei di hărgiueari a oamenilor. Arada a duzuăllei di lucru di adză pruveadi şi darea di agiutoare di urgență a cetățenilor difavorizați. Cabinetlu va tra s’hărgiuească aproximativ 200.000 di euro ta s’agiută aproximativ 250 di familii și persoane aflate tru dificultate, ică di itia a incendiilor i a nicărloru, ică di itia a problemelor di sănătate. Tu aestu kiro, arifugaţlli ucraineni ditu România arămân ună chestiune di amprotusa ti guvern, care ari naeti s’llia produse din rezervele di stat și s’li ampartă ti agiutoru a arifugațlor.
Newsroom, 27.07.2022, 19:09
ENERGIE. România easte andrupanta pe scară largă di SUA, spune ministrul român al energiei, Virgil Popescu, care avu marță andamasi di lucru cu oficiali ai Dipartamentului di Stat al SUA. Tru ună hidzeari pe social media, oficialu român spusi că lo asiguripseri di la Washington tu ligătură cu agiutorlu ti dizvoltarea a programlui nuclear civil românesc. Virgil Popescu cundille că autoritățile române au naeti s’bitisească finanțarea construcției reactoarilor 3 și 4 la centrala nucleară di la Cernavodă până tu inşita a anului și că agiutorlu financiar a partenerilor americani easti multu important. SUA da și asistența necesară ti implementarea a unui ñic reactor modular, primlu di aesta turlie ditu România.
DIPLOMAȚIA. România este cabaia ancorată tru un sistem euro-atlantic di valori, securitate și solidaritate niminată, di itia, ntră altili a diceniilor di lucru diplomaticu, diclară adză ministrul român di externe Bogdan Aurescu, cu ucazea căs-yiurtusescu 160 di ani di anda fu thimilliusitu Ministerul di Externe. El tricu tru revistă istoria instituției, cundillinda personalitățile marcante din diplomația românească, și adusi aminti provocările actuale. Cându, ti prima oara ditu 1945, fuvirsearea a unlui polimu brutal, nejustificat și neprovocat lansat di Rusia contra a viţinlui a nostru Ucraina planeadză pisupra ali Europ, implicațiile nu pot s’hibă că maş la scară globală. (…) Diadunu cu aliațllii și partenerllii a noștri, himu ahandosu angajați s’conturăm ună apandisi diplomatică complexă la aestă fuvirseari cari ari consecințe uminitare traghiţi și hărgi economiţi incalculabile, spusi ministrul di externe Bogdan Aurescu.
Autoru: Udălu a hăbărloru
Armânipsearia: Taşcu Lala
