Hăbări ditu bana românească şi internaţională
NATO. La summitul NATO, cari s-bitisi gioi Madrid, prezidintul american Joe Biden diclară că SUA va s’thimlliusească un cartier general permanentu tră Corpul 5 di armată american tru Polonia, adăvgânda ună brigadă rotativă di 3.000 di militari și alță 2.000 di personal cari s’aibă sediul tru România. Biden ş-lo borgea, tutunăoară, s-u facă cama cu hăiri dizvărtearea rotativă tru reghiunea baltică, s’dizvărtească dauă escadroane di avioane F-35 tru Amarea Britanie, să staționeadză apărari aeriană suplimentară tru Germania și Italia și s’caftă s’crească numirlu di distrugătoare staționate tru Spania. La summitlu NATO di Madrid, prezidintul ali Românie Klaus Iohannis adusi sminti diznău ti agiutorlu ali României tră coopeararea Alianțăllei cu Uniunea Europeană. El tăxi, tutunăoară, agiutorlu activ a Bucureștiului tră anvărtuşearea și coopeararea ahăndoasă cu partenerllii ditu cartierili estiţi și sudiţi. Iohannis cundille că regiunea ali Aamarea Lae fu ună platformă tră proiecția putearillei ali Rusie cătră Orientul di Mesi, Africa di Nord și regiunea Sahel. Prezidintul Iohannis nica spusi că România andrupaşti adoptarea cât cama ntrăoară a unei diclarații comune NATO-UE tră abordarea și kivernisearea comună a crizăllei ucraineană. Finlanda și Suedia va-lu-simneadză marţă protocolu di adirare la NATO, dimăndă secretarlu general ali Alianță, Jens Stoltenberg, aşi cum dimăndă Reuters. Protocolu lipseaşti s’hibă ratificat di parlamentili a tutăloru aţiloru 30 di membri NATO. Miercuri, NATO vulusi un nău conţeptu strategic, cari u yilipseaşti Rusia ca hiinda nai cama amarea și directă fuvirseari ti securitatea și stabilitatea aliațlor.
Newsroom, 30.06.2022, 11:34
UCRAINA. Askerea rusă diadi hăbari gioi că s-tradzi di pi Hamunisia a Priciloru, un locu strategic ditu Amarea Lae, anăkisită di Moscova nica ditu ahurhita ali aputruseari a llei tru Ucraina. Ministerlu rus ali Apărari dimăndă că aestă minari easti un apofasi di bunăvreari tra s’licşureadză exporturile di yipturi ali Ucraină. Kievlu avea dimăndată ma ninti că a askeriloru aruşeşti lă si avea băgată ziru să s’tragă dupu ună operațiuni di succes nkisită di forțele ucrainene. Uidisitu cu ministrulu di Interne ali Ucraină, Vadim Dinisenko, Rusia minduea tra s’alăxească hamunisia tu ună turlie di portavion echipat cu sisteme di apărare, cari ălli ufilisea ti controlu aestă parti ali Amarea Lae. Uidisitu cu premierlu britanic Boris Johnson, ritrădzearea ali Rusie di pi Hamunisia a Priciloru dimonstreadză că păn tru soni va si s’veadă că easti imposibil ca Putin s’țnă ună văsilie cari nu va tra s’hibă sumu cumandu”.
DALGA DI CĂLDURĂ Agenţia Naţională di Meteorologie apufusi ună alertă cod aroşu tră căldură extremă tră gioi şi viniri tru 6 giudiţe ditu vestul şi nord-vestul a văsiliillei. Uidisitu cu experțăll meteo, tru aesti giudiţi va s’aibă maximi di 38-39 di gradi Celsius, un record absolut tră aeatu kiro a anlui. Alantă parti a văsiliillei easti tru mare parte sum alerte cod portocaliu, tră tempearaturi di până la 36-38 di gradi Celsius, și alerte cod galbinu, tră maxime di 33 până la 36 di gradi Celsius. Di altă parte, 18 giudițe ditu estul și ţentrul a văsiliillei suntu adză sumu alertă cod galben tră instabilitate atmosferică.
Autoru: Udălu a hăbărloru
Armânipsearea: Taşcu Lala
