Prima pagină » Actualitate » Hăbărli » Hăbări ditu bana românească şi internaţională

Hăbări ditu bana românească şi internaţională

POLIMU TRU UCRAINA – Prezidentul a Româniillei, Klaus Iohannis, agiumsi adză tahina Kiev cu trenlu, dimăndă Prezidinţillia ali Românie. Tut adză, prezidentul ali Franță, Emmanuel Macron, cancelarul ali Ghirmanie, Olaf Scholz și premierlu ali Italie, Mario Draghi, agiumsiră deadunu cu un tren speţial tru capitala ali Ucraină. Oficialii europeni sunt aoa tra și spună solidaritatea Europăllei cu populu ucrainean. Kievlu cutugursi Franța, Germania și, ma pţănu, Italia tra aşi spusili amănări mutrinda darea di armati ali Ucraină și tra aţea că ș-băgară tru prota thesi prucukia a lor işiş andicra di libirtatea și securitatea ali Ucraină. Di altă parte, prezidintul Ucrainei, Volodymyr Zelensky, haristusi a prezidintului american Joe Bidin tra agiutorul militar di 1 miliard di dolari pi cari lidirul di la Casa Albă dimăndă ma ninti ca va-lu ali Ucraina. Ma multu, prezidintul ucrainean apruke călisearea tra s’llia parti la summiturile G7 și NATO di la bitisita a meslui cirişaru tru sudlu ali Germanie și, respectiv, Madrid, acă nu spusi disi va s’llia parti personal la andamasi ică va să zburască dituintea a participanțălor pritu vidioconferință.

Newsroom, 16.06.2022, 17:51

Apărarea – Ministrul a Român ali Apărari, Vasile Dtrucu, lo parti la andamasea a Grupului di Contact tra Apărare ditu Ucraina la nivelu miniștrilor apărarillei ditu NATO. Trutâlnirea a analizat progresul raportat tru coordonarea acțiunilor militare a aproximativ 50 di state participante și asistența militară și umanitară acordată Ucrainăllei. Ministrul Vasile Dtrucu cundille ananghea ca comunitatea internațională să-și ducă ninti gaeretli ti andruparea ali Ucraină, dimăndă Ministerul Apărarillei. Ministrul Dtrucu năpoi adusi aminti implicarea streasă a Bucureștiului ti agiutarea a popului ucrainean, inclusiv a aţilor cama di 1,2 miliuñi di arifugaţ cari intrară tru România di la ahurhita a conflictului, cum și gaereţli a Româniillei tra s’licşureadză exportul di yiptu ditu Ucraina tra s’nu s’agiungă la ună criză alimentară globală.

CFR – Compania Feroviară Română (CFR) va s’ascumbusească ună parei di lucrători la Galați tra s’ahurhească alăxearea a călliurloru di heru aţea turlie tra s’da izini a transporturlor di părmătii ditu Ucraina și Moldova s-intră tru România. Tut cu tut, 5 kilometri di cale ferată va s’hibă reabilitate tru 60 di dzăli tra s’asiguripsească purtarea a yiptului ditu Ucraina, mintită di aputrusearea ali Rusiei. Compania ari măcăradzlli și vehiculele anănghisiti cari da izini ti transferul a mașinilor di pe ecartamentul largu ufilisitu tru Rusia și țările ex-sovietice la ecartamentul standard ufilisitu tru UE. Tra simplificarea procedurăllei, Ministerul Transporturilor ditu România apufusi s’bagă tru lucru ună șină cu ecartament diplo cari fu dizafectată aoa şi 30 di ani tra s’da izini a trenurilor di părmătie ditu Moldova s’discarcă vagoane direct tru ambarcațiunile di părmătie andocate tru porturile fluviale Dunărea.

GUVERNUL – Guvernul va tra s’nglleaţă tuti băgărli tru lucru a oamiñiloru tru sectorul public ahurhinda cu 1 iulie. Guvernul va s’adoptă adză un dicret di ananghi pritu cari suntu curmati tuti concursurile di ocupare a posturilor vacante tru instituțiile publiţi, ţentrale și locale. Tut adză, Cabinetul va să zburască ti un dicret di ananghi cu scupolu tra s’combată amintaticlu pritu interzicerea introduţearillei a niscăntoru păhadz niantimilleaţ di mări, cum și plafonarea producțiillei și a vindirloru ti criştearea a păhadzloru. Ma multu, Guvernul va interzicerea tezaurizarilleii părmătiili cu naetea tra s’aibă amintaticu unăoară cu yinitoarili crişteri di păhadz.

Autoru: Udălu a hăbărloru

Armânipsearea: Taşcu Lala