Hăbări ditu bana românească şi internaţională

Curtea Constititionala. Marian Enache fu aleptu sâmbătă tu harea di prezidintu a Curtillei Constituționale a României tră un mandat di trei ani. Votlu fu mistico și s’ţănu dupu ţi trei noi giudicători diadiră giuratlu dinintea a prezidintului Klaus Iohannis. Enache fu număsit tră prima oară giudicător a Curtillei Constituționale di Senat tru 2016, după ţi ma ninti fu număsitu diputat tru Parlamentul Partidului Social Dimocrat și ambasador tru Republica Moldova anamisa di 1993 și 1996. Tru cadrul ţeremoniillei di dari giuratlu, prezidintulu Klaus Iohannis l ură a aţiloru trei noi giudicători, cari va s’lucreadză kiro di 9 ani, tra s’asiguripsească că Constituția easti tiñîsită și va s’cilăstăsească ca un factor di echilibru tru societatea românească.

Newsroom, 11.06.2022, 20:59

Curtea Constititionala. Marian Enache fu aleptu sâmbătă tu harea di prezidintu a Curtillei Constituționale a României tră un mandat di trei ani. Votlu fu mistico și s’ţănu dupu ţi trei noi giudicători diadiră giuratlu dinintea a prezidintului Klaus Iohannis. Enache fu număsit tră prima oară giudicător a Curtillei Constituționale di Senat tru 2016, după ţi ma ninti fu număsitu diputat tru Parlamentul Partidului Social Dimocrat și ambasador tru Republica Moldova anamisa di 1993 și 1996. Tru cadrul ţeremoniillei di dari giuratlu, prezidintulu Klaus Iohannis l ură a aţiloru trei noi giudicători, cari va s’lucreadză kiro di 9 ani, tra s’asiguripsească că Constituția easti tiñîsită și va s’cilăstăsească ca un factor di echilibru tru societatea românească.

Extrădare. Fostul ministru român a Turismului, Elena Udrea, va s’hibă extrădată ditu Bulgaria dupu ună apofasi a unei instanțe di la Sofia pritu cari nu există niţi ună dovadă că ndrepturile și libertățile sa llei umane vahi suntu călcate la turnata a llei tru România, ași cum spunea ea. Apofasea a instanței bulgare a spusi, tutunăoară, că nu ari niţi un semnu di ntribare ti turlia tru cari procurorllii români investigară cazlu a llei, ti cari Udrea spusi că easti motivat politic. Ea fudzi ditu văsilie tru 7 apriliu, ninte ca Curtea Supremă s’hibă pi cale s’emită ună sentință difinitivă pritu cari u condamna la 6 ani di hăpsani ti loari aruşfeti și abuz tru serviciu. Ea easti giudicată şi tru alte dauă cazuri.

Ucraina. Comisia Europeană va ş’bitisească evaluarea mutrinda căftarea ali Ucraină tra s’llia statutul di văsilie candidată la UE până săptămâna yinitoare, declară prezidintulu a Comisiei Europene, Ursula von dir Leyen. Ea feaţi aestă diclarație tru ună voltă faptă Kiev tra s’andămusească cu prezidintulu Volodymyr Zelensky, cari spusi că ună apandisi pozitiv va s’hibă un moment istoric tră Europa. Pe teren, situația agiumsi dramatică tru portul Mariupol di la Marea Azov, iu pisti 20.000 di bănători fură vătămaţ, iara ixikea a condițiilor di igienă și hrană criscu riscul di epidimii, maxus dizenterie și holeră. Primarlu a căsăbălui căftă a Națiunilor Unite și ali Cruţi Aroși ss’dişcllidă ună cali uminitară tră evacuarea civililor. Alumtili s’duc ma largu tru est, oficialii ucraineni căftătânda ma multu agiutor ditu partea Occidintului, inclusiv livrări ma iruşi ti arme tră s’dănăsească niintarea a forțelor ruse cama ghini echipate.

Vizita. Prezidentulu francez Emmanuel Macron s’duţi marță București tră şi spună solidaritatea a Franțăllei andicra di aliațllii a llei europeni nai cama expuși dinintea a polimlui ditu Ucraina, diclară biroul a prezidintului francez. El ari naeti s’veadă trupele franceze staționate la Cincu, tru ţentru. Gruplu di alumtă NATO Forward Presence fu adratu tru mai tru România. Gruplu easti cumădusitu di Franța, cari ari și ună componentă di apărare aeriană tru România. Aeasta easti treia vizită tru România a prezidintului francez și prima di la amintarea a doilui mandat, pe 24 apriliu. Miercuri va s’ducă tru Republica Moldova viţină tră s’lu spună diznău agiutorlu ti aestă văsilie zñiipsită di polimlu ditu Ucraina. Macron cilăstisi ti un dialog cu Vladimir Putin di la invadarea a Ucrainăllei di cătră Rusia tru şcurtu, ama poziția a llei fu cutugursită ma multi ori arada di niscănţă parteneri europeni, cari ved că angajamentul a lui cu Putin submineadză gaereţli tra s’lu aducă prezidintulu rus la measa a păzărăpserloru.

Autoru: Udălu a hăbărloru

Armânipsearea: Taşcu Lala