Hăbări ditu bana românească şi internaţională

1 CIRISARU — Ti Dzua Internațională a Cilimeanlui, yiurtusită pi 1 di cirişaru, tru tută România fură ndreapti activităț speciale, neise concerte și flash mob-uri, zaeafeţ di kiniyi di yişteri, activități sportive și creative și spectacole di teatru. La București, Palatul a Parlamentului ș’dişcllisi porțăle, iara cilimeañilli și atelli ţi eara cu elli putură s’veadă săllurli di plen a Senatlui și a Camerăllei a Diputațlor, di putură s’llia parti și la activităț tru aer liber tru gărdiñli a nai ma marillei casă administrative ditu lume după Pentagon. . Supereroi și prințese, un simulator di azboiur, un spectacol di măyie ică ună fanfară militară featiră dzua cilimeañiloru. Tut București, cama di 500 di cilimeañi yiurtusiră Dzua Internațională a Cilimeanlui participânda la ma multi evenimente organizate di Ministerul Sportului pe Stadionul Arcul di Triumf. Număsită Dzua Sportului Cilimeanlui”, evenimentul multisport fu organizat sum turlie di ateliere dimonstrative, cu antrenamente țănute di sportivi atestați, sumu căndăsearea a antrenorilor di specialitate. Cilimeañilli putură s’nveaţă elementele di bază a ma multor evenimente sportive cum baschet, tir cu arcul, rugby, fotbal, tenis, scrimă, fotbal-tenis, tenis di masă, alumte, arte marțiale, judo, kempo, box, tir cu arcul istoric și teqball. Oradia (vest), Filarmonica di Stat părăstisi un concert special cu muzică di diseamni animate, iara la Constanţa (sud-est) fură organizate spectacole di cucli, evenimente di măyie şi pictură pi prosupu.

Newsroom, 02.06.2022, 12:00

1 CIRISARU — Ti Dzua Internațională a Cilimeanlui, yiurtusită pi 1 di cirişaru, tru tută România fură ndreapti activităț speciale, neise concerte și flash mob-uri, zaeafeţ di kiniyi di yişteri, activități sportive și creative și spectacole di teatru. La București, Palatul a Parlamentului ș’dişcllisi porțăle, iara cilimeañilli și atelli ţi eara cu elli putură s’veadă săllurli di plen a Senatlui și a Camerăllei a Diputațlor, di putură s’llia parti și la activităț tru aer liber tru gărdiñli a nai ma marillei casă administrative ditu lume după Pentagon. . Supereroi și prințese, un simulator di azboiur, un spectacol di măyie ică ună fanfară militară featiră dzua cilimeañiloru. Tut București, cama di 500 di cilimeañi yiurtusiră Dzua Internațională a Cilimeanlui participânda la ma multi evenimente organizate di Ministerul Sportului pe Stadionul Arcul di Triumf. Număsită Dzua Sportului Cilimeanlui”, evenimentul multisport fu organizat sum turlie di ateliere dimonstrative, cu antrenamente țănute di sportivi atestați, sumu căndăsearea a antrenorilor di specialitate. Cilimeañilli putură s’nveaţă elementele di bază a ma multor evenimente sportive cum baschet, tir cu arcul, rugby, fotbal, tenis, scrimă, fotbal-tenis, tenis di masă, alumte, arte marțiale, judo, kempo, box, tir cu arcul istoric și teqball. Oradia (vest), Filarmonica di Stat părăstisi un concert special cu muzică di diseamni animate, iara la Constanţa (sud-est) fură organizate spectacole di cucli, evenimente di măyie şi pictură pi prosupu.

Vouchere — Voucherele electroniţi durusiti pritu programul guvernamental Ndrupari tră România” ahurhiră s’hibă emise și va s’agiungă curundu la beneficiarlli aluştoru, diadi hăbari ministrul a Lucurlui Marius Budăi. Voucherele au ună valoare nominală di 250 di lei (circa 50 di euro), cilimeanlui distinate persoanelor aflate tru catandisi di privare materială ică piriclliu di ftuhie și fac parte ditu nai ma importantă inițiativă di aestă turlie disvărtită, pănă tora, ditu perspectiva numirlui di beneficiari. Uidisitu cu izvurlu adus aminti ma ndzeană, pisti 2,5 milioane di români va s’llia bonuri tră ancupărarea di produse alimentare: pensionari ditu sistemul public di pensii, persoane cu handicap multu mari, mari i modiarat, familii cu nai ma puțăn 2 cilimeañi mutriţ di părinţă ică familii monoparentale. Ună premieră tră aestu program di asistență socială easti gama variată di izvuri di finanțare, emu di la bugetul di stat, emu și ditu fonduri europene nirambursabile.

Embargo — Statele Unite salutară embargoul tră importurli di naftă ditu Rusia, ahurhitu tu ahurhita aliştei stămâni di Uniunea Europeană, cu scupolu s’curmă finanțarea polimlui ali Rusiei contra ali Ucrainei, dimăndă France Presse. Purtătorul di zboru a Dipartamentului di Stat al SUA, Ned Price, salută, tutunăoară, gaeretli europene ţi au scăpolu s’diversifică aprovizionarea cu energie și s’dizvoltă izvuri regenearabile ta s’ñicureadză dipendința pi lungu kiro di Moscova și sumlinie că Washingtonul dimăndă di cabaia kiro curmarea a tutulor importurilor di naftă rusești. Di altă parte, Rusia feaţi timbihi că sancțiunile europene ti importurli di naftă rusești va u zñiipsească păzarea mondială di energie și sumlinie că Moscova va s’redirecționeadză exporturile tra s’ñicureadză zñiili, dimăndă Reuters. Tru cadrul ali andamasi di luni, lidirii europeni agiumsiră la un acord tru baza a curi importurile di naftă rusești va s’hibă ñicurati cu aproximativ 90% până la bitisita a anului și s’akicăsiră tutunăoară tră ma multi alti sancțiuni, inclusiv eliminarea a nai marillei bancă ditu Rusia, Sberbank, ditu sistemul SWIFT. . Ma multu di un cirecu ditu nafta ufilisită di Europa vini ditu Rusia anlu tricut, aproapea giumitatti ditu exporturile di naftă și produse a naftăllei ali Rusie agungânda tru UE, uidisitu cu datili furnizate di Agenția Internațională tră Energie. Moscova ari ahurhită redirecționarea ti livrările distinate inițial a Europăllei, dupu sancțiuñili, diclarară oficialii di la Kremlin neise India și China anamisa di văsiliili cari ancupărară babageanu naftă arusească, ama cu un păhă ma ñicu.

Autoru: Udălu a hăbărloru

Armânipsearea: Taşcu Lala