Hăbări ditu bana românească şi internaţională

SECURITATEA ALIMENTARĂ – Ministrul român di externe, Bogdan Aurescu, lo parti, ñiercuri, la New York, la andamasea ministerială Global Food Security Call to Action, iu spus că, tru contextul a conflictului ditu Ucraina, s’valorifică potențialu laiu românesc. Portul maritim Constanta easti ună chestiune di importanta strategica. Constanţa agiumsi nai ma important port tru ţi mutreaşti exporturile di yiptu, spusi Aurescu. El căftă, tutunăoară, gaereti internațională criscută tra s’adară ună cali tra transportul a produselor și a yiptului ditu Ucraina, nica şi pi amare. Aurescu llia parti adză la ună altă andamasi mutrinda securitatea alimentară globală, iniţiată di SUA, cari u ari meslu aestu prezidinţillea a Consiliului di Securitate al ONU.

Newsroom, 19.05.2022, 18:54

ANDAMASE – România și Portugalia, emu membre UE, emu NATO, axiziră că pot s’bagă besă unu alantu și că diadunu pot s’crească legături di cooperare multu bune, spusi gioi premierul român Nicolae Ciucă, după discuții la București cu omologlu a lui portughez Antonio Costa, cari easti vinitu vizită di lucru tru România. Tu arada a lui, oficialu portughez spusi că văsilia a lui andrupaşti adirarea României la spațiul Schengen și că ari umuti că aestă apartenență va s’licşureadză urdinarea a românilor rezidinți tru văsilia a lui și alăxerli anamisa di ateali două persoane. El nica spusi că acordul româno-portughez di cooperare militară simnat București va u anvărtuşeadză cooperarea militară bilaterală tru domenii cum planificarea și managementul apărarillei, participarea la exerciții militare bilaterale și multinaționale, apărarea cibernetică și contracararea a polimlui hibrid. Premierul Costa fu aştiptatu și di prezidintulu ali Românie, Klaus Iohannis.

HLAMBURA NIRLA – Șasi plaje ditu stațiunile românești di la Amarea Lae Năvodari, Mamaia, Eforie și Olimp amintară anul aestu nişanea Hlambura Nirlă di la Fundația tra Educație tra Mediu (FEE). Hlamburli ñirli suntu durusiti pi thimellilu a niscantoru criterii stricte, cum calitatea apei, serviciile di prim agiutor, facilitățile tra persoanele cu dizabilități și practiţle ecologice. Programul Blue Flag tra plaje și porturi, dirulat di Fundația tra Educație tra Mediu, o organizație internațională, neguvernamentală, non-profit, promoveadză dizvoltarea durabilă tru zonele di apă dulţi și marine. Ea ascumbuseaşti autoritățile locale și operatorllii di plajă s’agiungă pi standardi analte tru ţi mutreaşti calitatea apăllei, managementul a mediului, educația tra mediu și siguranța.

Autoru: Udălu a hăbărloru

Armânipsearea: Taşcu Lala