Hăbări ditu bana românească şi internaţională
UCRAINA. Prezidintulu ali Ucraină, Volodymyr Zelensky, căftă luni a trupelor ruse cari invadară Ucraina s’dănăsească focul, tru un mesaj vidio difuzat nintea discuțiilor ruso-ucrainene ditu Belarus. Domnul Zelensky lă zbură a trupilor ali Moscovă tru limba rusă, căd4sinda-li s’fugă ditu Ucraina, s’nu mata pistipsească tru propagandă și s’lă ascapă bana. Tut luni, dl Zelensky căftă ali UE s’aproaki di urgență Ucraina tru bloc, pritu ună procedură specială, transmite Reuters. “Scoplu a nostru easti s’himu diadunu cu tuț europenii și, s’himu isa cu elli. Escu sigura că nă si cadi”, spusi prezidintulu ucrainean tru ună diclarație vidio postată pe rețelele di socializare. Discuțiile ruso-ucrainene di dănăseari a focului ahurhiră luni tru Belarus, uidisitu cu născănti izvuri oficiale ditu aţeali dauă văsilii, aleapti di presa internațională. Domnul Zelensky spusi că easti etimu s’llia parte la negocieri, aţea turlie că vărnu s’nu lu stiipsească că nu cil4stăsi s’dănăsească polimlu cât nica ari șanse s’facă aestu lucru. Reuters nica cundilleadză că izolarea politică și economică a Rusiei s-ahăndusi luni. Forțele ruse s-ampulisiră cu ună rezistență vărtoasă tru capitala Ucrainei Kiev și tru altă căsăbadz, tru nai ma fuviroslu atac contra a unui stat european di după Doilu Polimu Mondial.
Newsroom, 28.02.2022, 15:22
AREFUGIAȚLLII Prezidintulu a Ucrainăllei, Volodymyr Zelensky, haristusi ali Românie tră agiutorlu dat ali Ucrainei și tră contribuția semnificativă a aiştei la capacitățile di apărare a văsiliillei a llei. Tru un mesaj postat pe rețelele di socializare, aestu ălli haristusi a prezidintului ali României Klaus Iohannis tră andruparea ti adirarea ali Ucrainei la UE. Parlamentul României ari naeti s’vulusească luni ună diclarație di condamnare a agresiunillei faptă di Fediarația Ruse cantra ali Ucraină. Tru aestu kiro, comisarul european tră Afaceri Interne Ylva Johansson aharistusi a autorităților și cetățenilor români tră agiutorlu dat a arifugaților ucraineni cari yin tru România. Ma u spunemu solidaritatea, yilipsimu că băgămu besă pi alte valori andicra di Putin și că bănăm după aesti valori, spusi ea tu bitisita a unei vizite la tabăra di arifugaț Siret di la sinurlu di nord a Româniillei cu Ucraina. Ea va s’hibă astiptată și di prezidintulu Klaus Iohannis și premierul Nicolae Ciucă la București, iu va s’aiba și ună ntriveadire cu ministrul di interne Lucian Bodi. Dzăţ di ñilli di cetățeni ucraineni tricură tru România viţină. Numirul aluştor easti tru creaștere nică di dumănică după-prăndzu, când autoritățile ucrainene simplificară controalele la sinuru. Tru aestu kiro, românii s-ascumbusiră tră s’agiuta oamenii ditu Ucraina ţi au zori ta ş’alsa casili. Adunări di fonduri sunt organizate tru tută vasilia, voluntarii asigurânda-se că agiutorul agiundzi tru zonele di sinuru. Ministerul Apărării Naționale și andreapsi tuti ateali 11 spitale militare a lui tră s’aşteaptă trupe pliguiti ditu Ucraina.
SPRIJIN Autoritățile române dimandara adză că va s’ambudyiusească izvurili idintificate ca apandisi la hăbări false tru contextul crizăllei ditu Ucraina. Fu faptă publică ună listă di site-uri web cari fură i va s’hibă ncllisi, inclusiv Sputnik News. Guvernul a Româniillei apufusi ieri s’pitreacă ali Ucraina agiutoare suplimentare, constânda tru combustibil, vesti antigăgoşu, căști di protecție, muniție, echipamentu militar, precum și alimente, apă și medicamente, tru valoare totală di 3 milioane di euro. Un prim lot di medicamente și echipamente medicale pitricuti di România agiumsiră tru Ucraina.
Autoru: Udălu a hăbărloru
Armânipsearea: Taşcu Lala
