Hăbări ditu bana românească şi internaţională
COVID-19 .România raportă luni 494 di noi infecții cu Covid-19, un numiru ma ñicu andicra didzuua di ma ninti. Eara adrati 17 di ñilli di testi, atea ţi nsimneadză ună rată di infectare di 2,91. Fură raportate 45 di decese, iara numirlu total di paciență yitripsiţ tru spitale scădzu la aproapea 4 ñilli. Ditu aeșţa, 700 sunt tru UTI. Majoritatea a cazurilor fură raportati tru capitala București și tru Cluj, vestul ali Românie. 7,6 miliuñi di oamiñi fură vaccinați complet tru România până tora. Persoanele cari yin tru România dit nafoara a Uniunillei Europene ică dit alti state dit nivelu aroșu și cari sunt nivaccinate va s’lipsească s’armână tru carantină kiro di 10 dzăli acă au testul PCR negativ.
Newsroom, 13.12.2021, 17:55
COVID-19 .România raportă luni 494 di noi infecții cu Covid-19, un numiru ma ñicu andicra didzuua di ma ninti. Eara adrati 17 di ñilli di testi, atea ţi nsimneadză ună rată di infectare di 2,91. Fură raportate 45 di decese, iara numirlu total di paciență yitripsiţ tru spitale scădzu la aproapea 4 ñilli. Ditu aeșţa, 700 sunt tru UTI. Majoritatea a cazurilor fură raportati tru capitala București și tru Cluj, vestul ali Românie. 7,6 miliuñi di oamiñi fură vaccinați complet tru România până tora. Persoanele cari yin tru România dit nafoara a Uniunillei Europene ică dit alti state dit nivelu aroșu și cari sunt nivaccinate va s’lipsească s’armână tru carantină kiro di 10 dzăli acă au testul PCR negativ.
OMICRON. Marea Britanie raportă protlu deces a unlui pacient cari eara lăndzidu cu varianta Omicron. Autoritățli dit Londra raportară până tora cama di 3 ñilli di infecții cu naua variantă și prognozeadză că numirlu total di infecții va agiungă la ună miliuni. Varianta Omicron adusi găilpseari la nivel mondial și fu aflată pănă tora tru 63 di văsilii. Tru ună altă catandisi, OMS spusi isapea că numirlu alithea ti Covid-19 poati s’hibă di trei ori ma mari andicra di aţelu dimăndatu. Informațiile dimăndati di Școala di Medicină Johns Hopkins spuni că 270 di miliuñi di infecții și 5,3 miliuñi di decese. SUA fură naima zñiipsiti, cu aproapea 50 di miliuñi di cazuri și 800 di ñilli di decese. Varianta Delta easti nai ma araspandita varianta tu SUA, cu 99% infectii.
TRANSNISTRIA. Ministerlu român di externe declară că România nu pricunoaşte legitimitatea a alidzerloru di dumănică tru regiunea separatistă pro-arusă Transnistria dit estul a Ripublicălleii Moldova, majoritară di limbă română. Tru ună declarație, aestu năpoi adusi aminti, tutunăoară, ti andrupămintulu, mutrinda ună crearei cuprindzătoare, iriñeatică și durabilă a conflictului tru simfunie cu ndreptul internațional, tiñisearea-a suveranitatillei și integritatillei teritorială a Ripublicăllei Moldova tru cadrul a sinurloru a llei pricunuscute internațional și fără să-lli zñiipsească calea europeană. Tutunăoară, autoritățli moldovenești spusiră ca hhindalui paranomu alidzerli dit Transnistria. Transnistria s-aampărţă di facto di Moldova tru 1992, dupu unu conflict armat tru cari fură vătămaţ suti di oameni și cari s-bitisi maş cu intervenția a askeriloru aruse di partea a separatiștilor.
ANNUTARI. România va s’aducă ţinţi anutători la competiția di 25 m di la Abu Dhabi, Emiratili Arabe Unite, cari va s’ţănă tru dzălile di 16 și 21 di andreu. Anamisa di aeşţă s’arădăpsescu Robert Glință și David Popovici. Tu echipa-a Româniillei nca suntu George-Alexandru, Stoica-Constantin, Alexandra Dobrin și Bianca Costea. Aduţemu aminti că performanța a echipăllei ali Românie tru competiția di 25 m di Kazan, Rusia, ditu brumaru, lă adusi trei medalii. Malăma amintată di David Popovici la 200 m liber, iara ună asimi și un brundzu aamitati di Robert Glință la probile di 100 m și 50 m. Popovici aminta tru atea oară prima medalie di malămă tră România dit istoria a probilor di 25 m, după 4 medalii di asimi și 8 di brundzu.
Autoru: Udălu a hăbărlor
Armânipsearea: Taşcu Lala
