Hăbări ditu bana românească şi internaţională

Newsroom, 05.12.2021, 10:05

Covid-19RO. Dumănică, autoritățli di București apufusiră năi misuri după ţi tru România fură confirmati protili dauă cazuri di infecție cu SARS-CoV2 Omicron – la persoane repatriati tru 30 di brumaru ditu Africa di Sud. Ministrul a Sănătatillei, Alexandru Rafila, declară că românilli şi cetăţenilli UE cari yin di nafoara a UE lipseaşti s’prezintă un testu PCR faptu nai ma amanatu cu 48 di săhăţ ninti di călătorie. Aţelli nivaccinati va s’hobă băgaţ tru carantină kiro di 10 dzăli. Aţelli cari yin ditu statili a UE va s’lipsească s’prezintă certificatul veardi ică rezultatlu negativ a unui test PCR adratu cu 72 di săhăţ ninti di călătorie. Persoanele nivaccinate ică aţeali cari nu avură lăngoarea tru șasilli meşi ditu soni cari yin ditu statili di pi lista aroșe va s’hibă băgati tru carantină kiro di 10 dzăli. Trucepând cu 20 di andreu, România bagă şi obligația a călătorilor ta s’ngrăpsească formularlu di localizare a pasagerlui, pi thimellilu a curi s’veadi istoriclu a călătoriillei. Documentul easti căftatu di ma multi stati europene. Pandemia di coronavirus easti ma largu pi scădeari tru România. Cu 35% ma puțăne cazuri noi și decese asociate fura raportate tru aestă săptămână tru comparație cu atea anterioară. Numirlu a pacienţilor internaţi şi di tearapie intensivă fu, tutunăoară, ñicuratu cu un cirecu. 916 cazuri năi di COVID-19 și 78 di decese, ditu cari 5 dit ună perioadă anterioară di raportare, fură dimăndati dumănică. Incidenta scadzu si ea, a tora easti sub 5 la ună ñille di bănători iuţido tru văsilie.

Pandemicu. Multi văsilii ditu tută lumea ndreu misuri tra s’apridună arăspândirea a nauăllei variante di coronavirus cari pari s’hibă cama transmisibilă andicra di Delta. Aflati ti prota oară tru Africa di Sud, infecțiile cu Omicron fură raportate pănă tora tru aproapea 40 di văsilii. Di marț, pasagerlii cari agiungu tru Marea Britanie va s’lipsească s’facă un testu COVID cu nai puțăn 48 di săhăţ ninti di ankiseari. Italia nu va s’da izini intrarea a persoanilor nivaccinate tru majoritatea a locurlor publiţi ahurhinda di luni. Franța, iu fură aflati 12 cazuri di Omicron, alăxi condițiile sanitare di intrare tru văsilie. Uidisitu cu pitricutlu ali RRA la Paris, tuț atelli cari yin di nafoara ali UE, inclusiv aţelli vaccinați, va s’hibă obligaț s’prezintă un test negativ efectuat cu nai puțăn 48 di săhăţ ninte. Tutunăoară, a cetățenilor europeni nivaccinați lă si caftă s’prezintă un rezultat negativ tru nai multu 24 di săhăţ di la efectuarea a testului. Tru ună altă minnari, cama di 40.000 di persoane, uidisitu cu isăkili ali poliție, loară parti sâmbătă la un marș contra blocajului și a vaccinarillei obligatorii contra COVID-19 la Viena, relatează Reuters. Dupu proliferarea iruşi a infecțiilor cu coronavirus, Austria agiumsi prima văsilie ditu Europa di Vest cari băgă diznău blocarea meslu ţi tricu și, tutunăoară, apufusi s’facă vaccinarea contra COVID-19 obligatorie ahurhinda cu meslu şcurtu.

NATO. Fregata română Regina Maria” va s’toarnă luni tru portul militar Constanța, ditu ună misiune tru Marea Meditearană, iu lo parti, tru perioada 27 sumedru — 30 di brumaru, la misiuni di monitorizare a traficului NATO, tru cadrul a unui Standinug NATO Maritime. Grup. Tu kirolu a aţiloru șase săptămâni di misiune, nava militară românească lo parti și la exercițiile multinaționale Dogu Akdinuiz 21”, organizati di Forțele Navale Turţeşti, și NIRIIS 21”, organizate di Forțele Navale Gărţeşti, deadunu cu aţeali cama di 50 di nave, 8 submarine și dzăţ di avioane militare aliate și partenere.

Papă. Papa Francisc căftă duminică lumillei s’curmă actuala aspărdzeari a civilizațiillei tru unu zboru ţi ălu ţănu la ună tăburi di migranți di pi hamunisia greacă Lesbos, relateadză FP. Mediterana easti pi cali s’agiungă un murmintu lăhtărosu, fără ploaci funearare, spusi suvearanul pontif, la a doua a lui vizită la Lesbos ditu 2016. El sumlinie că s-alăxi multu puțănu tru atea ţi mutreaşti problema migrației”. Sâmbătă, tru un discurs dinintea a autoritățlor locale, Suvearanlu Pontif cundille Atena tra ună politică comună di migrație tru ună Europă ampărţătă di naționalism”. Easti prima vizită a unui suvearan pontif tru capitala ali Gărţie, ună văsilie predominantu ortodoxă, tru dauli dekenii ditu soni. Papa Francisc eara dusu Lesbos, tru 2016, anma nu și la Atena. El nkisi aşi pi toarăli al Ioan Paul al II-lea, cari vizită capitala ali Greciei tru mai 2001. Deapoa ș’ căftă llirtari tra amărtiili a catoliţloru contra ortodocșilor, anda adusi aminti mpărdarea a Constantinopolului tru 1204. Ma ninti, Papa Francisc vizită Cipru, Statul UE cu cel mai mare numir di căft4ri di azil, uidisitu cu BBC.

Autoru: Udălu a hăbărlor

Armânipsearea: Taşcu Lala