Hăbări ditu bana românească şi internaţională
Aproape 1.700 di cazuri năi di infecție cu corona fură raportati viniri tru România. Tutunăoară, fură nregistrate cama di 200 di decese. București, rata di incidituță scădzu la 1,58 cazuri la 1.000 di bănători. Cama di 7,4 milioane di oameni suntu acutotalui vaccinați. Doi ditu aţelli trei români aduși năpoi ditu Africa di Sud și a curi lă si confirmă că au infecții cu corona potu s’hibă infectaț cu varianta Omicron a viruslui. Aest lucru easti evidentu ditu primele testi di laborator. Aţelli trei suntu vaccinați, asimptomatici și izolat.
Newsroom, 04.12.2021, 07:35
România lo prota tranșă di prefinanțare di 1,8 miliardi di euro tru arada a Planlui Național di Dizvoltare și Reziliență. Aestu lucru va s’da izini ta s’ahurhească protili investiții și reforme convenite. Ca parte a implementarillei a planlui, România va s’llia un total di 29,2 miliardi EUR, ditu cari 14,2 miliardi EUR suntu nirambursabile. 14,9 miliardi EUR va s’da sumu turlie di împărmuturi cu tocu ñicuratu garantati di Comisia Europeană. Aestea suntu fonduri cari lipseaşti s’hibă investite până tru 2026, aestea nihhinda elibearate până cându România nu agiundzi cadealihea pi reperili apufusiti tru planlu a llei.
Aţea di-a 28-a reuniune a Consiliului Ministerial al Organizației tră Securitate și Coopearare tru Europa (OSCE) va s’ducă ma largu viniri, Stockholm. România easti reprezentată di ministrul di externe Bogdan Aurescu. Tru un zboru ţănutu tru ahurhita ali andamasi, ministrul rus di externe Serghei Lavrov năpoi adusi aminti ti stepsurli ţi li bagă Rusia contra a unui aşi spusu rol ofensiv a scutlui di apărari antirachetă NATO di Deveselu, sudlu ali României. Bogdan Aurescu a contradzăsi diznău spusa ali Moscovă, afirmânda că scutlu di protecție, inclusiv sistemlu di apărare antirachetă NATO ditu cari faţi parte, are un caracter maş defensiv și fu ufilisitu maş tră autoapărare. Oficialu român nica spus că aeastea nu eara ndriptati contra ali Fedirație Rusă, dimecu maş contra a născăntoru ținti di nsfoara a zonăllei Euro-Atlantiţi. Andamusea s’dizvărteaşti tu hăvaia a catandisillei apreasă ţi adusi criza-a migranțălor di la sinurlu belarus cu Polonia, Lituania și Letonia, conflictul ditu apirita ali Ucraină și conflictul ditu Nagorno-Karabah. Stockholm, Bogdan Aurescu lo aprti la evenimentul mutrinda activarea a Mecanismului di Moscova mutrinda catandisea ti ndreturli a omlui tru Belarus, cari s-disvărti sumu grita Responsabilitatea făptuitorilor și justiția tră victime”. Evenimentul, organizat di Danemarca, Germania și Regatul Unit, fu cofinanțat di România. Aurescu și spusi găilipsearea tu ligătură cu aspărdzearea a ndrepturlor a omlui, condamnă diznău exploatarea a migranților și căftă silighearea a hăpsinatiţloru politiţ.
Curtea di Casație ali României aprobă rigiudicarea a fostului prezidentu Ion Iliescu tru contextul a moartillei patru persoane tru kirolu a incursiunillei minerilor tru capitala a statlui ditu 13-15 cirişaru 1990. Acst caz faţi parti ditu un dosar tru cari fu inculpat nică ditu 2007.
București, fostul ministru social-democrat a Tineretului, Sportului și Sănătatillei, Nicolae Bănicioiu, fu băgatu sumu acuzare di procurorii Agenției Naționale Anticorupție. El easti stipsitu că lo aruşfeti și ufilisi influență. Uidisitu cu Agenţia Anticorupţie (DNA), Banicioiu vahi ari loată 1,3 milioane di lei (260.000 di euro), respectiv 1,8 milioane di lei (360.000 di euro), tru perioada tru cari avu ateali dauă ipotisi. Păradzlli corespund cu dividendili aferente anilor 2013 și 2014, cari fură distribuite di dauă companii cari furnizară spitale și instituti publiţi. Alliumtrea, să spuni că el ufilisi influență tru favoarea aluştui lucru.
Autoru: Udălu a hăbărlor
Armânipsearea: Taşcu Lala
