Hăbări ditu bana romească și internațională
Newsroom, 07.11.2021, 17:34
Bucuresti – 5.293 de cazuri năi de COVID dimăndară, adză, autorităţli di Bucuresti. Tutunăoară easti dimăndată isapea ti nica 263 di mortă tru 24 di săhăț ditu soni asociaț cu infecţia di coronavirus. Tru aestu kiro, tru capitală, incidenţa a lăndzidzărloru, ma largu, easti tru scădeari. Dumănica, s’agiumsi la 10,13 cazuri la ňillea di bănători, nivel cari numata fu agiumtu ditu dzuua di 5 di sumedru. Yeatărlli cundilleadză că maș imunizarea poate s’dănăsească pandemia, a deapoa autorităţli u ducu ma largu Campania naţională di vaccinare anti-COVID. Bucuresti, ca tru cathi bitisită di stămănă până tru inșita-a anlui, s’tăni ună acţiuni de vaccinare, tru cari optu țentri di imunizare armânu dișcllisi pănă ňiadzănoapea.
Bucuresti — Tru Romania, scoala ahurheaști luni, după dauă stămâni di vacanţă la cari s’agiumsi pi zorea ți u băgă pandimia di COVID. Cursurile va s’ahurhească cu prezenţă fizică maș tru unităţile tru cari rata di vaccinare anti-COVID-19 a personalui năstreați 60%. Uidisitu cu isăkili părăstisiti di ministerlu ali Praxe/ Educaţiei, cama di giumitati ditu elevi şi preşcolari s’toarnă tru bănță: aproapea un miliuni 800 di ňilli di totalu di aproapea 3 miliuňi. Tru arada-a tinirlor, nai ma mareacea mai rată di vaccinare s’nregistreadză la liceeni – spusi ministrul ali Educatiei, Sorin Cîmpeanu. Coordonatorlu ali campanie di vaccinare, Valeriu Gheorghiţă, lugurseaști că turnarea tru bănță a elevilor ahurhinda cu dzuua di luni (11/7/2021 11:29 AM) va s’ducă la criştearea a piriclliului di lăndzidzari, neise, aestă duți și la criștearea a numirlui di cazuri, ama cilimeaňilli au ananghi di cursuri cu prezenţă fizică, a deapoa adulţăllii lipseaști s’facă gaereti ta s-lă da sigurlăki la sculie.
Bucuresti — Luni, Bucuresti, liberalii va s’apufusească tu ligătură cu păzărăpserli cu USR şi PSD tra s’adară năulu guvernu. Prezidentulu a PNL, premierul interimar Florin Cîţu să spuni cu nădie că va s’hibă aflată ună cearei tra s’ndreagă ună majoritati parlamentară vărtoasă. Tu arada a liberalilor, părerli suntu ampărtăti. Născănță lideri nu ndrupăscu ună suțată cu social-democraţllii şi bagă zori ti znuearea a colaborarillei cu USR. Tut luni, social-democraţii va s’apufysească desi intră ică nu la guvernare deadunu cu liberali şi tru ți condiţii. Liderlu social-democrat, Marcel Ciolacu, lugurseaști că ună colaborari cu liberalii eqsti nai cama bună cearei/ cali di ndzridzeari ti kivernisearea-a criziloru di tora. Social-democraţllii lucreadză, la programlu a loru ișiș ti guvernari, după ți căftară și lă si deadi execuţia bugetară şi va s’toarnă tru Parlament cu ună rectificare a bugetlui di stat pritu iniţiativă legislativă. USR aşteaptă apofasea a PNL să spună desi va znuearea a sutatăllei ică s’ducă ma largu păzărăpserli cu PSD. Aduțemu aminti ca guvernul minoritar PNL — UDMR cumăndusitu di Cîţu fu demis pritu moțiune de cenzura.
Bucuresti – Ministrul interimar di Externe di Bucuresti, Bogdan Aurescu, va s’aibă muabeti, luni, Washington, cu secretarlu di stat american, Antony Blinken, tu arada a unăllei vizită di dauă dzăli, cari nsimneadză dișcllidearea ufițială a şaptillei andamasi a Dialoglui Strategic România – Statele Unite. Ași cumu să spuni tru unu comunicat de presă, Bogdan Aurescu năpoi va lu spună sinferlu ali Românie tră progrese concrete tu atea ți mutreaști aprukearea a văsiliillei tru programul Visa Waiver, ca unu scupo di mari simasie ti cetăţeaňii români. Va s’hibă zburăti și catandisili a kirolui ditu soni tru lanu di securitate, maxutarcu ti reghiunea ali Amarea Lae şi securitatea pi Arădărikea ditu Apirită al NATO.
Autoru: Udălu a hăbărloru
Armipsearea: Tașcu Lala
