Hăbări ditu bana românească și internațională
Newsroom, 06.11.2021, 17:41
Bucuresti — Sambata fură dimăndati tru Romania, cama di 8.000 di năi infectări cu COVID-19. Tu ți mutreaști morțălli, fură dimndaț 490 tru 24-li di sihăț ditu soni, a deapoa, tutu cu tutu, numirlu a morțloru ditu ahurhita-a epidemiillei tricu di 50.000. România aproaki ma largu agitoru extern tra s’kivernisească criza sanitară. Alţ patru pacienţi cu forme greali di COVID-19 fură transferaţ tru Cehia şi Danemarca, a deapoa Israelu pitreați ună parei di specialişti cari fură mintiț cu lucurlu ti kivernisearea a dăldzăloru epidemiți ditu văsilia a loru. Şeflu a Departamentului ti Situaţii de Urgenţă, Raed Arafat, fați timbihi că, acă numirlu di cazuri noi este tru scădeari, catandisea ditu spitale va s’hb greauă şi tru yinitoarili stămâni, a deapoa nivelu a morțăloru va s’hib ma largu tru numiru multu mari. Vaccinarea, spuni el, este, ma largu, prota turlie di viglleari. Ritmolu di vaccinare cama scădzu, tru dzălili ditu soni, după ți, kiro di dauă stămăňi, fu tru creaştere. Numirlu total di persoane cu schema completă easti niheam ma ňică di 6,5 miliuňi. Bucureşti, s’țăni, adză, un maraton a informarillei, iu dzăț di yeatră si specialişti llia parti la muabeț pi teme ligate di hăirlătica-a vaccinarillei, ama şi ti alti lucri ligati di aestu subiectu.
Bucuresti — Tru Romania, aproapea 1.800.000 di ňilli di elevi şi preşcolari va s’ducă di luni la sculie, ma pţănu di dauă cirecuri ditu tuț căț suntuu tru isapi, dupa ună vacanta di daua stămăňi. Alantă va s’ahurheasc cursurile tru formatu online, simfunu cu unu ordinu comunu a Ministerelor ali Educaţie şi Sănătatillei, cari pruveadi că maș aclo iu nai ma pţănu di 60% ditu lucrătorlli a unăllei unitati di nviţămintu suntu vaccinaţ anti-COVID-19, cursurli va s’dizvărtească cu prezenţă fiziă la oari. Consiliul a Elevloru lugurseaști, ama, că aestă apofasi nu easti duri ta s’ahurhească tru sigurlăki cursurli cu prezenţă fizică. Consiliul caftă a autorităţilor sanitare s’ndreagă un algoritmu pi thimellilu a curi sculiili s’apufusească tru ți format va li ducă ninti cursurli, ama s’acață tu isapi şi alţă factori, pi ningă vaccinarea ditu arada-a personalului. Ditu arada-a aluștoru factori, incidenţa di la nivel local, infrastructura sanitară, capacitatea di testari şi țănearea ma largu tu idyea scară a distanţarillei fizică Ministurlu a Educaţiillei, Sorin Câmpeanu, dimăndă că, până tru aestă oară, fură ancupărati şi va s’agiungă tru sculii stămăna ți yini, 9.000.000 di testi pi bază di salivă ti COVID-19. Tru atea ți mutreaști vaccinarea a elevilor, s-agiumsi la ună rată di aproapea 30% ditu totalu a ațiloru cu ilikia di pisti 12 di aňi.
Autoru: Udălu a hăbărloru
Armânipsearea: Tașcu Lala
