Dacian Cioloș, aleptu tra s’adară năulu guvern
Newsroom, 12.10.2021, 09:34
Prezidentulu ali României, Klaus Iohannis, apufusi tra s’lu număsească Dacian Cioloș, liderlu USR, tru ipotisea di premier ali Românie. “Formațiunile viniră cu lenu turlii di abordări și pripuniri. Mini ăñi băgaiu tu minti ună pripuniri și apufusiiu s’alegu tră candidatu la premieru pi Dacian Cioloș”, spusi caplu a statlui.
Klaus Iohannis avu luni, la Pălatea Cotroceni, consultări cu reprezentanțălli a formațiunilor politiţi ditu Parlamentul ali Românie tră alidzearea-a unui nău prim-ministru. Partidile cu nai cama multi mandate di parlamentari, PNL și PSD, nu pripusiră un candidat tră șefia a Executivului.
Dacian Cioloș, năulu prezidentu a formațiunillei Uniunea Salvați România, pitricu un mesaj pi şingirili di socializare după hăbarea faptă di prezidentulu ali Românie: “Prezidentul Klaus Iohannis ăñi căftă toraseara s’adaru un nău guvernu. Easti ună tiñie și ună mari borgi tră cari himu ndrepţă, ași cum şi dimăndămu nica di la fudzearea-a USR ditu guvern. Himu hăzări s’nă lomu borgi ti guvernari și s’nkisimu negocierile cu alanti partidi. Scupolu a nostru easti să scutem România ditu criză și tră aesta easti ananghi di multă responsabilitate ditu partea tutulor forților politiţi.”
Autoru: Udălu a hăbărloru
Armnipsearea: Tașcu Lala
