“Dzuua-a Ascultătorlui” 2021 la Radio România Internaţional
Vruţ soţ, dumănică, tu 7 di brumaru 2021, tru prota dumănică di după dzuua-a Radioului românescu, ţi u yiurtusimu cathi anu tru 1 di brumaru, vă aştiptăm la «Dzuua-a Ascultătorului» la Radio România Internaţional.
Eugen Cojocariu, 08.10.2021, 19:41
Vruţ soţ, dumănică, tu 7 di brumaru 2021, tru prota dumănică di după dzuua-a Radioului românescu, ţi u yiurtusimu cathi anu tru 1 di brumaru, vă aştiptăm la «Dzuua-a Ascultătorului» la Radio România Internaţional.
2021 fu, idyea cumu tru 2020, zñiipsitu di pandemia di COVID-19, cari nă u minti bana şi adeţli di cathi dzuuă, nă feaţi, s’himu alargu, la propriu, di soia a noastă şi di soţ, nă feaţi s’trădzemu măna di la multi ditu turliili di discurmari tu kirolu adyi.
Agudiţ di tuti părţăli di hăbări şi informaţii, vidzumu câtă zori easti s’alidzemu, niscănti ori, alithili hăbări, alithili informaţii, di hăbărli arădăociki şi lăhtăroasi. Tu tutu kirolu ali pandemie, posturli publiţi di radio şi televiziuni căftară s’aducă dininti unu jurnalismu di calitati, cu informaţii pi cari audienţa s’bagă besă, a deapoa pandisea fu aşi cumu lipsea: oamiñilli s’turnaă tu ma marea parti la posturli publiţi.
Tru ediţia 2021 a «Dzuuăllei a Ascultătorlui» la RRI vă antribăm, diznău, di iu loatu hăbări nai cama multu ti pandemie, ama şi desi scoasitu ditu lista a dumnillilei a voasti di izvuri di informaţii izvurli ţi agiumsiră s’arăspăndească hăbări arădociki şi deziinformeadză. Cari easti rolu a radioului, maxusu a radioului public, tru bana a dvs. tru aestu kiro di inţertitudini?
Aştiptăm apandisili a dvs. tra s’li acăţămu tu isapi tru arada a programiloru RRI ditu 7 di brumaru 2021! Eali pot s’hibă pitricuti pritu e-mail, la ro@rri.ro, pi Facebook ică ndreptu ca un comentariu la articolu di pi pe site-ul RRI, www.rri.ro. Ma s’vreţ, puteţ s’pitriteţ apandisi audio preanreghistrati pi WhatsApp, la +40744312650, ică puteţ s’nă pitriţeţ numirlu a dvs. di telefon şi noi va vă căftămu ditu studio ta s’prianreghistrămu audio mesajlu a dvs. Haristusimu!
Autoru: Eugen Cojocariu
Armânipsearea: Taşcu Lala
