Hăbări ditu bana românească şi internaţională

Guvernul român vulusi ună apofasi di vaccinare a persoanelor contra coronavirusului, cum și a persoaniloru cari loară langoarea tru șasilli meşi ditu soni, fără restricții cari s’bagă tru locurile tru cari rata a praglui di infecție easti ma mari di 6 cazuri la nillea di bănători. Bucureștiul și alţă 40 di căsăbadz și municipii ditu văsilii, cum și cama di 200 di hori suntu tu aestă catandisi. Evenimentele publice și private pot s’hibă organizate tru aesti localităț maş cu un numir ñic di participanț și maş cu persoane cari fură vaccinate ică contractara langoarea, tră cari easti obligatorie purtarea a unei prusupidă. Tuti aesti categorii au, tutu aşi, izini la restaurante ică săli di sport, cum și la minări tru ași-număsitili carantine di weekend ică di noapti. Năile reglementări fură unu izvur di niifharistuseari tră ñilli di oameni cari ișiră sâmbătă pi geadei ma nu cu tiñisearea a distanțăllei, fără s’poartă prusupidi di protecție și fără s’yiñisească limitele di participare la ahtari demonstrații. Protestatarllii alăgară pritu ţentrul a capitalei, protestară dinintea a guvernului, iara ma amanatu născănţă di elli dusiră la pălatea prezidenţială. Griră mesaje contra vaccinării și băgarea a certificatului veardi și căftară, tutu aşi, demisia a guvernului, a șeflui Comitetului tră Situații di Urgență, Raed Arafat și a prezidentului a statlui. Protestili s’tănură tru dzuua anda România nregistră nai ma marli numiru di cazuri di coronavirus – aproapea 12.600. Aproapea 8.700 di cazuri noi, 150 di decese ligate di coronavirus fură raportate dumănică, iara 1.440 di persoane fură spitalizate tru terapie intensivă. Un numir mari di pacienți ditu kirolu dit soni intensificară campania di vaccinare, dzăţ di doze fură administrate cathi dzuuă. Cama di 30.000 fură administrati dumănică, ditu cari giumitate cu a treia doză.

Newsroom, 04.10.2021, 09:52

Guvernul român vulusi ună apofasi di vaccinare a persoanelor contra coronavirusului, cum și a persoaniloru cari loară langoarea tru șasilli meşi ditu soni, fără restricții cari s’bagă tru locurile tru cari rata a praglui di infecție easti ma mari di 6 cazuri la nillea di bănători. Bucureștiul și alţă 40 di căsăbadz și municipii ditu văsilii, cum și cama di 200 di hori suntu tu aestă catandisi. Evenimentele publice și private pot s’hibă organizate tru aesti localităț maş cu un numir ñic di participanț și maş cu persoane cari fură vaccinate ică contractara langoarea, tră cari easti obligatorie purtarea a unei prusupidă. Tuti aesti categorii au, tutu aşi, izini la restaurante ică săli di sport, cum și la minări tru ași-număsitili carantine di weekend ică di noapti. Năile reglementări fură unu izvur di niifharistuseari tră ñilli di oameni cari ișiră sâmbătă pi geadei ma nu cu tiñisearea a distanțăllei, fără s’poartă prusupidi di protecție și fără s’yiñisească limitele di participare la ahtari demonstrații. Protestatarllii alăgară pritu ţentrul a capitalei, protestară dinintea a guvernului, iara ma amanatu născănţă di elli dusiră la pălatea prezidenţială. Griră mesaje contra vaccinării și băgarea a certificatului veardi și căftară, tutu aşi, demisia a guvernului, a șeflui Comitetului tră Situații di Urgență, Raed Arafat și a prezidentului a statlui. Protestili s’tănură tru dzuua anda România nregistră nai ma marli numiru di cazuri di coronavirus – aproapea 12.600. Aproapea 8.700 di cazuri noi, 150 di decese ligate di coronavirus fură raportate dumănică, iara 1.440 di persoane fură spitalizate tru terapie intensivă. Un numir mari di pacienți ditu kirolu dit soni intensificară campania di vaccinare, dzăţ di doze fură administrate cathi dzuuă. Cama di 30.000 fură administrati dumănică, ditu cari giumitate cu a treia doză.

Tru Italia, cama di 12 miliuni di alegători eligibili fură călisiţ la urne adza și mâni tru aproapea 1.200 di localități, nica şi căsăbadz mări cum Roma, Milano, Torino, Napoli, Bologna și Trieasti, yiu eara organizati alidzeri parțiali. Ari, tutunăoară, un vot tră un nău guvernator tru Calabria. Cama di 120 români, nai ma mulță di până tora, candideadză pi aestă listă electorală tră consilieri. Româñilli, cari suntu nai cama marea comunitate di xeñi ditu Peninsula, au ndreptul ta s’voteadză și ta s’aleagă consilieri tru căsăbadzlli a loru di reședință. Tutunăoară, s’angreacă pi voturli a italienilor, maxus că dipu pţăñi româñi va s’poată s’voteadză, avânda tu videală că nu au ndreptulu di vot.

Ună listă actualizată a văsiliiloru și a teritoriilor cu un risc epidimiologhic mari intră adza tru lucru. România easti tora tru zona roșie, deadunu cu Republica Moldova, Bulgaria, Armenia, Belarus și Groenlanda. Comitetul Național di Urgență apufusi să scutească di carantină tră șoferllii di camioane și vehicule di pasageri cara aestia spunu un rezultat negativ al testului RealTime-PCR. Tutunăoară, Germania li revizui condițiile di intrare tru aestă văsilie – ase câ persoanele cari agiungu ditu România s’poată s’intra pi teritoriul ali Germaniei maş cara au un testu negativ tră COVID, cara s’fură vaccinați ică dloară langoarea. Documentele lipseaşti s’hibă ngrăpsiti tru una ditu aesti limbi: germană, engleză, franceză, italiană ică spaniolă și pot s’hibă pitricuti tru format fizic ică electronic.

Simfunu cu datili publicate pe site-ul Oficiului Național al Registrului Comerțului, tru România cama di 38.000 di companii și persoane autorizate deadiră falimentu tru proţlli optu meşi a aluştui anu, cu 7% ş’cama ma multu andicra di idyea perioadă ditu 2020. Majoritatea companiilor suntu ditu București și tru giudeţili Cluj, Bihor și Tamis, iara Harghita, Covasna și Tulcea suntu tu alantu capu. După activităț, nai ma mari numir di insolvențe fură nregistrati tru comerțul cu darea-loarea și cu minuţişli, reparațiile vehiculelor, construcțiile și producția.

Dacian Colos, prezidentulu aleptu a USR PLUS (fostul partid 2 al guvernului), spuni că, acă echipa pi cari u reprezentă ​​nu are majoritate tru noulu Birou Național al partidului, el va ca apofasili s’hibă loati pi thimellilu a obiectiviloru voturi la alegerile tră Biroulu Național – ari 14 mandate di viţprezidentu, kiro tru cari echipa a noului prezidentu Dacian Ciolos ari optu locuri tru cumăndusearea națională a partidului. Activitatea a Congresului continuă cu discuții exclusiv tru format online, tu ligătură cu alăxerlri la statutlu a partidului, inclusiv durata a mandatului ti prezidentu. Dacian Ciolos va un mandat limitat tră doi ani și dimanda că, alliumtrea, va s’demisioneadza tru 2023, tră s’ndreagă un congres la cari va s’hibă confirmat candidatlu la prezidenţie și va s’hibă apufusită ună strategie tră alidzerli programate tră 2024.

Autoru: Udălu a hăbărloru

Armânipsearea: Taşcun Lala