Hăbări ditu bana românească și internațională
Bucuresti – Aproapea 3 miliuňi dI elevi şi preşcolari s’toarnă, di luni, la cursuri, tru Romania. Năulu an şcolar ari 34 di stămâňi, easti ampărţătu tru dauă semestri şi s’bitiseaști tru 11 di cirișaru 2022. Ministurl ali educaţie, Sorin Cîmpeanu, dimăndă că tru prota dzuuă di şcoală va s’aibă izini festivităţ la cari pot s’llia parti şi părinţălli, hiinda obligatorie prusupida di protecţie şi țănearea a distanţăllei andicra di alanță participanţă. Suntu ama şi cilimeaňi cari numata va s’poată s’ahurhească sculia cu prezenţă fizică, după ți ma multi localităţ năstricură rata di infectari cu COVID-19 de 6 cazuri la ňille. 7000 di elevi nu va s’poat s’llia parti fizic la țeremoniili di dișcllideari a anlui şcolar — dimăndă ministrul Cîmpeanu, născănță di itia a ratăllei di infectari ditu localităţli a loru, alţăllii diitia a problemiloru di infrastrucură ditu sculii. El şi spusi nădia că va s’hibă nreghistrati progresi importanti ti vaccinarea-a elevilor după ți va s’ahurhească sculia tu condiţiile tru cari ari disponibilitate di partea autorităţlor di resortu ta s’ndreagă echipe mobile, cari s’ducă imunizarea ma aproapea di unităţli di înviţămintu.
Newsroom, 12.09.2021, 17:58
Bucuresti – Aproapea 3 miliuňi dI elevi şi preşcolari s’toarnă, di luni, la cursuri, tru Romania. Năulu an şcolar ari 34 di stămâňi, easti ampărţătu tru dauă semestri şi s’bitiseaști tru 11 di cirișaru 2022. Ministurl ali educaţie, Sorin Cîmpeanu, dimăndă că tru prota dzuuă di şcoală va s’aibă izini festivităţ la cari pot s’llia parti şi părinţălli, hiinda obligatorie prusupida di protecţie şi țănearea a distanţăllei andicra di alanță participanţă. Suntu ama şi cilimeaňi cari numata va s’poată s’ahurhească sculia cu prezenţă fizică, după ți ma multi localităţ năstricură rata di infectari cu COVID-19 de 6 cazuri la ňille. 7000 di elevi nu va s’poat s’llia parti fizic la țeremoniili di dișcllideari a anlui şcolar — dimăndă ministrul Cîmpeanu, născănță di itia a ratăllei di infectari ditu localităţli a loru, alţăllii diitia a problemiloru di infrastrucură ditu sculii. El şi spusi nădia că va s’hibă nreghistrati progresi importanti ti vaccinarea-a elevilor după ți va s’ahurhească sculia tu condiţiile tru cari ari disponibilitate di partea autorităţlor di resortu ta s’ndreagă echipe mobile, cari s’ducă imunizarea ma aproapea di unităţli di înviţămintu.
Washington — Adolescenta britanica (…) Emma Răducanu (18 di aňi) amintă turneulu di la US Open 2021, după ți, sămbătă, tu finală, u azvimsi canadianca Leylah Fernandiz (19 ani), cu 6-4, 6-3. Emma amintă prestigioslu turneu american fără s’cheară set și yininda ditu calificări, lucru cari numata s’ari fapt tru istoria a sportului albu. Răducanu aprăftăseaști aesstă performanţă la maș a daua a lle participare la un turneu di Grand Slam, după atelu di Wimbledon, iu fu anănghisită s’abandoneadză tru optimile di finală, di itia a niscăntoru problemi medicali. Britanica amintată ditu tată român și mamă asiatică deadi goada babageană, asiguripsinda un cec tru valoari di 2,5 miliuňi di dolari haristusită a triumfului di la US Open. tutunăoară, Emma fați un salt spectaculos tru clasamentul mondial, di pe loclu 150 WTA, până pi poziția a 23 WTA.
Bucuresti – Cluj Napoca, tru nord-vestul ali Românie — bitisita a şasillei ediţii a nai cama mari festivalu de muzică electronică ditu Europa, Untold. Cama di 200 di DJ şi artişti eara viniț la aestu eveniment, după aproapea doi aňi di dănăseari, pi ațeali şapti sțeni a festivalui. Ediţia di pandemie a Untold adusi şi ună premieră. Organizatorlli dediră biligits epidemiologhitsi cari spunu că ațelli ți li poartă suntu vaccinaţ, tricură pritu infecţia cu coronavirus, ică feațiră testul tora ma ninti. Tutu cu tutu, cama di 100.000 di oamiňi loară parti la evenimentili ndreapti tu arada a festivalui, cari ahurhi gioi. Organizatorlli minduiră, ti estanu, s-ndzimineadză nihadzlli a muzicăllei electronică cu atseali tradiţionali. Untold adună cathi an nai ma importanță DJ ditu lumi. Anlu aestu, la Cluj-Napoca eara viniț ntră alțălli, David Guetta, DJ Snake, Afrojack, Martin Garrix, Nina Kravitz ica Paul Kalkbrenner.
Belgrad. Di la 09-11.09.2021, tu Biblioteca a cãsãbãlui Beligrad, tu organizații a tiňisitãllei Lila Cona, prezidenta di multu chiro a Suțatãllei «Lunjina« di Beligrad și thimilliusitoarea a Pen central armãnescu ditu Balcan, s-realidzã adunari a autori, eseishtsã, publitsishtsã și experț ti limba și cultura armâneascã di ma multi stati: Sãrbia, Nord Machidunia, Albania, Gãrtsia, Romania, Ghermania, Frantsia, Vãrgãria shi alti. Avea promoții a dau Antologhii di poezii armaneșță și autori di rãdãtinã armãneascã, a nai ma importantul moment istoric eara fundarea a Pen clublui armanescu tu dzua cãndu s-yiurtusea 100 di aňi di fundarea a Pen clublu internațional. Intrari ca membru tu aestã mari taifã internaționalã va s-hibã pricunușteari și tiňiseari a limbãlli shi literaturãllei armâneascã.
HARISTO A TUTULOR TSI LUCRARA SHI U AGIUTARA AESTA INITSIATIVA!
Autoru: Udălu a hăbărloru
Armânipsearea: Tașcu Lala
