Hâbari dit bana românească şi internaţională
BUCUREŞTI – Autorităţâle române atrag, diznou, atenţia că numirulu a cazurilor di infectare cu noulu coronavirus va crească în perioada ţi v’ine. Un raportu a Institutului Naţional di Sănătate Publică spune că, tru ţel mai pesimistul schenariu, până pi 15 septembrie/agheazmăciune numirulu a lăndzidzărilor si poate să treaca di 1.500 în dzuuă. Raportul are calculată şi necesarulu di resurse şi estimeadză că, tru împlină chimată pandemică, si poate să ananghe di mai meltu di 500 di paturi di terapie intensivă. Ministrulu a Sănătatilei, Ioana Mihăilă, averizăă că persoanile nivaccinate sunt aţeale mai expuse la infectare. Tru ultimele patru siptămân’i, în România, 87% di nalile cazuri şi 91% di decese fură înreghistrate la persoane nivaccinate. Tru ţe mutreaste imunizarea, autorităţâle anunţară, că piste 12.000 di persoane si vaccinat in ultimele 24 di ore. Piste 4,7 milioane di român’i au schema completă di vaccinare. Ază, în România fură spuse 126 di cazuri nale di persoane infectate cu SARS-CoV-2, di piste 25.700 di teste, ama nu fu inreghistrat niţe un deces asociat COVID 19.
Newsroom, 24.07.2021, 21:17
CHIŞINĂU – Curtea Constituțională a Republicaleii Moldova (ex-sovietică, majoritar românofonă) li confirmăă rezultatile a aleadzerilor parlamentare anticipate di pi 11 iulie/alonar și li validăă mandatile a deputațâlor alepţă. Scrutinulu fu amintat detașat, cu 52,5 di procente di sufragii, di Partidulu Acţiune şi Solidaritate (PAS), fondat di șefa a statului, pro-occidentala Maia Sandu. Bloculu Electoral a Comuniştilor şi Socialiştilor (BECS), condus di foștil’i șefi filoruși a statului, comunistul Vladimir Voronin și socialistul Igor Dodon, easte al doilea, cu 27,4%. Tru noulu Leghislativ mai pitrumse maşi partidulu populistu condus di oligarhul fugar Ilan Șor, protagonistul a multor dosare greale di corupție. După redistribuirea voturilor a partidilor care nu au depășită pragulu electoral, PAS are 63 dia ţeale 101 mandate di deputat, comuniștil’i și socialiștil’i 32, iar Partidul Șor 6. După validarea aleadzerilor di cătră Curtea Constituțională, președinta Sandu convocăă Parlamentul tră ședința inaugurală, programată păimâne. Lideril’i PAS au promisă că va formeadză rapid un nou guvern.
TOKYO — Romania amintăă prima medalie la actuala editie a Giocurilor Olimpiţe di la Tokyo. Scrimera Ana-Maria Popescu cuceri/lo medalia di asime în proba individuală feminină di spadă/apală, ază, după ţe fu azvimtă, la limita, în finală di chinezoaica Yiwen Sun cu 11-10. Măne, selecţionata di fotbal Under-23 a Românil’ei si aduună, cu echipa Coreil’ei di Sud tru al doilea a lei meciu di Grupa B a turneului olimpic di la Tokyo. Tru tot aţeauăşi grupă, tot mâne, si mai gioacă partida Noaua Zeelandă-Honduras. Aoaltăridzuuă, în meciulu di debut, România azvimse Hondurasulu cu 1-0, iar Noaua Zeelandă bătu Coreea di Sud cu tot aţeluaşi scor. În total, 101 sportivi român’i, 46 di feate şi 55 di ficiori, participă la Giocurile Olimpiţe di la Tokyo, la 17 discipline. Întreaţerile si desfăşoară fără public, din cauza pandemiil’ei di COVID-19.
Autor: Camera Ştirilor/ Udălu a Hâbărilor
Armănipsire: Hristu Steriu
