Hăbări ditu bana românească şi internaţională
Acă tendința descendentă a pandemiillei di coronavirus ma largu easti tru România, yeaţărili suntu găilipsiţ di varianta indiană a SARS-CoV 2, acă ari maş ndauă cazuri confirmati di infecție cu lumakea Delta. Uidisitu cu spusa a experțălor, goala cearei di apărari contra a infecțiillei easti vaccinarea. Simfunu cu atea ditu soni secțiuni transversală, după 27.800 di probi testati tru România, 51 di cazuri di infecție cu Kovid-19 fură confirmati ază. Patru persoani muriră di itia a lăngoarillei. Năpoi vă aduţemu aminti că tutu teritoriul ali Românie easti tru zona veardi, 16.677 di persoani suntu tru carantină și 705 suntu izolati instituțional. Di anda ahurhi imunizarea tru 27 di andreu 2020, aproapea 4,6 miliuñi di oamiñi fură vaccinaţ cu dauli doze.
Tașcu Lala, 06.07.2021, 21:49
Găilipserli tu ţi mutreaşti arăspândearea a lumăkiloru Delta crescu tru născănti stati europene, a deapoa imunizarea obligatorie a lucrătorloru ditu născănti zone easti spusă tutu cama multu. Tru Franța, ama și tru alti stati europene, s’acaţ4 tu isapi căbilea ti vaccinarea obligatorii a lucrătorloru ditu dumenea a sănătatillei tru spitali și casi di mutreari lăndzitslli medicalu tru cari nivelu di imunizare easti sum aștiptări. Tendința descendentă a infecțiilor și a morţăloru dănăsi tu kirolu ditu soni, declară prezidentulu a Institutlui italian di sănătati, Silvio Brusafero. S-lo marță ună apofasi tru Catalonia ta s’bagă năi restricții tra s’dănăsească arăspândearea dinăoară a năului coronavirus. La nivelu global, aproapea 185 di miliuñi di oamiñi fură nregistraţ cu coronavirus și cama di 4 miliuñi muriră di itia a lăngoarillei. Majoritatea a oamiñiloru muriră tru Statele Unite, India și Brazilia.
Politicieñi români din guvern și ditu opoziție reacționară după hăbarea a Comisiillei di Veneția tu ligătură cu ananghea tră ncllidearea a Secțiillei di anchetă contra a Ombudsmanilor. Poziția a Comisiillei di Veneția nu easti ti ciudie, di itia că dişcllidearea a aliştei secțiuni fu sertu criticată di instituțiile europene nica ditu ahurhită. Ancheta contra a avocatlui a popului easti tu axizearea-a Direcției Naționale Anticorupție, iara alăxerli a nomlui lipseaşti s’hibă scoasi câtu cama ntrăoară. Apandisea a Comisiillei di Veneția confirmă justificarea-a inițiativăllei a libearalilor ta să scoată aşi număsita supraimunitate” a ombudsmanului, sumlinie prezidentulu a comisiei juridiţi a Senatului, Julia Scantei, membru a Partidlui Național Libearal (PNL). Partidul Social Democrat ditu opoziție (PSD) nu aproaki iţi turlie di alăxeri a nomurloru judiciare fără un consensu largu a avocațlor tu ligătura cu protejarea a giudicătorlor di presiuni și lenu turlii di abuzuri.
Autoru: Udălu a Hăbărloru
Armânipsearea: Taşcu Lala
