Hâbări dit bana românească şi internaţională

TALLIN — Preşedintile a Româniilei, Klaus Iohannis, avu discuţii, ază, la Tallin, cu premierulu eston, Kaja Kallas, dispre perspectivile a relaţil’ei bilaterală, teme di interes reciproc di pi aghenda europeană, pricum şi subiecte prioritare la nivel regional şi multilateral. În plan bilateral, preşedintile a Româniil’ei accentuă vrearea tră consolidarea a cooperarilei economică, inclusiv intensificarea a lăximintilor comerciale. În cadrulu a discuţiilor, fu evidenţiat interesulu comun tră dezvoltarea a cooperarilei în sectorulu digital, tru aest contextu preşedintile Iohannis accentuânda interesulu tră cooperarea în domeniul a securitatilei cibernetică şi a inteligenţăl’ei artificială, dată hiinda experienţa tru acestu domeniu a Estonil’ei şi a Româniilei, care găzduiaşte noulu Chentru Cyber a Uniunilei Europeană — anunţăă Administraţia Prezidenţială di Bucureşti, într-un comunicat remis a presălei. În cadrul a discuţilei cu preşedintile a Parlamentului eston, Jüri Ratas, şefulu a statului spuse interesulu tră intensificarea cooperarilei parlamentară. Întreviderile cu ţel’i doil’i ofiţiali eston’i fură urmate di depunerea unei coroană di flori la Monumentul aPolimului di Independenţă şi ună vizită la Primăria a căsăbalui Tallinn, pricum şi vizite, împreună cu preşedintile a Estonil’ei, Kersti Kaljulaid, la Chentrul e-Estonia şi la start-up-ulu Unicorn Squad. România şi Estonia împărtăşescu/împartu viziuni şi interese comune la nivelul a Uniunii Europeană, aţea ţi facilitează cooperarea streasă anamisa di noi în raportu cu aghenda curentă şi cu priorităţâle a Uniunilei în perspectivă” – sublinie preşedintile Iohannis.

Bogdan Matei, 17.06.2021, 23:14

TALLIN — Preşedintile a Româniilei, Klaus Iohannis, avu discuţii, ază, la Tallin, cu premierulu eston, Kaja Kallas, dispre perspectivile a relaţil’ei bilaterală, teme di interes reciproc di pi aghenda europeană, pricum şi subiecte prioritare la nivel regional şi multilateral. În plan bilateral, preşedintile a Româniil’ei accentuă vrearea tră consolidarea a cooperarilei economică, inclusiv intensificarea a lăximintilor comerciale. În cadrulu a discuţiilor, fu evidenţiat interesulu comun tră dezvoltarea a cooperarilei în sectorulu digital, tru aest contextu preşedintile Iohannis accentuânda interesulu tră cooperarea în domeniul a securitatilei cibernetică şi a inteligenţăl’ei artificială, dată hiinda experienţa tru acestu domeniu a Estonil’ei şi a Româniilei, care găzduiaşte noulu Chentru Cyber a Uniunilei Europeană — anunţăă Administraţia Prezidenţială di Bucureşti, într-un comunicat remis a presălei. În cadrul a discuţilei cu preşedintile a Parlamentului eston, Jüri Ratas, şefulu a statului spuse interesulu tră intensificarea cooperarilei parlamentară. Întreviderile cu ţel’i doil’i ofiţiali eston’i fură urmate di depunerea unei coroană di flori la Monumentul aPolimului di Independenţă şi ună vizită la Primăria a căsăbalui Tallinn, pricum şi vizite, împreună cu preşedintile a Estonil’ei, Kersti Kaljulaid, la Chentrul e-Estonia şi la start-up-ulu Unicorn Squad. România şi Estonia împărtăşescu/împartu viziuni şi interese comune la nivelul a Uniunii Europeană, aţea ţi facilitează cooperarea streasă anamisa di noi în raportu cu aghenda curentă şi cu priorităţâle a Uniunilei în perspectivă” – sublinie preşedintile Iohannis.

BUCUREŞTI – Preşedintile a Comitetului naţional di coordonare a activităţâlor mutrinda vaccinarea contra SARS-CoV-2 din România, Valeriu Gheorghiţă, anunţăă, ază, că acoperirea vaccinală la nivel naţional easte di aproapea 25% di populaţia eligibilă. Uidisit cu spusa a medicului militar, ţea mai marea rată di acoaperire vaccinală si înreghistreadză în Bucureşti – aproapea 45% di populaţia eligibilă – şi Cluj (nord-vestu) – cu piste 41%. Secretarulu di stat tru ministerul a Sănătatilei Andrei Baciu spuse că vaccinarea reprezintă soluţia la îndemână/cu efcolie până la ună eventuală apariţie a unui tratament care să îşi facă efectul. Pi di altă parte, toate judeţele din ţară şi Bucureştiul arămân în schenariul vearde din punctul di vedeare a infectărilor cu noulu coronavirus, ţea mai marea incidenţă la m’il’ia di locuitori hiinda în judeţile Prahova (sud) şi Alba (chentru) – 0,2, informă, tot ază, Grupulu di Comunicare Strateghică. În Capitală, rata de infectare si menţânu la 0,12 cazuri la m’il’ia di locuitori, tot aşi ca în dzuua anterioară. 87 di cazuri nale di persoane infectate cu SARS-CoV-2 fură înreghistrate în ultimele 24 di ore, şi fură efectuate piste 27.400 di teste. Fură înreghistrate şi 87 di decese la pacienţă infectaţ cu virusulu SARS-CoV-2, ama 82 di aestea sunt di anulu tricut şi din prima giumetate a luştui an, hiinda introduse în baza di date la solicitarea Ministerului a Sănătatilei, di cătră Direcţiile di sănătate publică din ţară, după verificările fapte. Di la declanşarea a pandemiilei, 31.115 persoane diagnosticate cu infecţie cu SARS-CoV-2 muriră în România. 944 di persoane infectate cu COVID-19 sunt internate tru unităţile sanitare di profil, di care 186 la terapie intensivă – mai anunţăă GCS.

BUCUREŞTI – Un nou Avocat a Poporului va hibă numit di Parlamentul di Bucureşti m’iercurea v’initoare, uidisit a calendarului stabilit ază di conduţirea a Leghislativului – anunţăă preşedintile a Camerălei a Deputaţâlor, liderulu PNL Ludovic Orban. El dzâse că depunirea a candidaturilor din partea grupurilor parlamentare va să si facă pâna marţă, iar în următoarea dzuuă va hibă votulu în plenulu a ţilor dauă Camere. Tot ază, PSD (în opoziţie) anunţăă că va contestă la Curtea Constituţională decizia di ună dzuuă ninte a majoritatilei parlamentară PNL-USRPLUS-UDMR di revocare a Renatâl’ei Weber din funcţia di Avocat a Poporului. Revenim după ştiri.

Autor: Camera Ştirilor/ Udălu a Hâbărilor

Armânipsire: Hristu Steriu