Hâbări dit bana româneascâ şi internaţională

Bucuresti – Prezidentul român Klaus Iohannis faţi di, mâni, unâ vizită di lucru dit dauă dzâli tru Statele Unite, a daua dit mandatlu a lui, după aţea dit cirişar 2017. Pi agenda a moeabeţlor di marţâ cu omologlu a lui american, Donald Trump suntu tricuti dizvoltarea a parteneriatilor bilaterale tru probleme di securitati şi energie, ama şi vizili tră cetăţen’il’i români. Prezidentul ali Românie şi spusi nădia că legislaţia mutrinda energia, cari nu-l’i haristusi investitorl’i xen’i, nica şi aţel’i americani, va s-hibă alăxită, tru contextul tru cari agiumsi pi isapea că ari voli pi nivelu a guvernului tra s-ndreagă născănti lucri ali Ordonanţă 114 şi a Nomlui offshore, cari, tru minduita al năsu, nu fură ghini minduiti. Washington, şeflu a statlui va să zburască cu prezidentul Donald Trump şi tră efectivili di militari americani dit România, cundil’inda că Bucurestiul ari căbilea tra s-aproachi ma mulţă militari dit SUA.Tutunăoară, la andamusea cu omologlu american, năpoi va să spună ti călisearea pitricutăa aluştui tră ună vizita tru România.Vizita di lucru a prezidentului Klaus Iohannis la Casa Albă s-faţi tru contextul tru cari România nsimneadză 30 di an’i di la cădearea a comunismului şi 15 an’i di apartenenţă la NATO.

România Internațional, 18.08.2019, 17:24

Bucuresti – Prezidentul român Klaus Iohannis faţi di, mâni, unâ vizită di lucru dit dauă dzâli tru Statele Unite, a daua dit mandatlu a lui, după aţea dit cirişar 2017. Pi agenda a moeabeţlor di marţâ cu omologlu a lui american, Donald Trump suntu tricuti dizvoltarea a parteneriatilor bilaterale tru probleme di securitati şi energie, ama şi vizili tră cetăţen’il’i români. Prezidentul ali Românie şi spusi nădia că legislaţia mutrinda energia, cari nu-l’i haristusi investitorl’i xen’i, nica şi aţel’i americani, va s-hibă alăxită, tru contextul tru cari agiumsi pi isapea că ari voli pi nivelu a guvernului tra s-ndreagă născănti lucri ali Ordonanţă 114 şi a Nomlui offshore, cari, tru minduita al năsu, nu fură ghini minduiti. Washington, şeflu a statlui va să zburască cu prezidentul Donald Trump şi tră efectivili di militari americani dit România, cundil’inda că Bucurestiul ari căbilea tra s-aproachi ma mulţă militari dit SUA.Tutunăoară, la andamusea cu omologlu american, năpoi va să spună ti călisearea pitricutăa aluştui tră ună vizita tru România.Vizita di lucru a prezidentului Klaus Iohannis la Casa Albă s-faţi tru contextul tru cari România nsimneadză 30 di an’i di la cădearea a comunismului şi 15 an’i di apartenenţă la NATO.

Bucuresti – Un pacientu internat voluntar la Spitalu di Neuropsihiatrie Săpoca dit giudeţlu Buzău(sud-estul ali Romanie) vâtâmă 4 pacienţâ şi pligui alţâ nauă cu un stativ di perfuzie. Pliguiţl’i furâ transferaţ la ma multi spitali di Bucuresti. Uidisitu cu protili informaţii ţi li deadirâ anchetatorl’i, pacientul pi likia di 38 di an’i seara internat Săpoca ti dezalcoolizari. Corpul di Control a Ministerlui trâ Sănătati fati verificări la Spitalu di Psihiatrie di Săpoca. Ministrul a sănătatil’ei, Sorina Pintea, câftâ unâ verificari minutişu a catastisil’ei şi cundil’e că, ma s-hibă zborlu ti negiljenţă, va s-hibă loati meatrili uidisiti.

Bucuresti – România va s-l’ia parti, ca oaspi di tin’ie, la Pânâyirlu di carti di Beijing, cari va s-dizvârteascâ tru chirolu 21 – 25 di agustu. Prezidentul intermar ICR, Mirel Taloș, hâbârisi că evenimentili va s-hibâ ndrupâti di participarea a aţiloru aproapea 40 di scriitori şi editori. Tu arada a standului ali Românie va s-hibâ spusi trâ videaricama di 600 di titluri. Tutunâoarâ va s-tânâ dezbaterli cu numa “Interfențe culturale româno-chineze”, “Poezia română contemporană” și “Literatura și memoria”, expoziția filatelică “România – China, după 70 de ani”, spectacolu di teatru “Infractorii”, vernisajlu ali expoziție itinerantă “Corneliu Baba” și recitaluri ţânuti di “Trio Zamfirescu”.

Autoru: Udălu a hâbărlor

Armânipsearea: Taşcu Lala