Agiutoru tră Ucraina
România va lli’aibă ngătanu tuţ cetăţeñilli ucraineni cari agiungu pi teritoriul a llei – llu-asiguripsi prezidentului Klaus Iohannis pi omologlu a lui di la Kiev, Volodimir Zelenski, tru ună convorbire telefonică tru cari năpoi adusi aminti di tutu agiutorlu tră aderarea Ucrainei la UE. Tru ateali aproapea trei stămâni di când Rusia nkisi polimlu tru Ucraina, pisti 400 di ñilli di cetăţenii ucraineni intrară tru România, iara aproximativ ună ţinţimi ditu aeşti armasiră aoa. Agiutorlu a autorităților, ama și a populației s-vidzu vărtosu nica di la vinita a protlui arifugatu ditu Ucraina, tră aţelli fudziț ditu calea polimlui hiinda asigurate di la mease caldi și locuri di cazare, până la transport gratuit și bunuri di mari ananghi – inclusiv tru cadrul a unui concert caritabil cari adună pisti 750 di ñilli di euro, asistență medicală ica cursuri tră cilimeañilli cari armân pi teritoriul a Româniillei, cum și posibilitatea ta s’află unu locu di lucru tră atelli cari voru.
Corina Cristea, 14.03.2022, 14:46
România va lli’aibă ngătanu tuţ cetăţeñilli ucraineni cari agiungu pi teritoriul a llei – llu-asiguripsi prezidentului Klaus Iohannis pi omologlu a lui di la Kiev, Volodimir Zelenski, tru ună convorbire telefonică tru cari năpoi adusi aminti di tutu agiutorlu tră aderarea Ucrainei la UE. Tru ateali aproapea trei stămâni di când Rusia nkisi polimlu tru Ucraina, pisti 400 di ñilli di cetăţenii ucraineni intrară tru România, iara aproximativ ună ţinţimi ditu aeşti armasiră aoa. Agiutorlu a autorităților, ama și a populației s-vidzu vărtosu nica di la vinita a protlui arifugatu ditu Ucraina, tră aţelli fudziț ditu calea polimlui hiinda asigurate di la mease caldi și locuri di cazare, până la transport gratuit și bunuri di mari ananghi – inclusiv tru cadrul a unui concert caritabil cari adună pisti 750 di ñilli di euro, asistență medicală ica cursuri tră cilimeañilli cari armân pi teritoriul a Româniillei, cum și posibilitatea ta s’află unu locu di lucru tră atelli cari voru.
Tu aestu kiro, un hub umanitar, cu coordonare europeană, thimilliusitu tru nordul României, la Suceava, apropaea di sinurlu cu Ucraina, ahurhi lucărlu di stamăna ţi tricu, a deapoa protili agiutoari eara pitricuti. Acest hub ari un rol multu importantu tra s’licşureadză purtarea a donaţiiloru umanitare ditu partea statelor membre ale UE şi ditu partea alăntor state şi organizaţii mari. Agiutoru ditu partea Româniillei nsimneadză și agiutor tră aţelli cari suntu maş tru tranzit. Viniră tru România nu maş ucraineni, ama și cetățeani di alti naționalități cari eara tru Ucraina. Anamisa di aeşta s’arădăpsescu și pisti 3.000 di israelieni şi pisti 1.200 di cetăţeni ucraineni di origine uvriească. Aeşţă fură agiutaţ di România s’intră pi teritoriul a văsiliillei şi deapoa s’hibă evacuaţ cătă Israel dimanda ministrul român al Afacerilor Externe, Bogdan Aurescu, după ntrividearea pi cari u avu, tru România, cu omologul israelian, Yair Lapid. “Cilimeanilli di origine uvriască ditu Odisa, cilimeañi cu harkinu fură pitricuţ tru Israel tră tratamentu şi ñilli di arifugaţ ascăpaară prit yimbrukea Siret. Bana a loru fu ascăpată pritu cooperarea anamisa di statili a noastre. Vă haristusescu şi haristusescu a Guvernului a Româniillei tră cooperare şi tră agiutor”, diclară Yair Lapid, cari vizită, dumănică, punctul di triţeari a sinurlui Siret.
Organizaţia Mondială a Sănătatillei şi spusi, di altă parte, găilipsearea a di itia că polimlu ditu Ucraina poati s’aduca ma mari zñie pritu pandimia di COVID-19. Centrul European di Prevenire şi Control al Bolilor dimăndă, tutunaoara, ună alertă statelor tru cari agiungu arifugaţ ditu Ucraina, informânda că aestă vasilie negistreadză multe cazuri di infectari cu bacterii piriculoase, rezistente la antibiotiţi şi transmisibile, tru sumedru hiinda diclarată situaţie di securitate medicală tră poliomielită şi epidimie di rujeolă. Ti atea, organismul european faţi urminie ti izolarea pacienţălor ucraineni cari agiungu tru spitale, aţea turlie tra s’prevină riscul infectarillei unităţlor sanitare.
Autor: Corina Cristea
Armânipsearia: Taşcu Lala
