România ndrupaşti integritatea teritorială a Ucrainei
Apofasea-a liderului di Kremlin ti semnă dicretul di pricunoaştere a indipendinţei regiunilor separatiste Doneţk şi Lugansk, din estul Ucrainei, fu condamnată cu fermitate di România. “Aestu act reprezintă ună călcare flagrantă a ndreptului internaţional, a suveranităţii şi integrităţii teritoriale ale Ucrainei. Tutunăoară, pritu aestă dicizie, Rusia calcă obligaţiile care îlli si cadu tu calitate di semnatar al Acordurilor di la Minsk, care divin astfel golite di conţinut”, afirmă, trutr-o diclarație di presă, președintele Klaus Iohannis. Bucureștiul ligurseaşti că Rusia, membru permanent al Consiliului di Securitate ONU, fuvirseaşti, pritu acţiunile a llei, irinea şi securitatea globală garantată di işişi Consiliul di Securitate, ancălcânda diliberat principiile di drept internaţional pruvidzute di Carta ONU şi di Actul final di la Helsinki. Comunitatea internaţională lipseaşti să u sancţioneadză sertu, ună ş-ună şi fără echivoc aestă dicizie lipsită di responsabilitate a Rusiei, nica spune şeful statului, subliniinda că România reafirmă sandruparea vărtoasă ti suveranitatea şi integritatea teritorială ale Ucraină şi va s’cil4stăsească tu coordonare cu partenerii şi aliaţii a llei ti băgarea tu practico a misurlor di apandisi uidisiti.
Corina Cristea, 22.02.2022, 09:17
Și Executivul român condamnă iţi tentativă ta s’bagă sumu semnul antribarillei integritatea teritorială a Ucrainei și lugurseaşti că minduita ta s’hibă pi dauă statalitatea a unui membru ONU reprezintă ună abordare revizionistă, care fuvirseaşti irinea tru Europa şi tru lume. Dicizia Fedirației Ruse ta s’precunoască indipendinţa aţiloru două regiuni separatiste şi ta s’pitreacă trupe di menţăneare a irinillei tru Donbas scoasi tu migdani ună dalgă di condamnări internaționale, iar Consiliul di Securitate al ONU a convocat ună reuniune di urgenţă ta s’facă isapi ateali ditu soni evoluţii tru Ucraina. Ordinul Rusiei ta s’dizvărtească “trupe di menţinere a păcii” tru estul Ucrainei este “un nonsens”, diclară tru cadrul a reuniunillei Linda Thomas-Greenfield, ambasadorul Statelor Unite la ONU, ţi spusi că, pricunoaşterea di către Moscova a indipendinţăllei regiunilor separatiste din estul Ucrainei easte parte a planului Rusiei ta s’aibă unu pretext tră ună aputruseari la scară largă a Ucrainei.
Statele Unite şi Marea Britanie dimăndară că va s’bagă sancţiuni contra a Rusiillei, iara Germania diclară, tu arada a llei, că acţiunile Moscovei nu va s’armănă fără apandisi. Și Bruxellesul dimanda, tu scurt kiro după simnarea a dicretelor di către Putin, că UE va s’reacţioneadza cu sancţiuni contra a aţiloru mintiţ tru aestă acţiune ilegală. “Moscova continuă s’hărnească conflictul din estul Ucrainei oferinda agiutoru financiar şi militar separatiştilor. Tutunăoară, mindueaşti s’bagă tu practico un pretext tra s’aputrusească diznău Ucraina. Aestu lucru submineadză suveranitatea Ucrainei şi integritatea teritorială a alistei văssilii, erodiază eforturile di ceareipseari a conflictului şi calcă Acordurile di Minsk, la care Rusia easte parte” – spusi și secretarul general al NATO, Jens Stoltenberg.
Autor: Corina Cristea
Armânipsearia: Taşcu Lala
