Coopearare economică România – Republica Moldova
A ţinţea andamasi comună a guvernelor României și Republicii Moldova s’ţănu vineri, tru premieră, la Chișinău, hiinda ansuțătă di multi discuții bilatearale, parafări di proiecte și simnări di acorduri, protocoale şi memorandumuri. Imnaticlu european easti goala cale tra s’asiguripsească stabilitatea, prucukia, dizvoltarea economică şi socială a Republicii Moldova, reiteară, cu aest prilej, premierul Nicolae Ciucă. El spusi că România va s’agiută ti dizvoltarea cratlui viţinu atea turlie ca aestu s’agiungă standardi europene di dizvoltare.
Mihai Pelin, 14.02.2022, 18:27
Tru aestu scop, România apufusi s’da ali Republicii Moldova un agiutor financiar sum turlie di donaţie tru valoare di 100 di milioane di euro. Păradzlli va s’hibă ufilisiţ tră construirea di reţele di apă şi canalizare şi tră reabilitarea instituţiilor di truvăţământ şi di cultură, tru special tru mediul rural. Proiectele cari va s’hibă finanţate cu aceşti păradz va s’sndreagă noi locuri di lucru și va s’poată s’da a oamenilor pistpsearea tru perspectiva ta ș’construiasca un yinitor acasă, lugurseaşti premierul di la Chişinău, Natalia Gavriliţă. România easti primul partener comercial al Republicii Moldova şi unul ditu prinţipalii a llei investitori.
Volumul a comerţului tră anul 2021 easti di 2,4 miliardi USD – un record tru relaţiile bilaterale -şi vremu s’anvărtuşimu aesti evoluţii pozitive, tră s’băgămu tu lucru integral potenţialul babageanu di coopearare existent, maxus prit investiţii româneşti consistente tru Republica Moldova, diclară premierul român. La Chișinău, reprezentanţii atilor două guverne simnară și un memorandum di akicăseari mutrinda coopeararea tru domeniul securităţii energetice, iara, tru yinitorlli 6 meşi, România și Republica Moldova va s’ndreagă planul comun di acţiuni tru caz di criză energetică. Tru andamasea comună fură semnate două acorduri multu importante.
Un mutreaşti construirea unei nauă apunti pisti Prut, la Ungheni, cari va s’leagă cu autostrada Târgu Neamţ-Iaşi-Ungheni şi un altul cari pruveaadi scădirea tarifelor di roaming şi tră convorbirile telefonice internaţionale anamisa di aţeali dauă stati. Tutunăoară, Ministerul Educaţiei ditu România va s’da Republicii Moldova, anual, 2.550 di burse tră nvăţământul preuniversitar şi universitar, până tru 2026.
Suntu oferite şi granturi tră stagii di formare a cadrilor didactiţ şi personalului di conduţire ditu nvăţământ, cum şi cadrul tră participarea elevilor ditu Republica Moldova la olimpiadile şi concursurile organizate tru România. Nu dip utu soni, un Protocol mutrinda colaborarea tru domeniul nvăţământului militar fu simnat anamisa di Ministerele Apărării ditu aţeali două stati.
Autor: Mihai Pelin
Armânipsearea: Taşcu Lala
