Ampuliseri politiţi la Bucureşti
Pi fostul premier tehnocrat şi comisar european tră agricultură Dacian Cioloş nu-lu acaţă strañilu politicu. Dupu patru meşi di anda fu aleptu prezidentulu a Uniunii Salvaţi România, el ş-deadi demisia, tră itia că proiectul de reformă pe cari lu-avea propusese conducerii naţionale a partidului, dominată de aprokeaţlli a fostului lider Dan Barna, nu fu aprukeatu. Aesta reprezentă un testu pi cari lu kiru, ma nu echivaleadză cu abandonaria a USR. Dacian Cioloş: “Ahătu kiro cât nu avui tru Biroul Naţional agiutoru tră aest plan, lugursiiu ti bună să-ñi prezint demisia. Arămân ma largu tru partid. Aestu partid, tră s’aibă un vinitor, şi eu minduescu că lipseaşti s-aibă un vinitor, ari ananghi ta s’hibă mpruspitatu, ari ananghi de reconectari la societate, ari ananghi di curayilu tra ş-pricunoască limitele pe cari lipseaşti s’li năstreacă tru perioada yinitoari”.
Ştefan Stoica, 08.02.2022, 08:47
Fostul ministru a Transporturilor, Cătălin Drulă, prilo interimar funcţia di lider al formaţiunillei. El dimăndă ună ş-ună ună viziune politică, ti ună orientari libearală şi feaţi apel la unitatea membrilor. Cu PSD, PNL şi UDMR la putere, uniţi tru ună majoritate de 70%, criza USR easti, di facto, criza goalăllei formaţiuni cari reprezintă opoziţia democratică tru legislativul român. Aţelli cari băna cu iluzia că Alianţa tră Unirea Românilor easti altutiva andicra di clirunumia ideologică a extremei dreapta dit perioada interbelică s-răsiră. U spuni nica un incident marca “AUR”, faptu luni tru Camera Deputaţilor, la dezbaterea a moţiunilli simple pi tema energiillei. Vinit s’da giueapi, nu altă turlie că maş democratic, tră facturile usturătoari la gaz şi electricitate, ministrul di resort, Virgil Popescu, fu pimtu di liderul AUR, George Simion, cari alină nirvos la tribună şi lu-acăţă di guşi.
Parlamentul di Bucureşti avea cunoscută, până tora, maş prişcăvillea di limbaj. Şednţa fu curmată şi ahurhi diznău maş cu participarea a parlamentarlor AUR şi ai USR, iniţiatorllii a moţiunillei. Conducerea a Camerei nu putu s’dimăndă niţi ună sancţiune, tră atea că nu ari prevederi tru aestă noimă tru Regulament. Liderul liberal Florin Cîţu, aţel cari avea faptă timbihi ti extremismulu AUR, dimăndă că va s’pripună băgarea misuri limbidid şi serti aţea turlie ta s’nu s’facă ahtări incidente. Idyea formaţiune organiză protestul preşcavu di dinintea a Parlamentului ta s’nu s’bagă tu lucru certificatului verde obligatoriu la loclu di muncă. Idyiulu George Simion intră cu zorea tru primăria Timişoarălleii, acă nu eara pi lista de audienţe. Tut el lli-anţapă soţlli parlamentari cari-i suntu indezirabili, ngeneral di la PNL şi USR, filmânda-lli fără izinea a lor şi acostându-lli fizic. AUR, pritu liderilli a llei, promoveadză fuvirosu curentele antivaccinist, ultranaţionalist, suvearanist. Tora ma ninti, tru un comunicat, AUR spusi ti Holocaust ca hiinda ună temă minoră, ţi nu-lli si cadi un loc ahoryea tru programa scolară, provocânda reacţii vehementi di la ambasada a Israelului şi di la Institutului Național tră Studierea Holocaustului dit România Elie Wiesel. Prişcăvillea cu cari ş-promoveadză aşi-dzăsili idei pari s’acaţă: dit a patra forţă a Parlamentului, alină pi doilu locu tru sondaje.
Autor: Stefan Stoica
Armânipsearia: Taşcu Lala
