Avertismentu mutrinda mealu 4 ali pandemie
Creaşti numirul a românilor infectaţi cu varianta Delta, multu ma contagio
Bogdan Matei, 20.07.2021, 17:27
Tuti boţli ţi, teoretic, lipsea ta s rezoneadză tu societate li spunu a românişorta să s imunizeadză contra a năului coronavirus. Specialiştili tu domeniul medical, politicieni autohtoni ili responsabili europeni nu danassecu ta să spuna arada că vaccinarea easti singura soluţie ta s veagli zniili dramatiţi a unui aşi-dzăs meal patru ali pandemie. Or, ţi cara feaţiră apelurili arada ţi cara s feaţiră campanii media pro-vaccinari, praglu di ţinti miliuni di români vaccinaţ cu dauli dozi nu fu agiumtu p[n[ tora, anda tricu umu mesu şi jumitati di la vadelu apufusitu di autorităţ. Aflată tu România, euro-comisarul ti sânâtati, Stella Kyriakides, dzăsi că tuti vaccinurile disponibili tu văsălie suntu siguri, eficiente şi aprucheati di Aghenţia Europeană ti Yitrii. Numirul di cazuri di persoane infectate cu năul coronavirus, aduţi aminti ea, criscu meslu aestu deadun cu inşearea tu padi ali variantă Delta, multa cama contagioasă. Dalga 4 ali pandemie va duca ysnie ti aţeli ţi nu s-vaccinară, avertizeadză şi ministrulu român a Sânâtatilei, Ioana Mihăilă. Ea dazsi că ma puţânu di un proţentu diu aţeli cari s-imunizarâ luarâ SARS-COV-2, iara aesti persoanei nu suntu tu piriclu s facâ unâ luzie sertâ di landzidzari. Ministrulu declară că ti darea silâ ali vaccinari anti-COVID-19 la hoarâ lipseaşti misticarea a yiaţârlor di fumealie, a autorităţlor locali şi a prefţâlor, aţeli ţi suntu cama aproapea di oaminili di la hoarâ.
